ಕಾವ್ಯಾ ಗೌಡ

ಕನ್ನದ ಕಿರುತೆರೆ ನಟಿ ಕಾವ್ಯಾ ಗೌಡ ಮಗಳು ಸಿಯಾ ಜೊತೆಗಿನ ಮೊದಲ ವಿದೇಶ ಪ್ರಯಾಣ ಎಂಜಾಯ್ ಮಾಡುತ್ತಿದ್ದಾರೆ. 
 

ನಟಿ ಕಾವ್ಯಾ ಗೌಡ ಪತಿ ಸೋಮಶೇಖರ್ ಹಾಗೂ ಮಗಳು ಸಿಯಾ ಜೊತೆಗೆ ಪ್ಯಾರಿಸ್ ತೆರಳಿದ್ದು, ಅಲ್ಲಿಂದ ಮುದ್ದಾದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. 
 

ಕಾವ್ಯಾ ಗೌಡ ಪ್ಯಾರಿಸ್ ನಲ್ಲಿ ಮೊದಲಿಗೆ ಡಿಸ್ನಿ ಲ್ಯಾಂಡ್ ಗೆ ತೆರಳಿದ್ದರು, ಅಲ್ಲಿ ಮಗಳ ಜೊತೆ ಸಖತ್ ಆಗಿ ಎಂಜಾಯ್ ಮಾಡಿದ್ದರು. 
 

ಇದೀಗ ಪ್ಯಾರಿಸ್ ನ ಜನಪ್ರಿಯ ಐಫೆಲ್ ಟವರ್ ಮುಂದೆ ಪತಿ ಹಾಗೂ ಮಗಳ ಜೊತೆಗೆ ವಿವಿಧ ರೀತಿಯ ಫೋಟೊ ಶೂಟ್ ಮಾಡಿ, ಕಾವ್ಯಾ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. 
 

ಪ್ಯಾರಿಸ್ ನ ಸುಂದರ ಫೋಟೊಗಳನ್ನು ಶೇರ್ ಮಾಡಿರುವ ಕಾವ್ಯಾ ಸಿಯಾ ಇನ್ ಪ್ಯಾರಿಸ್ ಎನ್ನುತ್ತಾ, ಸುಂದರವಾದ ಮೆಮೊರಿ ನೀಡಿದ್ದಕ್ಕೆ ಥ್ಯಾಂಕ್ಯೂ ಎಂದಿದ್ದಾರೆ. 
 

ಇದೇ ಜನವರಿ 26ರಂದು ಕಾವ್ಯಾ ಗೌಡ ತಮ್ಮ ಮಗಳ ಒಂದನೇ ವರ್ಷದ ಹುಟ್ಟುಹಬ್ಬವನ್ನು ಲಕ್ಸುರಿ ಹೊಟೇಲ್ ಒಂದರಲ್ಲಿ ಅದ್ಧೂರಿಯಾಗಿಯೇ ಆಚರಿಸಿಕೊಂಡಿದ್ದರು. 
 

ಇನ್ನು ಇದು ಸಿಯಾಳ ಮೊದಲ ವಿಮಾನ ಪಯಣ ಆಗಿದ್ದು, ಆ ಸುಂದರ ಕ್ಷಣಗಳನ್ನು ಸಹ ನಟಿ ಸೆರೆ ಹಿಡಿದಿದ್ದರು, ಜೊತೆಗೆ ಪ್ಯಾರಿಸ್ ನಲ್ಲೂ ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದರು. 
 

ಕಾವ್ಯಾ ಗೌಡ ಕೊನೆಯದಾಗಿ ರಾಧಾ ರಮಣದಲ್ಲಿ ನಟಿಸಿದ್ದರು, ಕೆಲವು ಸೀರಿಯಲ್ ಗಳಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸದ್ಯಕ್ಕಂತೂ ನಟನೆಯಿಂದ ಸಂಪೂರ್ಣವಾಗಿ ದೂರ ಉಳಿದಿದ್ದಾರೆ. 
 

ಕಾವ್ಯಾ ಸದ್ಯ ಪತಿ, ಮಗು ಹಾಗೂ ಸಂಸಾರದ ಕಡೆಗೆ ಸಂಪೂರ್ಣವಾಗಿ ಗಮನ ಹರಿಸಿದ್ದು, ಫ್ಯಾಮಿಲಿ ಜೊತೆ ಟೂರ್, ಕಾರ್ಯಕ್ರಮ ಎಂಜಾಯ್ ಮಾಡುತ್ತಾ ಹಾಯಾಗಿದ್ದಾರೆ.