'ಪೊಗರು' ಬಳಿಕ ಕನ್ನಡ ಚಿತ್ರರಂಗದಿಂದ ರಶ್ಮಿಕಾ ಮಂದಣ್ಣ ದೂರ ಉಳಿದಿದ್ದೇಕೆ?

'ಪೊಗರು' ಸಿನಿಮಾ ಬಳಿಕ ನಟಿ ರಶ್ಮಿಕಾ ಮಂದಣ್ಣ ಅವರು ಕನ್ನಡದಲ್ಲಿ ನಟಿಸಿಲ್ಲ. ಇನ್ನು ಯಾವುದೇ ಕನ್ನಡ ಸಿನಿಮಾದಲ್ಲಿ ನಟಿಸುವ ಮಾತುಕತೆ ಕೂಡ ನಡೆದಂತಿಲ್ಲ.

ರಶ್ಮಿಕಾ ಮಂದಣ್ಣ ಅವರು ತೆಲುಗು, ತಮಿಳು, ಹಿಂದಿ ಭಾಷೆಯ ಸ್ಟಾರ್‌ ನಟರ ಜೊತೆ ಸಿನಿಮಾದಲ್ಲಿ ನಟಿಸುತ್ತ, ಹಿಟ್‌ ಸಿನಿಮಾ ಹೀರೋಯಿನ್‌ ಆಗುತ್ತಿದ್ದಾರೆ.

ರಶ್ಮಿಕಾ ಮಂದಣ್ಣ ಅವರು ರಕ್ಷಿತ್‌ ಶೆಟ್ಟಿ ಜೊತೆ ಬ್ರೇಕಪ್‌ ಮಾಡಿಕೊಂಡಿದ್ದಕ್ಕೂ ವೀಕ್ಷಕರಿಗೆ ಬೇಸರ ಇದೆ. ಇಲ್ಲಿ ಯಾರದ್ದು ತಪ್ಪು ಎಂದು ಸ್ಪಷ್ಟವಾಗಿ ಗೊತ್ತಿಲ್ಲ.

ಬೇರೆ ಬೇರೆ ಭಾಷೆಗಳಲ್ಲಿ ದೊಡ್ಡ ಮಟ್ಟದ ಸಿನಿಮಾದಲ್ಲಿ ನಟಿಸುತ್ತಿರುವ ರಶ್ಮಿಕಾ ಮಂದಣ್ಣ ತಾನು ಹೈದರಬಾದ್‌ನವಳು ಎನ್ನುತ್ತಾರೆ.

ಇನ್ನು ರಶ್ಮಿಕಾ ಮಂದಣ್ಣ ಅವರು ರಕ್ಷಿತ್‌ ಶೆಟ್ಟಿ ಜೊತೆ ಸಿನಿಮಾ ಮಾಡಿದ್ದು, ಮೊದಲ ಅವಕಾಶ ನೀಡಿದ ಪ್ರೊಡಕ್ಷನ್‌ ಹೆಸರನ್ನು ಕೂಡ ಹೇಳಿರಲಿಲ್ಲ.

ರಶ್ಮಿಕಾ ಮಂದಣ್ಣ ಅವರು ಪದೇ ಪದೇ ಕನ್ನಡವನ್ನು ಅವಮಾನಿಸಿದರು, ಕಡೆಗಾಣಿಸಿದರು ಎಂಬ ಆರೋಪ ಇದೆ. ಹೀಗಾಗಿ ರಶ್ಮಿಕಾ ಮೇಲೆ ಅಭಿಮಾನಕ್ಕಿಂತ ಅಸಮಾಧಾನ ಜಾಸ್ತಿ ಇದೆ.

ಈ ಬಗ್ಗೆ ಅವರು ನಟ ಬಾಲಯ್ಯ ಜೊತೆಗಿನ ಆಹಾ ಸಿರೀಸ್‌ನ ಟಾಕಿಂಗ್‌ ಶೋದಲ್ಲಿ ಮಾತನಾಡಿದ್ದಾರೆ.

“ನಾನು ಪೊಗರು ಸಿನಿಮಾದಲ್ಲಿ ನಟಿಸಿದ್ದೇನೆ, ಆಮೇಲೆ ಲಾಕ್‌ಡೌನ್‌ ಆಯ್ತು. ಸುಮ್ಮನೆ ತಪ್ಪು ಕಲ್ಪನೆಯಿಂದ ಈ ಥರ ಆಗಿದೆ. ಅದು ಬಿಟ್ಟು ಏನೂ ಇಲ್ಲ. ನನಗೆ ಕನ್ನಡ ಸಿನಿಮಾದಲ್ಲಿ ನಟಿಸೋಕೆ ಇಷ್ಟ” ಎಂದು ಅವರು ಹೇಳಿದ್ದಾರೆ.

“ಸಿನಿಮಾದಲ್ಲಿ ಯಶಸ್ಸು ಸಿಗುತ್ತಿದ್ದಂತೆ ಕಾಂಟ್ರವರ್ಸಿ ಆಯ್ತು. ಇದು ಬಹಳ ಬೇಸರ ತಂದರೂ ಕೂಡ ನನ್ನ ಪರವಾಗಿ ವಾದ ಮಾಡಿದ ಫ್ಯಾನ್ಸ್‌ ನೋಡಿ ಖುಷಿ ಆಯ್ತು” ಎಂದು ಹೇಳಿದ್ದಾರೆ.