ಇತ್ತೀಚಿನ ದಿನಗಳಲ್ಲಿ ಜನರು ತಮ್ಮ ಮದುವೆಯನ್ನು ಸ್ಪೆಷಲ್ ಆಗಿ ಮಾಡಲು ಏನೇನೋ ಟ್ರೆಂಡ್ ಫಾಲೋ ಮಾಡುತ್ತಿರುತ್ತಾರೆ. ಕೆಲವುದನ್ನ ನೊಡಿದ್ರೆ ಹೀಗೂ ಉಂಟೆ ಎನ್ನುವಂತಿರುತ್ತೆ… ಬನ್ನಿ ಅಂತಹ ಮದ್ವೆ ಬಗ್ಗೆ ನೋಡೋಣ. 

ರಾಜಸ್ಥಾನದ ಬಾಡ್ಮೇರ್ ನಲ್ಲಿ ಕೆಲದಿನಗಳ ಹಿಂದೆ ನಡೆದ ಮದುವೆಯಲ್ಲಿ ಮಧುಮಗ 51 ಟ್ರ್ಯಾಕ್ಟರ್ ಗಳಲ್ಲಿ ದಿಬ್ಬಣ ಜೊತೆಗೆ ಮಂಟಪ ತಲುಪಿದ್ದಾನೆ. ಸಾಲು ಸಾಲು ಟ್ರ್ಯಾಕ್ಟರ್ ನೋಡಿಯೇ ಜನರು ಶಾಕ್ ಆಗಿದ್ದರು. 

ಮಧ್ಯಪ್ರದೇಶದ ಬಾಲಾಘ್ಹಾಟ್ ಜಿಲ್ಲೆಯ ಕಟಂಗಿಯಲ್ಲಿ ಈ ಮದುವೆ ಭಾರಿ ಚರ್ಚೆಯಾಗಿತ್ತು. ಯಾಕಂದ್ರೆ ಈ ಮದುವೆಯಲ್ಲಿ ವಧು ಮತ್ತು ವರ ಅಂಗದಾನ ಮಾಡುವ ನಿರ್ಧಾರ ಮಾಡಿದ್ದರು. ಈ ಕುರಿತು ಬ್ಯಾನರ್ ಕೂಡ ಹಾಕಿಸಿದ್ದರು. 

ರಾಂಚಿಯ ಟಾಟಿಸಿಲ್ವೆಯಲ್ಲಿ ಒಬ್ಬ ಯುವಕ  JCB ಯಲ್ಲಿ ಕುಳಿತುಕೊಂಡು ಮದುವೆ ಮಂಟಪ್ಪಕ್ಕೆ ಬಂದಿದ್ದಾನೆ. ಅಷ್ಟೇ ಅಲ್ಲ ಮದ್ವೆ ನಂತರವೂ  JCB ಯಲ್ಲಿಯೇ ವಧುವನ್ನು ಕರೆದುಕೊಂಡು ಹೋಗಿದ್ದಾನೆ. 

ಮಧ್ಯಪ್ರದೇಶದ ಇಂಡೋರ್ ನಲ್ಲಿ ವರ ಸೈಕಲ್ ನಲ್ಲಿ ದಿಬ್ಬಣ ಹೊರಟಿದ್ದಾನೆ. ಮದುವೆ ಬಳಿಕ ಆತ ವಧು ಡಿಂಪಲ್ ಭಾಟಿಯಾಳನ್ನು ಸೈಕಲ್ ನಲ್ಲಿ ಎದುರಲ್ಲಿ ಕೂರಿಸಿಕೊಂಡು ತನ್ನ ಮನೆಗೆ ಕರೆದುಕೊಂಡು ಹೋಗಿದ್ದಾನೆ. 

ನಾವು ನೋಡಿರುವಂತೆ ಮದುವೆಗೆ ವರ ದೊಡ್ಡ ದೊಡ್ಡ ಕಾರಿನಲ್ಲಿ ಬರುತ್ತಾನೆ. ಆದರೆ ಬೋಕಾರೋ ದ ಕಸ್ಮಾರ್ ಠಾಣೆಯಲ್ಲಿ ನೆಲೆಸಿರುವ ಸಂದೀಪ್ ಕಛ್ವಾರ್ ಮದುವೆಗೆ ಎತ್ತಿನಗಾಡಿಯಲ್ಲಿ ಬಂದಿದ್ದನು.