ಚಂದನವನದ ಧ್ರುವತಾರೆಯರ ಕ್ರಿಸ್ಮಸ್

ಸೋಶಿಯಲ್ ಮೀಡಿಯಾದಲ್ಲಿ forscreens ಎನ್ನುವ ಪೇಜ್ ನಮ್ಮನ್ನಗಲಿದ ಚಂದನವನದ ತಾರೆಯರ ಎಐ ಇಮೇಜ್ ಬಳಸಿ ಕ್ರಿಸ್ಮಸ್ ಹಬ್ಬದ ಆಚರಣೆಯ ಫೋಟೊಗಳನ್ನು ಶೇರ್ ಮಾಡಿದೆ. 
 

ಬಿಳಿ ಶರ್ಟ್, ಕಪ್ಪು ಪ್ಯಾಂಟ್, ಕೆಂಪು ಸ್ವೆಟರ್ ಧರಿಸಿರೋ ಅಣ್ಣಾವ್ರ ಕ್ರಿಸ್ಮಸ್ ಲುಕ್ ತುಂಬಾನೆ ಚೆನ್ನಾಗಿದೆ ಅಲ್ವಾ?
 

ಕೆಂಪು ಜರಿ ಸೀರೆ, ಕೈತುಂಬಾ ಬಳೆ, ಮುಡಿತುಂಬಾ ಮಲ್ಲಿಗೆ, ಕುತ್ತಿಗೆಯಲ್ಲಿ ಮುತ್ತಿನ ಹಾರ ಧರಿಸಿರುವ ಜಯಂತಿ ಮುಖದಲ್ಲಿರುವ ಗತ್ತು ನೋಡೋದಕ್ಕೆ ಚೆಂದ. 
 

ಒಂದು ಕೈಯಲ್ಲಿ ಉಡುಗೊರೆ, ಮತ್ತೊಂದು ಕೈಯಲ್ಲಿ ಕಾಫಿ ಮಗ್ ಹಿಡಿದು, ಕೆಂಪು ಬಣ್ಣದ ಸ್ವೆಟ್ ಶರ್ಟ್ ಧರಿಸಿ, ನಗು ಬೀರಿರುವ ವಿಷ್ಣವರ್ಧನ್ ಅವರನ್ನು ನೋಡಿದ್ರೆ ನಮ್ಮೊಂದಿಗೆ ಇರುವಂತೆ ಅನಿಸುತ್ತಿದೆ. 
 

ಕಣ್ಣಲ್ಲಿ ಕನ್ನಡಕ ಧರಿಸಿ ಕೆಂಪು ಸೀರೆಯುಟ್ಟು, ಸರಳ ಅಲಂಕಾರದಲ್ಲಿರುವ ಲೀಲಾವತಿ ಅಮ್ಮನವರ ಲುಕ್ ಅವರಷ್ಟೇ ಸಿಂಪಲ್ ಜೊತೆಗೆ ಸುಂದರವಾಗಿದೆ. 
 

ಸ್ನೋ ಫ್ಲೇಕ್ ಚಿತ್ರವಿರುವ ಕೆಂಪು ಶರ್ಟ್ ಧರಿಸಿರುವ ಶಂಕರ್ ನಾಗ್ ಕಣ್ಣಲ್ಲಿರುವ ಹೊಳಪು ಅಭಿಮಾನಿಗಳ ಎದೆಗೆ ನಾಟದೇ ಇರದು.
 

ಶರಪಂಜರದ ಚೆಲುವೆ ಕಲ್ಪನಾ ಅಂತೂ ಕೆಂಪು ಸೀರೆ, ದೊಡ್ಡದಾದ ಜುಮುಕಿ, ಕೆಂಪಾದ ಬೊಟ್ಟು ತೊಟ್ಟು ಅಪ್ಸರೆಯಂತೆ ಕಾಣಿಸ್ತಿದ್ದಾರೆ ಅಲ್ವಾ? 
 

ದೊಡ್ಡದಾದ ಮೀಸೆ, ಆ ತುಂಟ ನಗು, ಕೆಂಪು ಸ್ವೆಟ್ ಶರ್ಟ್ ಧರಿಸಿ, ಕಾಫಿ ಮಗ್ ಕೈಯಲ್ಲಿ ಹಿಡಿದಿರುವ ರೆಬಲ್ ಸ್ಟಾರ್ ನೋಡಿದ್ರೆ, ಸಾಂತಾ ಕ್ಲಾಸ್ ನೋಡಿದಷ್ಟೇ ಮುದ್ದಾಗಿ ಕಾಣಿಸ್ತಿದ್ದಾರೆ. 
 

ಕೆಂಪು ಸೀರೆಯುಟ್ಟು, ತಲೆಯಲ್ಲಿ ಕನಕಾಂಬರ ಹೂವು ಮುಡಿದು, ಕೈಯಲ್ಲಿ ವೈನ್ ಗ್ಲಾಸ್ ಹಿಡಿದಿರುವ ಬಜಾರಿ ಮಂಜುಳಾ ಲುಕ್ ಹೇಗಿದೆ? 
 

ಕೆಂಪು ಶರ್ಟ್ ಧರಿಸಿರುವ ದ್ವಾರಕೀಶ್ ಅವರನ್ನ ನೋಡಿದ್ರೆ, ಈಗಷ್ಟೇ ಎನೋ ಹಾಸ್ಯ ಚಟಾಕಿ ಹಾರಿಸಿ, ಎಲ್ಲರನ್ನೂ ನಗಿಸಿದಂತೆ ಕಾಣುತ್ತೆ. 
 

ಕೊನೆಯದಾಗಿ ಪರಮಾತ್ಮ ಅಪ್ಪು ತಮ್ಮ ನಿಷ್ಕಲ್ಮಷ ನಗುವನ್ನು ಚೆಲ್ಲುತ್ತಾ, ಎಲ್ಲರಿಗೂ ಕ್ರಿಸ್ಮಸ್ ಶುಭ ಕೋರಿದಂತೆ ಕಾಣುತ್ತೆ.