ಅಡುಗೆ ಮಾಡುವುದು ಕಷ್ಟ

ಮೀನನ್ನು ಎಷ್ಟು ತೊಳೆದ್ರೂ ಅದರ ಹಸಿ ವಾಸನೆ ಹೋಗುವುದಿಲ್ಲ ಎಂಬುದು ಅನೇಕರ ದೂರು. ಈ ವಾಸನೆಯಿಂದಾಗಿ ಕೆಲವರಿಗೆ ಮೀನಿನ ಅಡುಗೆ ಮಾಡುವುದು ಕಷ್ಟ ಎನಿಸುತ್ತದೆ.

ಈ ಹಳೆಯ ಕಾಲದ ಸುಲಭ ಟಿಪ್ಸ್ ಬಳಸಿದರೆ ಮೀನಿನ ಜಿಗುಟುತನ ಮತ್ತು ವಾಸನೆ ಮಾಯವಾಗಿ ಸಾರು ಘಮಘಮಿಸುತ್ತದೆ.

ಒಂದು ಕಪ್ ಕಾರ್ನ್‌ಫ್ಲೋರ್ ಮತ್ತು ಮೂರು ಟೇಬಲ್ ಚಮಚ ನಿಂಬೆ ರಸ ಸೇರಿಸಿ ಮೀನಿನ ತುಂಡುಗಳಿಗೆ ಚೆನ್ನಾಗಿ ಉಜ್ಜಿ. ಇದರಿಂದ ಮೀನಿನ ಮೇಲಿರುವ ಜಿಗುಟು ಮತ್ತು ಕೆಟ್ಟ ವಾಸನೆ ಸಂಪೂರ್ಣವಾಗಿ ದೂರವಾಗುತ್ತದೆ.

ಮೀನಿನ ತುಂಡುಗಳನ್ನು ಒಂದು ಪಾತ್ರೆಯಲ್ಲಿ ಹಾಕಿ. ಅದಕ್ಕೆ ಒಂದು ಗ್ಲಾಸ್ ಹಾಲು ಅಥವಾ ಸ್ವಲ್ಪ ಮೊಸರು ಹಾಕಿ 30 ನಿಮಿಷಗಳ ಕಾಲ ನೆನೆಯಲು ಬಿಡಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ತೊಳೆದರೆ ವಾಸನೆ ಇರುವುದಿಲ್ಲ.

ಕೆಲವು ಜಾತಿಯ ಮೀನುಗಳು ಅತಿಯಾದ ವಾಸನೆ ಹೊಂದಿರುತ್ತವೆ. ಅಂತಹ ಸಮಯದಲ್ಲಿ ಒಂದು ಗ್ಲಾಸ್ ನೀರಿಗೆ ಸ್ವಲ್ಪ ವಿನೆಗರ್ ಬೆರೆಸಿ ಮೀನನ್ನು ತೊಳೆದರೆ ವಾಸನೆ ಪೂರ್ತಿ ಹೋಗುತ್ತದೆ.

ಮೀನಿನ ಸಾರು ಅಥವಾ ಪುಳಿ ಮಾಡುವಾಗ ಸ್ವಲ್ಪ ಹೆಚ್ಚಿನ ಪ್ರಮಾಣದ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ , ಚಿಟಿಕೆ ಅರಿಶಿನ ಸೇರಿಸಿ. ಇದು ವಾಸನೆಯನ್ನು ಹೋಗಲಾಡಿಸುವುದು ಮಾತ್ರವಲ್ಲದೆ, ಸಾರಿನ ರುಚಿಯನ್ನು ದುಪ್ಪಟ್ಟು ಮಾಡುತ್ತದೆ.