Food
ಬಿರಿಯಾನಿ ಎಲ್ಲಾ ಭಾರತೀಯರ ನೆಚ್ಚಿನ ಆಹಾರವಾಗಿದೆ. ಹೀಗಾಗಿಯೇ ಎಲ್ಲಾ ರೆಸ್ಟೋರೆಂಟ್‌ಗಳಲ್ಲಿ ವಿವಿಧ ರೀತಿಯ ಬಿರಿಯಾನಿ ಸಿದ್ಧಪಡಿಸುತ್ತಾರೆ. ಆದ್ರೆ ಮನೆಯಲ್ಲಿ ಇದನ್ನು ತಯಾರು ಮಾಡೋದು ಹೇಗೆ? ಇಲ್ಲಿದೆ ಸಿಂಪಲ್ ಮೆಥಡ್‌.
ಚಿಕನ್‌ನ್ನು ಶುಂಠಿ, ಬೆಳ್ಳುಳ್ಳಿ ಪೇಸ್ಟ್‌, ಗರಂ ಮಸಾಲ, ಅರಿಶಿನ, ಕೆಂಪು, ಮೆಣಸಿನ ಪುಡಿ, ಉಪ್ಪು ಮತ್ತು ನಿಂಬೆಯೊಂದಿಗೆ ಬೆರೆಸಿ, ಮೊಸರು ಸೇರಿಸಿ ಚೆನ್ನಾಗಿ ಮ್ಯಾರಿನೇಟ್ ಮಾಡಿ.
ಒಂದು ಪಾತ್ರೆಯಲ್ಲಿ ತುಪ್ಪ ಅಥವಾ ಎಣ್ಣೆಯನ್ನು ಬಿಸಿ ಮಾಡಿ, ಬೇ ಎಲೆ, ಏಲಕ್ಕಿ ದಾಲ್ಚಿನ್ನಿ ಮತ್ತು ತೆಳುವಾಗಿ ಕತ್ತರಿಸಿದ ಈರುಳ್ಳಿಯನ್ನು ಸೇರಿಸಿ. ಅದರ ನಂತರ ಮ್ಯಾರಿನೇಟ್ ಮಾಡಿದ ಚಿಕನ್‌ನ್ನು ಹಾಕಿ ಹುರಿಯಿರಿ.
ಮೇಲೆ ಸಿದ್ಧಪಡಿಸಿದ ಮಸಾಲೆಗೆ ಬೇಯಿಸಿದ ಮೊಟ್ಟೆ ಮತ್ತು ಗೋಲ್ಡನ್ ಫ್ರೈ ಮಾಡಿದ ಆಲೂಗಡ್ಡೆಯನ್ನು ಸೇರಿಸಿ, ಇದನ್ನು ಮೊದಲೇ ಸಿದ್ಧಪಡಿಸಿ ಇಟ್ಟುಕೊಂಡಿರಬೇಕು.
ದೊಡ್ಡ ಪಾತ್ರೆಯಲ್ಲಿ ಬಾಸ್ಮತಿ ಅಕ್ಕಿಯನ್ನು ತೆಗೆದುಕೊಂಡು ಅದನ್ನು ಚೆನ್ನಾಗಿ ತೊಳೆಯಿರಿ.ಅಕ್ಕಿಗೆ ಎಳನೀರು ಸೇರಿಸಿ ಅದನ್ನು 30 ನಿಮಿಷಗಳ ಕಾಲ ನೆನೆಸಿಡಿ. ನಂತರ ಬಿಸಿನೀರಿಗೆ ಈ ಅಕ್ಕಿ ಹಾಕಿ.
ಮನೆಯಲ್ಲಿ ಲಭ್ಯವಿರುವ ದೊಡ್ಡ ಪಾತ್ರೆಯನ್ನು ತೆಗೆದುಕೊಂಡು ಬ್ರಷ್‌ ಬಳಸಿಕೊಂಡು ತುಪ್ಪ ಅಥವಾ ಎಣ್ಣೆಯನ್ನು ಹಚ್ಚಿ. ನಂತರ ಬೇ ಎಲೆ ಸೇರಿಸಿ ಸ್ಪಲ್ಪ ಅನ್ನವನ್ನು ಸೇರಿಸಿ. ಅದರ ಮೇಲೆ ಮಸಾಲೆ ಹಾಕಿ.
ಪಾತ್ರೆಗೆ ಇದೇ ರೀತಿ ಅನ್ನ, ಮಸಾಲೆ, ಮೊಟ್ಟೆ, ಆಲೂಗಡ್ಡೆ ಸೇರಿಸುವ ಪದರವನ್ನು ಪುನರಾವರ್ತಿಸುತ್ತಾ ಹೋಗಿ. ಪಾತ್ರೆ ತುಂಬುವ ವರೆಗೂ ಹೀಗೆ ಮಾಡಿ.
ಮೇಲಿನ ಪದರವು ಅನ್ನವಾಗಿರಬೇಕು. ಅದರ ಮೇಲೆ ತುಪ್ಪ, ರೋಸ್ ವಾಟರ್‌, ಫ್ರೈ ಮಾಡಿದ ಈರುಳ್ಳಿ ಹರಡಿ, ಮುಚ್ಚಿಡಿ.
ಪಾತ್ರೆಯನ್ನು ಬಿಗಿಯಾದ ಮುಚ್ಚಳದಿಂದ ಮುಚ್ಚಿ. ಮುಚ್ಚಳ ಮೇಲೆ ಬರದಂತೆ ಅದರ ಮೇಲೆ ಭಾರವಾದ ವಸ್ತು ಇಡಿ. ಇದನ್ನು ಒಲೆ ಉರಿಯಲ್ಲಿ 15-20 ನಿಮಿಷಗಳ ಕಾಲ ಹದ ಉರಿಯಲ್ಲಿ ಬೇಯಿಸಿ. ಈಗ ರುಚಿಕರವಾದ ಬಿರಿಯಾನಿ ಸವಿಯಲು ಸಿದ್ಧ.