ಡಾರ್ಲಿಂಗ್ ಕೃಷ್ಣ

ಸ್ಯಾಂಡಲ್ ವುಡ್ ನಟ ಹಾಗೂ ನಿರ್ದೇಶಕ ಡಾರ್ಲಿಂಗ್ ಕೃಷ್ಣ ತಮ್ಮ ಮುದ್ದು ಮಗಳು ಹಾಗೂ ಪತ್ನಿಯ ಮುದ್ದಾದ ಫೋಟೊವನ್ನು ತಮ್ಮ ಇನ್’ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದು, ಮೆಚ್ಚುಗೆಯ ಮಹಾಪೂರವೇ ಹರಿದು ಬಂದಿದೆ.  
 

ಮಿಲನಾ ನಾಗರಾಜ್ ಮುದ್ದು ಮಗಳು ಪರಿಯನ್ನು ಕೈಯಲ್ಲಿ ಹಿಡಿದಿದ್ದು, ಇಬ್ಬರು ಮುದ್ದಾಗಿ ನಗುತ್ತಿರುವ ಫೋಟೊ ಇದಾಗಿದೆ. ಇದಕ್ಕೆ ಕ್ಯಾಪ್ಶನ್ ಆಗಿ ಕೃಷ್ಣ My world ಎಂದು ಬರೆದುಕೊಂಡಿದ್ದಾರೆ. 
 

ಮಿಲನಾ ಮತ್ತು ಮುದ್ದು ಪರಿ ಫೋಟೊಗೆ ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದು, ನಟಿಯರಾದ ಅಮೃತಾ ಅಯ್ಯಂಗಾರ್, ಸುಷ್ಮಿತಾ, ರಾಚೆಲ್ ಡೇವಿಡ್, ರೋಶನಿ ಪ್ರಕಾಶ್, ಮ್ಯಾಕ್ರಿನ್ ಡೀಸೋಜಾ ಪ್ರೀತಿಯ ಸುರಿಮಳೆ ಸುರಿದಿದ್ದಾರೆ. 
 

ಅಮ್ಮ ಕೈಯಲ್ಲಿ ಮುದ್ದಾಗಿ ನಗುತ್ತಿರುವ ಪರಿಯನ್ನು ನೋಡಿ ಅಭಿಮಾನಿಗಳು ಇದು ಜ್ಯೂನಿಯರ್ ಕೃಷ್ಣ, ಸೇಮ್ ಅಪ್ಪನ ಥರಾನೆ ಇದ್ದಾಳೆ, ಮುದ್ದು ಕೃಷ್ಣ ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ. 
 

ಕೃಷ್ಣಾ -ಮಿಲನಾ ದಂಪತಿಗಳು ಫೆಬ್ರುವರಿ 14, 2021 ರಂದು ಮದುವೆಯಾಗಿದ್ದು, ವಿವಾಹವಾಗಿ ಮೂರು ವರ್ಷಗಳ ಬಳಿಕ ಅಂದ್ರೆ ಸೆಪ್ಟೆಂಬರ್ 2024ರಂದು ಮಗಳಿಗೆ ಜನ್ಮ ನೀಡಿದ್ದರು. 
 

ಈ ಜೋಡಿ ಮಗು ಹುಟ್ಟಿ ಒಂದು ವಾರದಲ್ಲಿ ಫ್ಯಾಮಿಲಿ ಫೋಟೊ ಶೂಟ್ ಮಾಡಿ, ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಹೆಚ್ಚಾಗಿ ಈ ಸ್ಟಾರ್ ಕಪಲ್ ತಮ್ಮ ಮಗಳ ಜೊತೆಗಿನ ಮುದ್ದಾದ ಫೋಟೊ ಹಂಚಿಕೊಳ್ಳುತ್ತಿರುತ್ತಾರೆ.