ಬಾಡಿ ಬಿಲ್ಡಿಂಗ್ ಕ್ರೇಜ್

ಬಾಡಿ ಬಿಲ್ಡ್ ಮಾಡುವ ಕ್ರೇಜ್ ಯುವಜನರಲ್ಲಿ ಹೆಚ್ಚಾಗಿ ಕಂಡು ಬರುತ್ತೆ. ಅದಕ್ಕಾಗಿ ಜಿಮ್, ಡಯಟ್ ಎಲ್ಲವನ್ನೂ ಮಾಡ್ತಾರೆ. ಆದರೆ ಬಾಡಿ ಬಿಲ್ಡರ್ ಆಗಿರುವ 90ರ ಅಜ್ಜನನ್ನು ನೋಡಿದ್ದೀರಾ? 
 

ಇವರೇ ನೋಡಿ ಪ್ರಪಂಚದ ಅತ್ಯಂತ ಹಿರಿಯ ಬಾಡಿ ಬಿಲ್ಡರ್, ಇವರಿಗೆ 90 ವಯಸ್ಸಾಗಿದ್ದು, ಇಂದಿಗೂ ಸಹ 18 ರ ಯುವಕರಂತೆ ಬಾಡಿ ಬಿಲ್ಡ್ ಮಾಡ್ತಾರೆ. 
 

ಅತ್ಯಂತ ಹಿರಿಯ ಈ ಬಾಡಿ ಬಿಲ್ಡರ್ ಹೆಸರು ಜಿಮ್ ಅರಿಂಗ್ಟನ್. ಇವರು ಅಮೇರಿಕಾದವರಾಗಿದ್ದು, ಈ ಇಳಿವಯಸ್ಸಿನಲ್ಲೂ, ಒಂದಿಷ್ಟು ಉತ್ಸಾಹ ಬತ್ತದೆ ಲವಲವಿಕೆಯಿಂದ ಬಾಡಿ ಬಿಲ್ಡ್ ಮಾಡುತ್ತಾರೆ. 
 

ಇವರು ತಮ್ಮ 83ನೇ ವಯಸ್ಸಿನಲ್ಲಿಯೇ ಪ್ರಪಂಚದ ಅತ್ಯಂತ ಹಿರಿಯ ಬಾಡಿ ಬಿಲ್ಡರ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದು, ಗಿನ್ನಿಸ್ ವರ್ಲ್ದ್ ರೆಕಾರ್ಡ್ ಮಾಡಿದ್ದರು. 
 

ಜಿಮ್ 13 ವರ್ಷದವರಿದ್ದಾಗ ಬಾಡಿಬಿಲ್ಡಿಂಗ್ನಲ್ಲಿ ತಮ್ಮ ವೃತ್ತಿಜೀವನ ಪ್ರಾರಂಭಿಸಿದರು. ಅವರು ಬಾಡಿಬಿಲ್ಡಿಂಗ್ ಮ್ಯಾಗಝಿನ್ ಪೋಸ್ಟರ್ ನೋಡಿದ ಬಳಿಕ ತಾನು ಬಾಡಿ ಬಿಲ್ಡ್ ಮಾಡಬೇಕೆಂದು ನಿರ್ಧರಿಸಿದರಂತೆ.
 

90 ನೇ ವಯಸ್ಸಿನಲ್ಲಿ, ಜಿಮ್ ಇನ್ನೂ ವೇಗವಾಗಿ ಓಡುತ್ತಿದ್ದಾರೆ ಮತ್ತು ದೇಹದಾರ್ಢ್ಯ ಸ್ಪರ್ಧೆಗಳನ್ನು ಗೆಲ್ಲುವತ್ತ ಸಾಗುತ್ತಿದ್ದಾರೆ. ಅವರ ಗೆಲುವಿನ ಪಟ್ಟಿ ಕೂಡ ದೊಡ್ಡದಾಗುತ್ತಿದೆ. 
 

ನೆವಾಡಾದ ರೆನೊದಲ್ಲಿ ಇತ್ತೀಚೆಗೆ ನಡೆದ ಐಎಫ್ಬಿಬಿ ವೃತ್ತಿಪರ ಲೀಗ್ ಈವೆಂಟ್ ನಲ್ಲಿ ಜಿಮ್ 70 ವರ್ಷಕ್ಕಿಂತ ಮೇಲ್ಪಟ್ಟ ವಿಭಾಗದಲ್ಲಿ 3ನೇ ಸ್ಥಾನ ಮತ್ತು 80 ವರ್ಷ ಮೇಲ್ಪಟ್ಟ ವಿಭಾಗದಲ್ಲಿ ಮೊದಲ ಸ್ಥಾನ ಪಡೆದರು.