ಭೂಲೋಕದ ಸ್ವರ್ಗ

ಕೇರಳ ತನ್ನ ಪ್ರಾಕೃತಿಕ ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಅದರಲ್ಲೂ ಮಳೆಗಾಲದಲ್ಲಿ ಕೇರಳದ ಸೊಬಗು ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತದೆ. ಇಲ್ಲಿನ ಪ್ರಕೃತಿ ರಮಣೀಯತೆ ಎಂಥವರನ್ನೂ ಬೆರಗುಗೊಳಿಸುತ್ತೆ.

ಮಳೆಗಾಲದಲ್ಲಿ ನೀವು ಕೇರಳ ರಾಜ್ಯಕ್ಕೆ ವಿಸಿಟ್ ಮಾಡೋ ಪ್ಲಾನ್ ಮಾಡಿದ್ರೆ ಬ್ಯಾಕ್‌ವಾಟರ್ಸ್‌ ಸೌಂದರ್ಯ ಸವಿಯಬಹುದು. ಮಳೆಗಾಲದಲ್ಲಿ ಪರಿಸರ ಹಚ್ಚ ಹಸಿರಿನಿಂದ ತುಂಬಿರುತ್ತದೆ. 

ಮಳೆಗಾಲದ ವಾತಾವರಣ ಆರ್ಯುವೇದ ಚಿಕಿತ್ಸೆ ಪಡೆದುಕೊಳ್ಳಲು ಅತ್ಯುತ್ತಮವಾಗಿದೆ. ಈ ತಂಪಾದ ವಾತಾವರಣ ದೇಹ ಮೂಲಿಕೆಗಳ ಶಕ್ತಿಯನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳಲು ನೆರವಾಗುತ್ತದೆ.
 

ಓಣಂ ಹಬ್ಬದ ಸಂದರ್ಭದಲ್ಲಿಯೇ ಜಗತ್ತಿನ ಅತೀ ಪ್ರಸಿದ್ಧವಾದ ಸ್ನೇಕ್ ಬೋಟ್ ರೇಸ್ ಇಲ್ಲಿ ನಡೆಯುತ್ತದೆ. ಆಲಪ್ಪುಳ ಬ್ಯಾಕ್‌ ವಾಟರ್‌ನಲ್ಲಿ ನಡೆಯುವ ಸ್ಪರ್ಧೆಯನ್ನು ನೋಡಲು ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಸೇರುತ್ತಾರೆ.

ದೇವರ ನಾಡಿನಲ್ಲಿ ಹಲವಾರು ಸುಂದರ ಜಲಪಾತಗಳಿವೆ. ಮಳೆಗಾಲದಲ್ಲಿ ಇವು ತುಂಬಿ ಧುಮ್ಮಿಕ್ಕಿ ಹರಿಯುತ್ತವೆ. ತ್ರಿಶ್ಯೂರ್‌ನ ಅತಿರಪಳ್ಳಿ ಫಾಲ್ಸ್, ಮುನ್ನಾರ್‌ನ ಅಟ್ಟುಕಾಡ್ ಫಾಲ್ಸ್ ನೋಡಲು ಕಣ್ಣಿಗೆ ಮನಮೋಹಕವಾಗಿರುತ್ತದೆ.
 

ಕೇರಳದ ಪ್ರಮುಖ ಹಬ್ಬಗಳಲ್ಲಿ ಓಣಂ ಸಹ ಒಂದಾಗಿದೆ. ಪೂಕಳಂ, ತಿರುವಾದಿರ ಮೊದಲಾದವುಗಳನ್ನು ಒಳಗೊಂಡ ದಿನವನ್ನು ಜನರು ಸಂಭ್ರಮದಿಂದ ಆಚರಿಸುತ್ತಾರೆ. ಅದರಲ್ಲೂ ಕೇರಳ ವಿಶಿಷ್ಟ ಆಹಾರ ಓಣಂ ಸದ್ಯ ಎಲ್ಲರ ನೆಚ್ಚಿನದ್ದಾಗಿದೆ.