ಮನೆಯಲ್ಲಿ ಪಾಟ್ನಲ್ಲಿ ಬೆಳೆಸುವ ಕರಿಬೇವಿನ ಗಿಡ ದಟ್ಟವಾಗಿ, ಪೊದೆಯಂತೆ ಬೆಳೆಯಲು ಕೆಲವು ಸುಲಭವಾದ ಟ್ರಿಕ್ಸ್ ಇಲ್ಲಿವೆ. ಇವುಗಳನ್ನು ಫಾಲೋ ಮಾಡಿದರೆ ಗಿಡ ಆರೋಗ್ಯವಾಗಿ ಬೆಳೆಯುತ್ತದೆ.
life Feb 20 2026
Author: Ashwini HR Image Credits:Getty
Kannada
ಸರಿಯಾದ ಪಾಟ್ ಮತ್ತು ಮಣ್ಣು
12-14 ಇಂಚಿನ ಪಾಟ್ ಆಯ್ಕೆ ಮಾಡಿ. ಅದರಲ್ಲಿ ನೀರು ಸರಾಗವಾಗಿ ಹರಿದುಹೋಗಲು ತೂತುಗಳಿರಲಿ. ಸಮಪ್ರಮಾಣದಲ್ಲಿ ಗಾರ್ಡನ್ ಮಣ್ಣು, ಮರಳು ಮತ್ತು ಸಗಣಿ ಗೊಬ್ಬರವನ್ನು ಮಿಶ್ರಣ ಮಾಡಿ ಮಣ್ಣು ತಯಾರಿಸಿ.
Image credits: Getty
Kannada
ಉತ್ತಮ ಬಿಸಿಲು ತುಂಬಾನೇ ಅಗತ್ಯ
ಕರಿಬೇವಿನ ಗಿಡಗಳಿಗೆ ಬಿಸಿಲು ತುಂಬಾ ಇಷ್ಟ. ಪ್ರತಿದಿನ ಕನಿಷ್ಠ 5-6 ಗಂಟೆಗಳ ಕಾಲ ನೇರ ಸೂರ್ಯನ ಬಿಸಿಲು ಸಿಗುವಂತೆ ನೋಡಿಕೊಳ್ಳಿ. ಇದರಿಂದ ಹೊಸ ಕೊಂಬೆಗಳು ವೇಗವಾಗಿ ಬೆಳೆದು, ಗಿಡ ಹಚ್ಚ ಹಸಿರಾಗಿ ಕಾಣುತ್ತದೆ.
Image credits: Getty
Kannada
ಸರಿಯಾದ ಕ್ರಮದಲ್ಲಿ ನೀರು ಹಾಕಿ
ಮಣ್ಣು ಒಣಗಿದಾಗ ಮಾತ್ರ ನೀರು ಹಾಕಿ. ಹೆಚ್ಚು ನೀರು ಹಾಕಿದರೆ ಬೇರುಗಳು ಕೊಳೆಯುವ ಅಪಾಯವಿರುತ್ತದೆ. ನಿಮ್ಮ ಬೆರಳಿನಿಂದ ಮಣ್ಣನ್ನು ಪರೀಕ್ಷಿಸಿ. ಸ್ವಲ್ಪ ತೇವಾಂಶ ಇರಲಿ, ಆದರೆ ನೀರು ನಿಲ್ಲದಂತೆ ಎಚ್ಚರವಹಿಸಿ.
Image credits: Getty
Kannada
ಕಾಲಕಾಲಕ್ಕೆ ಪ್ರೂನಿಂಗ್ ಮಾಡಿ
ಗಿಡದ ಮೇಲ್ಭಾಗದ ಕೊಂಬೆಗಳನ್ನು ಲಘುವಾಗಿ ಕತ್ತರಿಸಿ. ಇದರಿಂದ ಪಕ್ಕದಿಂದ ಹೊಸ ಕೊಂಬೆಗಳು ಹುಟ್ಟಿ, ಗಿಡ ಹೆಚ್ಚು ಪೊದೆಯಂತೆ ದಟ್ಟವಾಗಿ ಬೆಳೆಯುತ್ತದೆ. ಪ್ರತಿ 2-3 ತಿಂಗಳಿಗೊಮ್ಮೆ ಹೀಗೆ ಮಾಡುವುದು ಒಳ್ಳೆಯದು.
Image credits: Getty
Kannada
ಸಾವಯವ ಗೊಬ್ಬರ ಬಳಸಿ
ಪ್ರತಿ 20-25 ದಿನಗಳಿಗೊಮ್ಮೆ ಸಗಣಿ ಗೊಬ್ಬರ, ಎರೆಹುಳು ಗೊಬ್ಬರ, ಅಥವಾ ಸಾಸಿವೆ ಹಿಂಡಿಯ ದ್ರಾವಣವನ್ನು ಹಾಕಿ. ಇದರಿಂದ ಗಿಡಕ್ಕೆ ಬೇಕಾದ ಪೋಷಕಾಂಶಗಳು ಸಿಕ್ಕಿ, ಎಲೆಗಳು ದಪ್ಪ ಹಾಗೂ ಹೊಳಪಾಗಿರುತ್ತವೆ.
Image credits: Getty
Kannada
ಕೀಟ ನಿಯಂತ್ರಣ ಹೀಗೆ ಮಾಡಿ
ಗಿಡದಲ್ಲಿ ಹೇನು ಅಥವಾ ಬಿಳಿನೊಣ ಕಂಡರೆ, ಬೇವಿನ ಎಣ್ಣೆಯನ್ನು ಸ್ಪ್ರೇ ಮಾಡಿ. ವಾರಕ್ಕೊಮ್ಮೆ ಲಘುವಾಗಿ ಸ್ಪ್ರೇ ಮಾಡುವುದರಿಂದ ಗಿಡ ಆರೋಗ್ಯವಾಗಿರುತ್ತದೆ. ಆರೋಗ್ಯವಂತ ಗಿಡ ವೇಗವಾಗಿ ಮತ್ತು ದಟ್ಟವಾಗಿ ಬೆಳೆಯುತ್ತದೆ.