ನೆಮ್ಮದಿಯ ನಿದ್ರೆಗೆ

ಬ್ಯುಸಿ ಲೈಫ್‌ಸ್ಟೈಲ್‌ನಲ್ಲಿ ಅನೇಕರು ನಿದ್ರಾಹೀನತೆಯಿಂದ ಬಳಲುತ್ತಿದ್ದಾರೆ. ಆದರೆ ಯಾವುದೇ ಖರ್ಚಿಲ್ಲದೆ ನೆಮ್ಮದಿಯ ನಿದ್ರೆ ಪಡೆಯಲು ನಮ್ಮ ಪೂರ್ವಜರು ತಿಳಿಸಿದ ಒಂದು ಅದ್ಭುತ ಮಾರ್ಗವೆಂದರೆ ಪಾದಗಳ ಶುಚಿಗೊಳಿಸುವಿಕೆ.

ಹೌದು. ಆಯುರ್ವೇದ ಮತ್ತು ವಾಸ್ತು ಶಾಸ್ತ್ರದ ಪ್ರಕಾರ, ಮಲಗುವ ಮುನ್ನ ಕಾಲುಗಳನ್ನು ತೊಳೆದುಕೊಳ್ಳುವುದು ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

ಮಲಗುವ ಮುನ್ನ ಕಾಲುಗಳನ್ನು ತಣ್ಣೀರಿನಿಂದ ತೊಳೆದರೆ ದೇಹದ ಉಷ್ಣತೆ ಕಡಿಮೆಯಾಗುತ್ತದೆ. ಇದು ಮೆದುಳಿಗೆ ನಿದ್ರಿಸುವ ಸಮಯವಾಗಿದೆ ಎಂಬ ಸಂಕೇತವನ್ನು ನೀಡಿ, ಬೇಗನೆ ಗಾಢ ನಿದ್ರೆ ಹತ್ತುವಂತೆ ಮಾಡುತ್ತದೆ.

ಪಾದಗಳಲ್ಲಿ ಅನೇಕ ಪ್ರೆಶರ್ ಪಾಯಿಂಟ್‌ಗಳಿರುತ್ತವೆ. ನೀರು ಪಾದಗಳಿಗೆ ತಗುಲಿದಾಗ ಆ ಪಾಯಿಂಟ್‌ಗಳು ಆಕ್ಟಿವ್ ಆಗಿ ದಿನವಿಡೀ ಉಂಟಾದ ದಣಿವು ಮತ್ತು ಮಾನಸಿಕ ಒತ್ತಡ ಕಡಿಮೆಯಾಗುತ್ತದೆ.

ದಿನವಿಡೀ ಶೂ, ಚಪ್ಪಲಿ ಧರಿಸಿ ಓಡಾಡುವುದರಿಂದ ಪಾದಗಳಲ್ಲಿ ಬ್ಯಾಕ್ಟೀರಿಯಾ ಮತ್ತು ಬೆವರಿನ ವಾಸನೆ ಇರುತ್ತದೆ. ಕಾಲು ತೊಳೆದು ಮಲಗುವುದರಿಂದ ಬೆಡ್ ಶೀಟ್‌ಗಳು ಕೊಳೆಯಾಗುವುದಿಲ್ಲ ಮತ್ತು ಚರ್ಮದ ಸೋಂಕುಗಳು ಹರಡುವುದಿಲ್ಲ. 

ಕಾಲು ತೊಳೆದು ನಂತರ ಕೊಬ್ಬರಿ ಎಣ್ಣೆಯಿಂದ ಮಸಾಜ್ ಮಾಡುವುದರಿಂದ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಆಯುರ್ವೇದದ ಪ್ರಕಾರ ಇದು ಕಣ್ಣಿನ ದೃಷ್ಟಿ ಚುರುಕಾಗಲು ಮತ್ತು ದೇಹದಲ್ಲಿನ 'ವಾತ' ದೋಷವನ್ನು ಸಮತೋಲನದಲ್ಲಿಡಲು ಸಹಕಾರಿ.