ಮದುವೆಯ ವಿಚಿತ್ರ ಸಂಪ್ರದಾಯ

ಪ್ರಪಂಚದಾದ್ಯಂತ ಮದುವೆಯ ಸಂದರ್ಭದಲ್ಲಿ ವಿಚಿತ್ರ ಸಂಪ್ರದಾಯವನ್ನು ಅನುಸರಿಸಲಾಗುತ್ತದೆ. ಅವುಗಳಲ್ಲಿ ಕೆಲವು ತುಂಬಾ ವಿಚಿತ್ರವಾಗಿರುತ್ತವೆ ಮತ್ತು ಹೀಗೂ ಮಾಡ್ತಾರಾ ಎಂದು ಪ್ರಶ್ನಿಸುವಂತೆ ಮಾಡುತ್ತವೆ.

ಭಾರತದಲ್ಲಿ ವಧು ಸಾಮಾನ್ಯವಾಗಿ ವಧು ಮದುವೆ ದಿನದಂದು ಮುಖವನ್ನು ದುಪ್ಪಟ್ಟಾದಿಂದ ಮುಚ್ಚಿಕೊಂಡಿರುತ್ತಾಳೆ. ದಕ್ಷಿಣಭಾರತದಲ್ಲಿ ಈ ಪದ್ಧತಿ ಇಲ್ಲವಾದರೂ ಮದುಮಗಳು ಎಲ್ಲೆಂದರಲ್ಲಿ ಮುಖ ತೋರಿಸುತ್ತಾ ಓಡಾಡುವ ಹಾಗಿಲ್ಲ.

ಆದರೆ ಸ್ವೀಡನ್‌ನಲ್ಲಿ ಮದುವೆಯ ದಿನವೇ ವಧು ಎಲ್ಲ ಕಡೆ ಓಡಾಡುತ್ತಾಳೆ. ಮತ್ತು ಅಪರಿಚಿತ ಪುರುಷರನ್ನೆಲ್ಲಾ ಚುಂಬಿಸುತ್ತಾಳೆ. ಮದುವೆಗೆ ಅತಿಥಿಗಳಾಗಿ ಬಂದ ಎಲ್ಲಾ ಪುರುಷರನ್ನು ವಧು ಚುಂಬಿಸುತ್ತಾ ಹೋಗುತ್ತಾಳೆ.

ಸ್ಪೀಡನ್‌ನಲ್ಲಿ ಈ ವಿಚಿತ್ರ ಸಂಪ್ರದಾಯವಿದೆ. ಮದುವೆಯ ಸಂದರ್ಭದಲ್ಲಿ ವರ, ಮದುಮಗಳನ್ನು ಬಿಟ್ಟು ಒಂದೇ ನಿಮಿಷಕ್ಕೆ ಎಲ್ಲಾದರೂ ಹೋದರೂ ಸರಿ, ನಂತರ ಆಕೆ ಅವಳ ಬಳಿ ಯಾವುದೇ ಹುಡುಗ ಬಂದರೂ ಆಕೆ ಚುಂಬಿಸಬೇಕು.

ಹೀಗೆಯೇ ವಧು, ತನ್ನ ವರನನ್ನು ಬಿಟ್ಟು ಸ್ಪಲ್ಪ ಹೊತ್ತು ಎಲ್ಲೋ ಹೋದರೆ ಹುಡುಗಿಯರು ವರನ ಬಳಿಗೆ ಬರುತ್ತಾರೆ. ವರನು ಅವರನ್ನೆಲ್ಲಾ ಕಿಸ್ ಮಾಡಬೇಕು,

ಸ್ಪೀಡನ್‌ನಲ್ಲಿ ಆಡುವ ಈ ಸಂಪ್ರದಾಯದ ಪ್ರಕಾರ ವಧು ಬ್ಯಾಚುಲರ್ ಹುಡುಗನನ್ನು ಮಾತ್ರ ಕಿಸ್ ಮಾಡುತ್ತಾಳೆ.