Food
ಭಾರತದಲ್ಲಿ ವೆರೈಟಿ ವೆರೈಟಿ ಸಿಹಿ ತಿಂಡಿಗಳಿಗೆ ಬರವೇ ಇಲ್ಲ. ರುಚಿಕರವಾದ ಹಲವು ಸ್ವೀಟ್ಸ್‌ ಎಲ್ಲೆಡೆ ಹೆಸರುವಾಸಿಯಾಗಿದೆ. ಇದರಲ್ಲಿ ಶೈತ್ಯೀಕರಿಸಿದ ಅಥವಾ ಫ್ರೋಝನ್ ಸ್ವೀಟ್ಸ್‌ ಸಹ ಸೇರಿವೆ. ಅದರಲ್ಲೊಂದು ಕುಲ್ಫಿ.
ಹೋಟೆಲ್, ರೆಸ್ಟೋರೆಂಟ್ ಗಳಿಗೆ ಹೋದಾಗ ಎಷ್ಟೇ ರುಚಿಯಾದ ಊಟ ಮಾಡಿದ್ರೂ ಕೊನೆಯಲ್ಲಿ ಒಂದು ಕುಲ್ಫಿ ತಿನ್ನೋ ಖುಷಿನೇ ಬೇರೆ. ಕುಲ್ಫಿಯು ಎಲ್ಲರ ನೆಚ್ಚಿನ ಸಿಹಿಭಕ್ಷ್ಯವಾಗಿದ್ದು, ಹಾಲಿನಿಂದ ಇದನ್ನು ತಯಾರಿಸುತ್ತಾರೆ.
ಜನಪ್ರಿಯ ಆಹಾರ ಮಾರ್ಗದರ್ಶಿ ಪ್ಲಾಟ್‌ಫಾರ್ಮ್ ಹಂಚಿಕೊಂಡ ಪಟ್ಟಿಯ ಪ್ರಕಾರ ಕ್ಲಾಸಿಕ್ ಫ್ರೋಜನ್ ಇಂಡಿಯನ್ ಡೆಸರ್ಟ್‌ನಲ್ಲಿ 'ಕುಲ್ಫಿ' ಮತ್ತು 'ಕುಲ್ಫಿ ಫಲೂಡಾ' ಸ್ಥಾನ ಪಡೆದುಕೊಂಡಿದೆ.
'ವಿಶ್ವದ 50 ಅತ್ಯುತ್ತಮ ಫ್ರೋಜನ್ ಡೆಸರ್ಟ್‌' ಪಟ್ಟಿಯಲ್ಲಿ ಭಾರತದ ಕುಲ್ಫಿ ಸಹ ಸೇರಿದೆ. ಆಹಾರಗಳ ಪಟ್ಟಿಯಲ್ಲಿ 'ಕುಲ್ಫಿ' 14ನೇ ಸ್ಥಾನದಲ್ಲಿದ್ದರೆ, 'ಕುಲ್ಫಿ ಫಲೂಡಾ' ಪಟ್ಟಿಯಲ್ಲಿ 30ನೇ ಸ್ಥಾನದಲ್ಲಿದೆ.
ಇರಾನ್‌ನ ಬಸ್ತಾನಿ ಸೊನ್ನತಿ ಮೊದಲ ಸ್ಥಾನದಲ್ಲಿದೆ. ಪೆರುವಿನ ಕ್ವೆಸೊ ಹೆಲಾಡೊ ನಂತರದ ಸ್ಥಾನ ಪಡೆದಿದೆ. ಟರ್ಕಿಯ ಡೊಂಡುರ್ಮಾ, ಅಮೆರಿಕದ ಫ್ರೋಜನ್ ಕಸ್ಟರ್ಡ್, ಫಿಲಿಪಿನೋ ಐಸ್ ಕ್ರೀಮ್ ಸೋರ್ಬೆಟ್ಸ್ ನಂತರದ ಸ್ಥಾನದಲ್ಲಿದೆ.