ಆಶಿಕಾ ರಂಗನಾಥ್

ಸ್ಯಾಂಡಲ್’ವುಡ್ ಸುಂದರಿ ಚುಟು ಚುಟು ಬೆಡಗಿ ಆಶಿಕಾ ರಂಗನಾಥ್ ಹೊಸ ಫೋಟೊ ಶೂಟ್ ಶೇರ್ ಮಾಡಿದ್ದು, ತಿಳಿ ಹಸಿರು, ಹಳದಿ ಬಣ್ಣದ ಸೀರೆಯಲ್ಲಿ ನಟಿ ತುಂಬಾನೆ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ. 
 

ತಿಳಿ ಬಣ್ಣದ ಈ ಸೀರೆಯುಟ್ಟು ಸಿಂಪಲ್ ಲುಕ್ ನಲ್ಲಿ ಕಂಗೊಳಿಸುತ್ತಿರುವ ಆಶಿಕಾ ಅಂದಕ್ಕೆ ಮನಸೋತಿರುವ ಅಭಿಮಾನಿಗಳು ದೇವತೆ, ಮಿಸ್ ಕರ್ನಾಟಕ, ಕನ್ನಡಿಗರ ಕ್ರಶ್ ಎಂದು ಕಾಮೆಂಟ್ ಮಾಡಿದ್ದಾರೆ. 
 

ಆಶಿಕಾ ನಟ ಸಿದ್ಧಾರ್ಥ್ ಜೊತೆ ಮಿಸ್ ಯೂ ಎನ್ನುವ ತಮಿಳು ಸಿನಿಮಾ ಮಾಡಿದ್ದು, ಚಿತ್ರ ಬಿಡುಗಡೆಯಾಗಿ ಜನಮೆಚ್ಚುಗೆ ಪಡೆದಿದೆ. ಚಿತ್ರದ ಪ್ರಮೋಷನ್ ಫೋಟೊಗಳಲ್ಲಿ ಇದು ಒಂದಾಗಿದೆ. 
 

ಮಿಸ್ ಯೂ ಸಿನಿಮಾ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾವಾಗಿದ್ದು, ಮೆಮೊರಿ ಲಾಸ್ ಆಗಿರುವ ಹುಡುಗ, ಹಿಂದೊಮ್ಮೆ ತಾನೇ ರಿಜೆಕ್ಟ್ ಮಾಡಿದ ಹುಡುಗಿಯ ಪ್ರೀತಿಯಲ್ಲಿ ಮತ್ತೆ ಹೇಗೆ ಬೀಳುತ್ತಾನೆ ಎನ್ನುವ ಕಥೆ ಹೊಂದಿದೆ. 
 

ಆಶಿಕಾ ರಂಗನಾಥ್ ಇದೀಗ ಚಿತ್ರರಂಗದ ಬಹುಬೇಡಿಕೆಯ ನಟಿಯಾಗಿದ್ದು, ಕನ್ನಡದ ಜೊತೆ ಜೊತೆಗೆ ತಮಿಳು, ತೆಲುಗು ಸಿನಿಮಾಗಳಲ್ಲೂ ಆಶಿಕಾ ಬ್ಯುಸಿಯಾಗಿದ್ದಾರೆ. 
 

ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರುವ ಆಶಿಕಾ ಹೆಚ್ಚಾಗಿ ತಮ್ಮ ಸಿನಿಮಾ ಫೋಟೊ, ತಮ್ಮ ಫೋಟೊ ಶೂಟ್, ವಿಡಿಯೋಗಳನ್ನು ಶೇರ್ ಮಾಡುವ ಮೂಲಕ ಅಭಿಮಾನಿಗಳ ಜೊತೆ ಕನೆಕ್ಟ್ ಆಗುತ್ತಿರುತ್ತಾರೆ. 
 

ಆಶಿಕಾ ಕೈಯಲ್ಲಿ ಸದ್ಯ ಮೂರು ಸಿನಿಮಾಗಳಿದ್ದು, ಕನ್ನಡದಲ್ಲಿ ಗತವೈಭವ, ತೆಲುಗಿನಲ್ಲಿ ವಿಶ್ವಾಂಭರ ಹಾಗೂ ತಮಿಳಿನಲ್ಲಿ ಸರ್ದಾರ್ 2 ಸಿನಿಮಾಗಳಲ್ಲಿ ಈ ಮಿಲ್ಕಿ ಬ್ಯೂಟಿ ನಟಿಸಲಿದ್ದಾರೆ.