ಬಾಯಲ್ಲಿ ನೀರೂರಿಸೋ ಹವ್ಯಕ ಸ್ಟೈಲ್ ಮಾವಿನಕಾಯಿ ಬೂತ್ಗೊಜ್ಜು ಮಾಡೋದು ಹೇಗೆ?

ಒಂದು ಮಾವಿನಕಾಯಿ ಹಾಗೂ ಮೊಸರಿನಿಂದ ಬಲು ರುಚಿಯಾದ ಬೂತ್ಗೊಜ್ಜು ಮಾಡಬಹುದು

ಮೊದಲೇ ಮಾವಿನಕಾಯಿಯನ್ನು ಚೆನ್ನಾಗಿ ಬೇಯಿಸಿಕೊಂಡು ಉಪ್ಪು ನೀರು ಹಾಕಿ ಡಬ್ಬದಲ್ಲಿ ಸರಿಯಾಗಿ ಇಡಿ. ಇದಕ್ಕೆ ಬೇರೆ ನೀರು ತಾಗಬಾರದು. ಅದು ವರ್ಷ ಕಳೆದರೂ ಕೂಡ ಹಾಳಾಗೋದಿಲ್ಲ.

ಈಗಾಗಲೇ ಉಪ್ಪು ನೀರಿನಲ್ಲಿ ಹಾಕಿದ ಮಾವಿನಕಾಯಿಯಿದ್ದರೆ ಅದನ್ನು ಗಿವುಚಿ ಅಥವಾ ಹಸಿ ಮಾವಿನಕಾಯಿಯನ್ನು ಚೆನ್ನಾಗಿ ಬೇಯಿಸಿಕೊಳ್ಳಿ. ಅದರ ಸಿಪ್ಪೆ, ಗೊರಟೆ ತೆಗೆದು ಎಸೆಯಿರಿ. ಆ ತಿರುಳನ್ನು ಇಟ್ಕೊಳ್ಳಿ

ಮಾವಿನ ಕಾಯಿ ತಿರುಳಿಗೆ ಸಾಕಾಗುವಷ್ಟು ಮೊಸರು ಹಾಕಿ, ಜಾಸ್ತಿ ಮೊಸರು ಬೇಡ. ಮಾವಿನ ಕಾಯಿ, ಮೊಸರು ಎರಡೂ ಸೇರಿಸಿ ಹುಳಿ ಆಗಬಾರದು

ಆಮೇಲೆ ಸಾಸಿವೆ, ಇಂಗು, ಉದ್ದಿನಬೇಳೆ ಹಾಕಿ ಒಂದು ಒಗ್ಗರಣೆ ಕೊಡಿ. ಇದಕ್ಕೆ ಜಜ್ಜಿದ ಬೆಳ್ಳುಳ್ಳಿ, ಗಾಂಧಾರಿ/ ಸೂಜಿ ಮೆಣಸು, ಹಸಿಮೆಣಸು ಹಾಕಿ. ಬೆಳ್ಳುಳ್ಳಿ ಸ್ವಲ್ಪ ಜಾಸ್ತಿಯಿದ್ದರೆ ಚೆನ್ನ. ಖಾರ ಬೇಕಾದಷ್ಟು ಹಾಕಿಕೊಳ್ಳಿ

ಉಪ್ಪು, ಹುಳಿ, ಖಾರವನ್ನು ಚೆನ್ನಾಗಿ ಹಾಕಿ ಮಿಕ್ಸ್‌ ಮಾಡಿ, ಅದಕ್ಕೆ ಬಿಸಿ ಬಿಸಿ ಅನ್ನದ ಜೊತೆ ತಿಂದರೆ ಅಬ್ಬಾ ಅದ್ಭುತ.