ಅಪಾಯಕಾರಿ ಕಾಯಿಲೆ ಹರಡುವ ಭೀತಿ

ಬೇಸಿಗೆ ಕಾಲ ಬಂತೆಂದರೆ ಬಿಸಿಲ ತಾಪದ ಜೊತೆಗೆ ಸೊಳ್ಳೆಗಳ ಕಾಟವೂ ಶುರುವಾಗುತ್ತದೆ. ಸೊಳ್ಳೆ ಕಡಿತದಿಂದ ಡೆಂಗ್ಯೂ, ಮಲೇರಿಯಾದಂತಹ ಅಪಾಯಕಾರಿ ಕಾಯಿಲೆಗಳು ಹರಡುವ ಭೀತಿ ಇರುತ್ತದೆ.

ಸೊಳ್ಳೆ ಓಡಿಸಲು ನಾವು ಬಳಸುವ ಕೆಮಿಕಲ್ ಸ್ಪ್ರೇ ಅಥವಾ ಕಾಯಿಲ್‌ಗಳು ನಮ್ಮ ಆರೋಗ್ಯಕ್ಕೆ ಹಾನಿಕಾರಕ. ಹಾಗಾಗಿ ಯಾವುದೇ ಅಡ್ಡಪರಿಣಾಮವಿಲ್ಲದೆ ಸೊಳ್ಳೆಗಳನ್ನು ಓಡಿಸಲು ಇಲ್ಲಿದೆ ಸುಲಭವಾದ ಮನೆಮದ್ದು.

ಬೇವಿನ ಎಣ್ಣೆ ಸೊಳ್ಳೆಗಳನ್ನು ಓಡಿಸಲು ತುಂಬಾ ಪರಿಣಾಮಕಾರಿ. ಇದು ಕೇವಲ ನಂಬಿಕೆಯಲ್ಲ, ವಿಜ್ಞಾನ ಕೂಡ ಇದನ್ನು ಒಪ್ಪಿಕೊಂಡಿದೆ.

ಬೇವಿನಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿದ್ದು, ಇದರ ವಾಸನೆ ಸೊಳ್ಳೆಗಳಿಗೆ ಇಷ್ಟವಾಗಲ್ಲ. ಬೇವಿನ ಎಣ್ಣೆಗೆ ಸ್ವಲ್ಪ ಕರ್ಪೂರವನ್ನು ಬೆರೆಸಿ ದೀಪ ಹಚ್ಚಿ. ಇದರ ಹೊಗೆಯಿಂದ ಸೊಳ್ಳೆಗಳು ತಕ್ಷಣ ಮನೆಯಿಂದ ಹೊರಹೋಗುತ್ತವೆ. 

ಬೇವಿನ ಎಣ್ಣೆಯಲ್ಲಿರುವ ತೀಕ್ಷ್ಣವಾದ ವಾಸನೆ ಸೊಳ್ಳೆಗಳ ಹಸಿವು ಮತ್ತು ಸಂತಾನೋತ್ಪತ್ತಿ ಕ್ರಿಯೆಯನ್ನು ಅಸ್ತವ್ಯಸ್ತಗೊಳಿಸುತ್ತದೆ.

ಬೇವಿನಲ್ಲಿರುವ ಈ ಅಂಶವು ಸೊಳ್ಳೆಗಳನ್ನು ದೂರ ಓಡಿಸುವ ಶಕ್ತಿಯನ್ನು ಹೊಂದಿದೆ. ಸೊಳ್ಳೆಗಳು ಕಚ್ಚದಂತೆ ತಡೆಯಲು ಇದು 'ನ್ಯಾಚುರಲ್ ರಿಪಲ್ಲೆಂಟ್' ಆಗಿ ಕೆಲಸ ಮಾಡುತ್ತದೆ.

ಕೆಮಿಕಲ್ ಸ್ಪ್ರೇಗಳಿಗೆ ಹೋಲಿಸಿದರೆ, ಬೇವಿನ ಎಣ್ಣೆಯ ದೀಪ ಹಚ್ಚುವುದು ಅಥವಾ ಅದನ್ನು ಹಚ್ಚಿಕೊಳ್ಳುವುದು ಹೆಚ್ಚು ಸಮಯದವರೆಗೆ ಸೊಳ್ಳೆಗಳನ್ನು ದೂರವಿಡುತ್ತದೆ.