ನೀರಿನ ಬಾಟಲಿ ಮೇಲೆ ಈ ಗೆರೆಗಳು ಯಾಕಿರುತ್ತೆ? 99% ಜನರಿಗೆ ಕಾರಣವೇ ಗೊತ್ತಿಲ್ಲ!

ಪ್ರಯಾಣ ಮಾಡುವಾಗ ಅಥವಾ ಕೆಲಸದ ಸಮಯದಲ್ಲಿ ನಾವು ಆಗಾಗ ನೀರಿನ ಬಾಟಲಿಗಳನ್ನು ಖರೀದಿಸುತ್ತೇವೆ. ಬಾಟಲಿ ಮೇಲಿರುವ ಅಂಕುಡೊಂಕಾದ ಗೆರೆಗಳು ಯಾಕಿರುತ್ತವೆ ಎಂದು ಎಂದಾದರೂ ಗಮನಿಸಿದ್ದೀರಾ? ಇದರ ಹಿಂದೆ ವಿಶೇಷ ಕಾರಣ ಅಡಗಿದೆ.

ಬಾಟಲಿ ಮೇಲಿನ ಅಲೆಯಂತಹ ಗೆರೆಗಳನ್ನು 'ರಿಬ್ಬಿಂಗ್' (Ribbing) ಅಥವಾ 'ಗ್ರಿಪ್ಪಿಂಗ್ ರಿಡ್ಜ್' (Gripping Ridge) ಎಂದು ಕರೆಯುತ್ತಾರೆ.  'ಬ್ಲೋ-ಮೋಲ್ಡಿಂಗ್' ಪ್ರಕ್ರಿಯೆಯಲ್ಲಿ ಈ ವಿನ್ಯಾಸವನ್ನು ಸೇರಿಸಲಾಗುತ್ತದೆ.

ಈ ಗೆರೆಗಳು ಕೇವಲ ಅಲಂಕಾರಕ್ಕಾಗಿ ಇರುವುದಿಲ್ಲ. ವಾಸ್ತವವಾಗಿ, ಇವು ತೆಳುವಾದ ಪ್ಲಾಸ್ಟಿಕ್‌ಗೆ ಹೆಚ್ಚಿನ ಬಲವನ್ನು ನೀಡುತ್ತವೆ. ಇದರಿಂದ ಬಾಟಲಿಯ ಮೇಲೆ ಒತ್ತಡ ಬಿದ್ದಾಗ ಅದು ಸುಲಭವಾಗಿ ನುಜ್ಜುಗುಜ್ಜಾಗಲ್ಲ/ಒಡೆಯಲ್ಲ

ಬಾಟಲಿ ಕೈಯಿಂದ ಜಾರಿ ಬೀಳುವ ಸಾಧ್ಯತೆ ಹೆಚ್ಚು. ಈ ಗೆರೆಗಳು ಬಾಟಲಿಯ ಮೇಲ್ಮೈಯಲ್ಲಿ ಘರ್ಷಣೆಯನ್ನು ಹೆಚ್ಚಿಸುತ್ತವೆ. ಇದರಿಂದ ಬೆರಳುಗಳಿಗೆ ಉತ್ತಮ ಹಿಡಿತ ಸಿಗುತ್ತೆ. ಬಾಟಲಿ ಕೆಳಗೆ ಬೀಳುವ ಸಾಧ್ಯತೆ ಕಡಿಮೆಯಾಗುತ್ತದೆ.

ಗೋಡೌನ್‌ ಮತ್ತು ಟ್ರಕ್‌ಗಳಲ್ಲಿ ಬಾಟಲಿಗಳನ್ನು ಒಂದರ ಮೇಲೊಂದು ಇಡಲಾಗುತ್ತದೆ. ಈ 'ರಿಬ್ಬಿಂಗ್' ವಿನ್ಯಾಸವು ಒತ್ತಡವನ್ನು ಸಮನಾಗಿ ಹಂಚುತ್ತದೆ. ಬಾಟಲಿಯ ಆಕಾರ ಹಾಳಾಗುವುದು ಅಥವಾ ನುಜ್ಜುಗುಜ್ಜಾಗುವುದು ತಪ್ಪುತ್ತದೆ.

ಒಂದು ಸಂಶೋಧನೆಯ ಪ್ರಕಾರ, ಈ ಗೆರೆಗಳಿಂದ ಬಾಟಲಿಯ ರಚನಾತ್ಮಕ ಶಕ್ತಿ ಸುಮಾರು 30% ರಷ್ಟು ಹೆಚ್ಚಾಗುತ್ತದೆ. ಇದೇ ಕಾರಣಕ್ಕೆ ಕಂಪನಿಗಳು ಕಡಿಮೆ ಪ್ಲಾಸ್ಟಿಕ್ ಬಳಸಿ ಗಟ್ಟಿಯಾದ ಬಾಟಲಿಗಳನ್ನು ತಯಾರಿಸಲು ಸಾಧ್ಯವಾಗುತ್ತದೆ.

ಕಡಿಮೆ ಪ್ಲಾಸ್ಟಿಕ್ ಎಂದರೆ ತಯಾರಿಕಾ ವೆಚ್ಚವೂ ಕಡಿಮೆ, ಜೊತೆಗೆ ಪರಿಸರಕ್ಕೂ ಲಾಭ. ಅಂದರೆ, ಈ ಚಿಕ್ಕ ವಿನ್ಯಾಸವು ಬಾಟಲಿಯನ್ನು ಗಟ್ಟಿ ಮಾಡುವುದರ ಜೊತೆಗೆ ಪರಿಸರ ಸ್ನೇಹಿಯೂ ಆಗಿದೆ.

ಬಾಟಲಿ ತಯಾರಿಸುವಾಗ ಪ್ಲಾಸ್ಟಿಕ್ ತಣ್ಣಗಾಗುವಾಗ, ಈ ಗೆರೆಗಳು ಗಾಳಿಯು ಹೊರಹೋಗಲು ಸಹಾಯ ಮಾಡುತ್ತವೆ. ಇದರಿಂದ ಬಾಟಲಿಯ ಆಕಾರವು ಸರಿಯಾಗಿ ಉಳಿಯುತ್ತದೆ.