ಚಂದ್ರು ಏನೋ ಒಂದು ಪ್ರಯತ್ನ ಮಾಡುತ್ತಿದ್ದಾರೆ

ಆರ್. ಚಂದ್ರು ಐದು ಸಿನಿಮಾ ಒಟ್ಟಿಗೆ ಘೋಷಣೆ ಮಾಡಿದಾಗ ಐದು ಚಂದ್ರು ಅಂತ ಕೆಲವರು ಹೇಳಿದ್ದರು. ಚಂದ್ರು ಏನೋ ಒಂದು ಪ್ರಯತ್ನ ಮಾಡುತ್ತಿದ್ದಾರೆ. 

ಎಲ್ಲಾ ಸಿನಿಮಾಗಳು ಎಕ್ಸಾರ್ಡಿನರಿ ಆಗಿರಲ್ಲ. ಹಾಗಾಗಿ ಕಾಲೆಳೆಯಬೇಡಿ, ಪೋತ್ಸಾಹಿಸಿ. ಫಾದರ್ ಸಿನಿಮಾದ ಮೋಷನ್ ಪೋಸ್ಟರ್ ಬಹಳ ಚೆನ್ನಾಗಿದೆ.  ಹೀಗೆ ಹೇಳಿದ್ದು ಕಿಚ್ಚ ಸುದೀಪ್. 
 

ಆರ್ ಚಂದ್ರು ನಿರ್ಮಾಣದ, ರಾಜಮೋಹನ್ ನಿರ್ದೇಶನದ, ಡಾರ್ಲಿಂಗ್ ಕೃಷ್ಣ, ಪ್ರಕಾಶ್ ರೈ, ನಾಗಭೂಷಣ ಹಾಗೂ ಅಮೃತಾ ಅಯ್ಯಂಗಾರ್ ನಟನೆಯ ಫಾದರ್ ಸಿನಿಮಾದ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿ ಅವರು ಮಾತನಾಡಿದರು.
 

ಡಾರ್ಲಿಂಗ್ ಕೃಷ್ಣ ಮಾತನಾಡಿ, ನನಗೆ ಕಥೆ ಬಹಳ ಇಷ್ಟ ಆಯಿತು. ಹಾಗಾಗಿ ಒಪ್ಪಿಕೊಂಡೆ. ಇತ್ತೀಚೆಗೆ ಬಹಳ ಆಯ್ಕೆ ಮಾಡಿ ಸಿನಿಮಾ ಒಪ್ಪಿಕೊಳ್ಳುತ್ತಿದ್ದೇನೆ ಎಂದರು. 
 

ಆರ್ ಚಂದ್ರು ಮಾತನಾಡಿ, ಕಥೆ ಬಹಳ ಚೆನ್ನಾಗಿದೆ. ಹಾಗಾಗಿ ದೊಡ್ಡ ಮಟ್ಟದಲ್ಲಿ ಸಿನಿಮಾ ಮಾಡಿದ್ದೇನೆ. ಎಲ್ಲರಿಗೂ ಈ ಕಥೆ ಕನೆಕ್ಟ್ ಆಗುತ್ತದೆ ಎಂದರು. 

ನಿರ್ದೇಶಕ ರಾಜಮೋಹನ್, ಪ್ರತೀ ಕಥೆಗೂ ಒಂದು ಜೀವ ಇರುತ್ತದೆ. ಈ ಕಥೆಯೇ ನನ್ನನ್ನು ಇಲ್ಲಿಯವರೆಗೆ ಕರೆ ತಂದಿದೆ. ಯಾವ ಸಿನಿಮಾದಲ್ಲೂ ಇರದ ಕಥೆ ಈ ಚಿತ್ರದಲ್ಲಿದೆ ಎಂದರು.