ಆರವ್ ಸೂರ್ಯ

ಸ್ಟಾರ್ ಸುವರ್ಣದಲ್ಲಿ ಪ್ರಸಾರವಾಗುತ್ತಿರುವ ಜೇನು ಗೂಡು ಸೀರಿಯಲ್ ನ ನಾಯಕ ಆರವ್ ಸೂರ್ಯ (Arav Surya), ತಂದೆಯಾದ ಸಂಭ್ರಮದಲ್ಲಿದ್ದಾರೆ. 

ಆರವ್ ತಮ್ಮ ಮಗನಿಗೆ ಯಂಶ್ ಅರಸು ಎಂದು ನಾಮಕರಣ ಮಾಡಿದ್ದು, ಬಂಧು ಬಾಂಧವರೊಡನೆ ಅದ್ಧೂರಿ ಸಮಾರಂಭ ಕೂಡ ಏರ್ಪಡಿಸಿದ್ದರು. 
 

ನಟ ಆರವ್ ಸೂರ್ಯ ತಮ್ಮ ಬಹುಕಾಲದ ಗೆಳತಿ ವೈಷ್ಣವಿ (Vaishnavi) ಜೊತೆ ಡಿಸೆಂಬರ್ 12, 2021ರಂದು ತಿರುಪತಿಯಲ್ಲಿ (Tirupati) ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. 

ಮದುವೆಯಾದ ವರ್ಷದೊಳಗೆ ತಂದೆಯಾಗಿದ್ದ ಆರವ್, ಕಳೆದ ಡಿಸೆಂಬರ್ ನಲ್ಲಿ ತಂದೆಯಾದ ಸಂಭ್ರಮವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. 

ಕರಿಯರ್ ಲೈಫ್ ಬಗ್ಗೆ ಮಾತನಾಡೋದಾದ್ರೆ ಆರವ್ ಸೂರ್ಯ ಕಳೆದ ಹಲವಾರು ವರ್ಷಗಳಿಂದ ಕಿರುತೆರೆಯಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಹಲವಾರು ಸೀರಿಯಲ್ ಗಳಲ್ಲಿ ನಟಿಸಿದ್ದಾರೆ. 

ಸದ್ಯ ಜೇನು ಗೂಡು (Jenugudu serial) ಸೀರಿಯಲ್ ನಲ್ಲಿ ನಟಿಸುತ್ತಿರುವ ಆರವ್ ಈ ಹಿಂದೆ ಮರಳಿ ಬಂದಳು ಸೀತೆ, ಯಾರಿವಳು, ವೀಣಾಪಾಣಿ ಮೊದಲಾದ ಸೀರಿಯಲ್ ನಲ್ಲಿ ನಟಿಸಿದ್ದಾರೆ.

ಅವಿಭಕ್ತ ಕುಟುಂಬದ ಕಥೆ ಹೊಂದಿರುವ ಜೇನು ಗೂಡು ಸೀರಿಯಲ್ ನಲ್ಲಿ ಆರವ್, ಮುದ್ದು ಪೆದ್ದಾದ ಶಶಾಂಕ್ ಆಗಿ ನಟಿಸುತ್ತಿದ್ದು, ಈ ಸೀರಿಯಲ್ ಮೂಲಕ ಸಾಕಷ್ಟು ಅಭಿಮಾನಿಗಳನ್ನು ಸಹ ಪಡೆದುಕೊಂಡಿದ್ದಾರೆ.