ಸ್ವಲ್ಪ ಕ್ರಿಯೇಟಿವಿಟಿ ಇದ್ರೆ ಸಾಕು, ಮನೆಗೆ ಬರುತ್ತೆ ಸಖತ್ ಲುಕ್!

ಮನೆಯಲ್ಲಿರುವ 20 ರೂಪಾಯಿಯ ಸಾಮಾನ್ಯ ಕನ್ನಡಿಗೂ ನೀವು ಸಖತ್ ಲುಕ್ ನೀಡಬಹುದು. ಒಂದು ಕಾರ್ಡ್‌ಬೋರ್ಡ್ ಮೇಲೆ ನಿಮ್ಮಿಷ್ಟದ ಪೇಂಟಿಂಗ್ ಮಾಡಿ, ಅದರ ಮೇಲೆ ಕನ್ನಡಿ ಅಂಟಿಸಿ. ಗೋಡೆಗೆ ಹಾಕಿದರೆ ಮುಗೀತು!

ಮನೆಯಲ್ಲಿ ಖಾಲಿ ಗಾಜಿನ ಜಾರ್‌ಗಳಿವೆಯಾ? ಅದರಲ್ಲಿ ಬಣ್ಣಬಣ್ಣದ ಕಲ್ಲುಗಳನ್ನು ತುಂಬಿ, ಮೇಲೆ ಅರೋಮಾ ಕ್ಯಾಂಡಲ್ ಇಡಿ. ಈ ರೀತಿಯ ಅಲಂಕಾರ ಮನೆಗೆ ಒಂದು ಶ್ರೀಮಂತ ನೋಟ ನೀಡುತ್ತದೆ.

ನಿಮ್ಮ ಟೇಬಲ್ ಫ್ಯಾನ್‌ನ ರೆಕ್ಕೆಗಳಿಗೆ ಬ್ರೈಟ್ ಕಲರ್ಸ್ ಬಳಿದರೆ ಅಥವಾ ಏನಾದ್ರೂ ಡಿಸೈನ್ ಮಾಡಿದರೆ, ನಿಮ್ಮ ಸಿಂಪಲ್ ರೂಮ್ ಕೂಡ ಸಖತ್ ಆಗಿ ಕಾಣುತ್ತೆ ನೋಡಿ.

ಮನೆಯಲ್ಲಿ ಸುಮ್ಮನೆ ಬಿದ್ದಿರೋ ಹಳೆ ಟೈರ್‌ಗೆ ಬ್ರೈಟ್ ಕಲರ್ ಪೇಂಟ್ ಮಾಡಿ. ಅದರಲ್ಲಿ ಕಲ್ಲುಗಳನ್ನು ತುಂಬಿ, ಮೇಲೆ ನಿಮ್ಮಿಷ್ಟದ ಹೂವಿನ ಗಿಡದ ಕುಂಡ ಇಡಿ. ಇದು ನೋಡಲು ತುಂಬಾ ಚೆನ್ನಾಗಿ ಕಾಣುತ್ತದೆ.