ಚಂದನವನದ ನಟ ಭಯಂಕರ ಡಾಲಿ ಧನಂಜಯ್ ಹಾಗೂ ಧನ್ಯತಾ ಮದುವೆ ಶಾಸ್ತ್ರಗಳು ಅದ್ಧೂರಿಯಾಗಿ ನಡೆಯುತ್ತಿವೆ.
ಡಾಲಿ ಧನಂಜಯ್ ಮದುವೆಗೆ ಚಿತ್ರರಂಗದ ಗಣ್ಯರ ಸಮೇತ, ಅಭಿಮಾನಿಗಳನ್ನೂ ಸಹ ಅದ್ಧೂರಿಯಾಗಿ ಆಹ್ವಾನಿಸಲಾಗಿದೆ.
ಮದುವೆ ಶಾಸ್ತ್ರಗಳು ಫೆಬ್ರುವರಿ 15 ಮತ್ತು 16 ರಂದು ನಡೆಯುತ್ತಿದ್ದು, ಮೈಸೂರಿನ ವಸ್ತು ಪ್ರದರ್ಶನಾ ಮೈದಾನದಲ್ಲಿ ಸಕಲ ಸಿದ್ಧತೆ ನಡೆದಿದೆ.
ಇಂದು ಅಂದ್ರೆ ಫೆಬ್ರುವರಿ 15 ಶನಿವಾರದಂದು ಧನಂಜಯ್ -ಧನ್ಯತಾ ಜೋಡಿಯ ಆರತಕ್ಷತೆ ನಡೆಯಲಿದೆ.
ಧನ್ಯತಾ ಅವರು ಗೈನಕಾಲಜಿಸ್ಟ್ ಆಗಿದ್ದು, ಇವರಿಬ್ಬರು ಸ್ನೇಹಿತರಾಗಿ ನಂತರ, ಮಾತುಕತೆ ಬೆಳೆದು,ಪ್ರೀತಿಸಿ, ಇದೀಗ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ.
ಧನಂಜಯ್ ಧನ್ಯತಾ ಜೋಡಿಯ ಮದುವೆ ಫೆಬ್ರುವರಿ 16 ರಂದು ನಡೆಯಲಿದೆ.
ಮದುವೆಯ ಶಾಸ್ತ್ರಗಳು ಈಗಾಗಲೇ ಆರಂಭವಾಗಿದ್ದು, ಸೋಶಿಯಲ್ ಮಿಡಿಯಾದಲ್ಲಿ ಫೋಟೋ ವೈರಲ್ ಆಗುತ್ತಿವೆ.
ಈ ಜೋಡಿಯ ಹಳದಿ ಶಾಸ್ತ್ರ ಭಾರಿ ಸಂಭ್ರಮದಿಂದ ನಡೆದಿದ್ದು, ಇದೀಗ ಬಳೆ ಶಾಸ್ತ್ರ ನಡೆಯುತ್ತಿದೆ.
ಹೊಸ ಜೋಡಿಯ ಬಳೆ ಶಾಸ್ತ್ರ ಭಾರಿ ಅದ್ಧೂರಿಯಾಗಿ ನಡೆದಿದ್ದು, ಈ ಸಂಭ್ರಮದಲ್ಲಿ ಫೋಟೊಗಳು ಸಹ ಇಂಟರ್ನೆಟ್ ನಲ್ಲಿ ಸದ್ದು ಮಾಡುತ್ತಿವೆ.
ಬಳೆ ಶಾಸ್ತ್ರದಲ್ಲಿ ಎರಡು ಮನೆಯವರು ಜೊತೆಯಾಗಿ ಸೇರಿ, ಸಂಭ್ರಮದಿಂದ ಆಚರಿಸಿದ್ದು, ವಧುವಿಗೆ ಬಳೆ ತೊಡಿಸಿ, ಮಡಿಲು ತುಂಬಿಸಿದ್ದಾರೆ.
ಧನಂಜಯ್ ಅವರು ಧನ್ಯತಾಗೆ ಕಾಲುಂಗುರ ತೊಡಿಸಿದ್ದು, ಈ ಫೋಟೊ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಸಂಪ್ರದಾಯದ ಪ್ರಕಾರ ಸಾಮಾನ್ಯವಾಗಿ ಸಪ್ತಪದಿ ತುಳಿದ ಬಳಿಕ ಕಾಲುಂಗುರ ತೊಡೆಸುವುದು ಪದ್ದತಿ, ಆದರೆ ಇಲ್ಲಿ ಮದುವೆಗೂ ಮುನ್ನವೇ ಕಾಲುಂಗುರ ತೊಡಿಸಿದ್ದಾರೆ.
ಸಪ್ತಪದಿ ತುಳಿಯೋ ಮುನ್ನವೇ ಡಾಲಿ, ಧನ್ಯತಾ ಕಾಲ್ಬೆರಳಿಗೆ ಕಾಲುಂಗರ ತೊಡಿಸಿದ್ದಕ್ಕೆ, ನೆಟ್ಟಿಗರು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.
ಇನ್ನು ಎಷ್ಟು ಎತ್ತರಕ್ಕೆ ಬೆಳೆದರೂ ಡಾಲಿ ಧನಂಜಯ್ ಸಂಪ್ರದಾಯ ಬದ್ಧವಾಗಿ ಮದುವೆ ಕಾರ್ಯಗಳನ್ನು ಮಾಡುತ್ತಿರುವುದನ್ನು ನೋಡಿ ಅಭಿಮಾನಿಗಳು ಸಂಭ್ರಮಿಸಿದ್ದಾರೆ.
ಎಷ್ಟೆ ಎತ್ತರಕ್ಕೆ ಬೆಳೆದರು ಸಂಪ್ರದಾಯ ಮರೆಯಬಾರದು ಅನ್ನೊದಕ್ಕೆ ಈ ಮದುವೆ ಸಾಕ್ಷಿ. ಅಭಿನಂದನೆಗಳು ಧನಂಜಯ್. ಸರ್ ನಿಮ್ಮ ವಿವಾಹ ಜೀವನ ಸುಖಕರವಾಗಿರಲಿ ಎಂದು ಜನ ಹಾರೈಸಿದ್ದಾರೆ.
ಕಳೆದ ಎರಡು ತಿಂಗಳಿನಿಂದ ಧನ್ಯತಾ, ಧನಂಜಯ ಚಿತ್ರರಂಗದ ಗಣ್ಯರಿಗೆ, ರಾಜಕೀಯ ಗಣ್ಯರಿಗೆ ಆಹ್ವಾನ ನೀಡುತ್ತಿದ್ದಾರೆ. ಮದುವೆಯಲ್ಲಿ ತೆಲುಗು ಹಾಗೂ ಕನ್ನಡದ ತಾರೆಯರು ಭಾಗಿಯಾಗುವ ಸಾಧ್ಯತೆ ಇದೆ.
ಹೊಸ ಜೀವನಕ್ಕೆ ಕಾಲಿಡುತ್ತಿರುವ ಡಾಲಿ ಧನಂಜಯ್ ಹಾಗೂ ಧನ್ಯತಾ ಜೋಡಿಗೆ ಶುಭ ಹಾರೈಕೆಗಳು.