Sandalwood
ರಾಬರ್ಟ್ ಚಿತ್ರದಲ್ಲಿ ಕಣ್ಣು ಹೊಡೆಯಾಕ ನಿನ್ನೆ ಕಲಿತೀನಿ ಎಂದು ಹೇಳಿ ಯುವಜನರ ಮನಸ್ಸಿಗೆ ಲಗ್ಗೆ ಇಟ್ಟ ಚೆಲುವೆ ಆಶಾ ಭಟ್ ಈವಾಗ ಎಲ್ಲಿದ್ದಾರೆ?
2014 ರಲ್ಲಿ ಮಿಸ್ ದಿವಾ ಬ್ಯೂಟಿ ಕಾಂಟೆಸ್ಟ್ ನಲ್ಲಿ ಮಿಸ್ ದಿವಾ ಸೂಪ್ರನ್ಯಾಷನಲ್ ಟೈಟಲ್ ಗೆಲ್ಲುವ ಮೂಲಕ ಸುದ್ದಿಯಾದ ಆಶಾ ಭಟ್
ಭಾರತದಲ್ಲಿ ಗೆದ್ದ ಬಳಿಕ ಅವರು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಡೆದ ಸೂಪ್ರನ್ಯಾಷನಲ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿ ಕಿರೀಟ ಮುಡಿಗೇರಿಸುವ ಮೂಲಕ ಇತಿಹಾಸ ನಿರ್ಮಿಸಿದರು.
ಆಶಾ ಭಟ್ ಶಿವಮೊಗ್ಗ ಜಿಲ್ಲೆಯ ಭದ್ರಾವತಿಯ ಹುಡುಗಿಯಾಗಿದ್ದು, ಆಳ್ವಾಸ್ ಕಾಲೇಜಿನಲ್ಲಿ ಕಾಲೇಜು ಮುಗಿಸಿ, ಆರ್.ವಿ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಇಂಜಿನಿಯರಿಂಗ್ ಪದವಿ ಪಡೆದರು.
ಆಶಾ ಭಟ್ ಬಾಲಿವುಡ್ ನ ಜಂಗ್ಲೀ ಸಿನಿಮಾದ ಮೂಲಕ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟರು. ಈ ಚಿತ್ರದಲ್ಲಿ ಇವರು ವಿದ್ಯುತ್ ಜಮಾವಾಲ್ ಮತ್ತು ಪೂಜಾ ಸಾವಂತ್ ಜೊತೆ ತೆರೆ ಹಂಚಿಕೊಂಡಿದ್ದರು.
ರಾಬರ್ಟ್ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಆಶಾ ಭಟ್ ಕಣ್ಣು ಹೊಡೆಯಾಕ ಹಾಡಿನ ಮೂಲಕ ಕರ್ನಾಟಕದಾದ್ಯಂತ್ ಜನಪ್ರಿಯತೆ ಗಳಿಸಿದರು, ಜೊತೆಗೆ ಭರವಸೆಯ ನಟಿಯಾಗಿ ಹೊರ ಹೊಮ್ಮಿದರು.
ಆಶಾ ಭಟ್ ಅವರು ಅತ್ಯುತ್ತಮ ಗಾಯಕಿ ಮತ್ತು ನೃತ್ಯಗಾರ್ತಿಯೂ ಆಗಿದ್ದು, ಇವರು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಹಾಡುಗಳ ವೀಡಿಯೋ ಮತ್ತು ಡ್ಯಾನ್ಸ್ ವಿಡೀಯೋ ಶೇರ್ ಮಾಡುತ್ತಿರುತ್ತಾರೆ.
ಪುಸ್ತಕ ಪ್ರೇಮಿಯೂ ಆಗಿರುವ ಆಶಾಭಟ್ ಸದ್ಯ ತಾವು ಪುಸ್ತಕ ಓದುತ್ತಿರುವ ಫೋಟೋವೊಂದನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಜೊತೆಗೆ ನೀವು ಯಾವ ಪುಸ್ತಕ ಓದುತ್ತಿದ್ದೀರಿ ಎಂದು ಕೇಳಿದ್ದಾರೆ.
ಆಶಾ ಭಟ್ ಮಲ್ಟಿ ಟ್ಯಾಲೆಂಟೆಡ್ ಎಂದೇ ಹೇಳಬಹುದು. ಯಾಕಂದ್ರೆ, ಸಿಂಗರ್, ಭರತನಾಟ್ಯ ಕಲಾವಿದೆ, ಮಾರ್ಷಲ್ ಆರ್ಟ್ ಪ್ರವೀಣೆ, ಚಿತ್ರ ಕಲಾವಿದೆ, ಎಲ್ಲವೂ ಹೌದು.
ಕೇವಲ ಮೂರು ಚಿತ್ರಗಳಲ್ಲಿ ಕಾಣಿಸಿಕೊಂಡ ಬಳಿಕ ಅವರು ಹೆಚ್ಚಾಗಿ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. ಆದರೆ ಸೋಶಿಯಲ್ ಮೀಡಿಯಾ ಮೂಲಕ ಅವರು ಅಭಿಮಾನಿಗಳ ಜೊತೆ ಕನೆಕ್ಟ್ ಆಗುತ್ತಿದ್ದಾರೆ.