ಪ್ರಿಯಾಮಣಿ

ಕನ್ನಡ, ತಮಿಳು, ತೆಲುಗು ಸೇರಿ ಪಂಚ ಭಾಷೆಯಲ್ಲಿ ನಟಿಸಿ ಆದ್ಭುತ ನಟಿ ಎನಿಸಿಕೊಂಡಿರುವ ಪ್ರಿಯಾಮಣಿ ಹೆಚ್ಚು ಸುದ್ದಿಯಾಗಿದ್ದು ಮಾತ್ರ ತಮ್ಮ ಮದುವೆಯಿಂದ. 
 

ಪ್ರಿಯಾಮಣಿಯವರು ಇಸ್ಲಾಂ ಧರ್ಮದವರಾದ ಮುಸ್ತಫಾ ರಾಜ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ. ಇದರಿಂದ ಅವರು ತೀವ್ರ ಟೀಕೆಗೆ ಒಳಗಾಗಿದ್ದರು. 
 

ನಾನು ಪ್ರೀತಿಸಿ ಮದುವೆ ಆಗಿದ್ದು ತಪ್ಪಾ?  ನಾನು ಪ್ರೀತಿಸಿದವರನ್ನು ಮದುವೆಯಾದರೆ ಟ್ರೋಲ್​ ಮಾಡುತ್ತಾರೆ. ಇದರಿಂದ ತುಂಬಾ ಬೇಸರವಾಗಿದೆ ಎಂದು ಟ್ರೋಲ್ ಮಾಡುವವರ ವಿರುದ್ಧ ತಿರುಗಿ ಬಿದ್ದಿದ್ದಾರೆ. 
 

ಲವ್ ಜಿಹಾದ್ ಎಂದು ಟೀಕೆ ಮಾಡುತ್ತಿದ್ದವರಿಗೆ ಉತ್ತರಿಸಿದ ಪ್ರಿಯಾಮಣಿ ನನ್ನ ಗಂಡ ಐಸೀಸ್ ಅಲ್ಲ, ಜೊತೆಗೆ ನನ್ನ ಮಕ್ಕಳು ಜಿಹಾದಿಗಳಾಗೋಲ್ಲ. ಎಲ್ಲರೂ ಲವ್ ಜಿಹಾದ್ ಮಾಡಲ್ಲ ಎಂದು ಹೇಳಿದ್ದಾರೆ. 
 

ಇನ್ನು ಪ್ರಿಯಾಮಣಿ ಮದುವೆ ವಿಷಯ ಈ ಹಿಂದೆಯೇ ಭಾರಿ ಸುದ್ದಿಯಾಗಿತ್ತು, ಯಾಕಂದ್ರೆ ಮುಸ್ತಾಫಗೆ ಇದು ಎರಡನೇ ಮದುವೆಯಾಗಿದ್ದು, ಮೊದಲ ಪತ್ನಿಗೆ ತಲಾಖ್ ನೀಡದ ಹಿನ್ನೆಲೆಯಲ್ಲಿ ದೂರು ಕೂಡ ದಾಖಲಾಗಿತ್ತು. 
 

ಉದ್ಯಮಿಯಾಗಿರುವ ಮುಸ್ತಫಾ ರಾಜ್ ಅಮೆರಿಕದಲ್ಲಿ ಕೆಲಸ ಮಾಡುತ್ತಿದ್ದಾರಂತೆ. ಲಾಂಗ್ ಡಿಸ್ಟನ್ಸ್ ರಿಲೇಶನ್‌ಶಿಪ್‌ನಲ್ಲಿದ್ದರೂ ಇಬ್ಬರ ಸಂಬಂಧ ಸೇಫ್ ಆಗಿದೆ, ಇಬ್ಬರಿಗೂ ನಂಬಿಕೆ ಇದೆ ಎನ್ನುತ್ತಾರೆ ನಟಿ. 
 

ಹಲವಾರು ಬಾರಿ ಪ್ರಿಯಾಮಣಿ -ಮುಸ್ತಫಾ ನಡುವೆ ಸರಿಯಿಲ್ಲ, ಇಬ್ಬರು ದೂರಾಗಿದ್ದಾರೆ ಎಂದು ಕೇಳಿ ಬರುತ್ತಿತ್ತು, ಆದರೆ ಇದನ್ನೆಲ್ಲಾ ಇಗ್ನೋರ್ ಮಾಡಿ ಪ್ರಿಯಾ ಐದು ವರ್ಷಗಳ ಸುಂದರ ದಾಂಪತ್ಯ ಜೀವನ ನಡೆಸಿದ್ದಾರೆ.