ಹಿಟ್ಟು ಸರಿಯಾಗಿ ಸಿದ್ಧಪಡಿಸಿ

ದೋಸೆ ಸರಿಯಾಗಿ ಆಗಬೇಕು ಅಂದ್ರೆ ದೋಸೆ ಹಿಟ್ಟನ್ನು ಯಾವಾಗಲೂ ಸರಿಯಾದ ರೀತಿಯಲ್ಲಿ ಸಿದ್ಧಪಡಿಸಬೇಕು. ಹೆಚ್ಚು ದಪ್ಪ ಅಥವಾ ಹೆಚ್ಚು ತೆಳು ಆಗಬಾರದು. ಹಿಟ್ಟು ಚೆನ್ನಾಗಿ ಆದ ದೋಸೆ ಸಹ ಕ್ರಿಸ್ಪೀಯಾಗಿ ರುಚಿಕರವಾಗಿರುತ್ತದೆ.

ದೋಸೆ ಸರಿಯಾಗಿ ಆಗಲು ಹಿಟ್ಟಿನ ಹುದುಗುವಿಕೆ ಸಹ ಸರಿಯಾಗಿರಬೇಕು. ಹಿಟ್ಟು ಚೆನ್ನಾಗಿ ಹುದುಗದಿದ್ದರೆ ದೋಸೆ ಸಹ ಚೆನ್ನಾಗಿ ಆಗೋದಿಲ್ಲ. ಹೀಗಾಗಿ 8-12 ಗಂಟೆಗಳ ಕಾಲ ಹಿಟ್ಟು ಹುದುಗುವಂತೆ ನೋಡಿಕೊಳ್ಳಿ.

ದೋಸೆ ಹೊಯ್ಯೋದು ಕೂಡಾ ಒಂದು ಕಲೆ. ಅರ್ಧಂಬರ್ಧ ದೋಸೆ ಹೊಯ್ದರೆ ಅದು ಎಲ್ಲಾ ಕಡೆ ಸರಿಯಾಗಿ ಬೇಯದೇ ಇರಬಹುದು. ಹೀಗಾಗಿ ದುಂಡಗೆ, ದೋಸೆಯನ್ನು ನೀಟಾಗಿ ಎರೆದುಕೊಳ್ಳಿ.

ದೋಸೆಗೆ ಎಣ್ಣೆಯ ಬಳಕೆ ಮಿತ ಪ್ರಮಾಣದಲ್ಲಿರಲಿ. ಹೆಚ್ಚೂ ಅಲ್ಲ.ಕಡಿಮೆಯೂ ಅಲ್ಲ. ಎಣ್ಣೆ ಹೆಚ್ಚಾದರೂ ದೋಸೆ ರುಚಿ ಕೆಡುತ್ತದೆ. ಕಡಿಮೆಯಾದರೂ ಇದು ದೋಸೆಯ ಕ್ರಿಸ್ಪೀನೆಸ್ ಹಾಳು ಮಾಡಬಹುದು.

ದೋಸೆಯನ್ನು ಯಾವಾಗಲೂ ಮಧ್ಯಮ ಉರಿಯಲ್ಲಿ ಬೇಯಿಸಿ. ಇಲ್ಲದಿದ್ದರೆ ಸೀದು ಹೋಗಬಹುದು. ದೋಸೆ ಹೊಯ್ದ ತಕ್ಷಣ ಮಗುಚಿ ಹಾಕಲು ಹೋಕಬೇಡಿ. ಇದರಿಂದ ಹಿಟ್ಟು ತವಾಕ್ಕೆ ಅಂಟಿಕೊಂಡು ದೋಸೆ ಹಾಳಾಗುತ್ತದೆ.