ಹುರಿದ ಟರಂಟುಲಾಗಳು

ಕಾಂಬೋಡಿಯಾದಲ್ಲಿ, ಟರಂಟುಲಾ ಎಂಬ ದೊಡ್ಡ ಜೇಡ ಜಾತಿಯ ಪ್ರಾಣಿಯನ್ನು ಮಸಾಲೆ ಪುಡಿ ಸವರಿ, ಚೆನ್ನಾಗಿ ಹುರಿದು ಗರಿಗರಿಯಾಗಿ ತಿನ್ನುತ್ತಾರೆ. 

ಜಪಾನ್‌ನಲ್ಲಿ, ಫುಗು ಎಂಬ ವಿಷಕಾರಿ ಮೀನಿನ ಜಾತಿಯನ್ನು ಚೆನ್ನಾಗಿ ಸ್ವಚ್ಛಗೊಳಿಸಿ, ವಿಷವನ್ನು ತೆಗೆದುಹಾಕುತ್ತಾರೆ. ಅದರ ರಕ್ತವನ್ನು ಹಲವಾರು ಬಾರಿ ತೊಳೆದು ತಿನ್ನುತ್ತಾರೆ.

ಇಂಡೋನೇಷ್ಯಾದಲ್ಲಿ ಬಾವಲಿಗಳನ್ನು ಗಿಡಮೂಲಿಕೆಗಳು ಮತ್ತು ಮಸಾಲೆಗಳೊಂದಿಗೆ ಬೇಯಿಸಿ ತಿನ್ನುತ್ತಾರೆ. 

ಫಿಲಿಪೈನ್ಸ್‌ನಲ್ಲಿ ಬಾತುಕೋಳಿ ಮೊಟ್ಟೆಯಲ್ಲಿರುವ ಭ್ರೂಣವು ಅರ್ಧದಷ್ಟು ಬೆಳವಣಿಗೆ ಹೊಂದಿದ ನಂತರ ಅದನ್ನು ಬೇಯಿಸಿ ತಿನ್ನುತ್ತಾರೆ. 

ಪಶ್ಚಿಮ ನಾರ್ವೆಯಲ್ಲಿ ಕುರಿಮರಿಯ ತಲೆಯನ್ನು ನೀರಿನಲ್ಲಿ ಕುದಿಸಿ ತಿನ್ನುತ್ತಾರೆ.

ಪೆಸಿಫಿಕ್ ದ್ವೀಪಗಳಲ್ಲಿ, ಸಮುದ್ರದಲ್ಲಿ ಉಷ್ಣತೆಯ ವ್ಯತ್ಯಾಸದಿಂದ ಹೊರಬರುವ ಹುಳುಗಳನ್ನು ಹಿಡಿದು ಬೇಯಿಸಿ ತಿನ್ನುತ್ತಾರೆ. 

ಮೆಕ್ಸಿಕೋದಲ್ಲಿ ಲಾರ್ವಾ ಹುಳುಗಳನ್ನು ಬೇಯಿಸಿ ತಿನ್ನುತ್ತಾರೆ. 

ವಿಯೆಟ್ನಾಂನಲ್ಲಿ ನಾಗರಹಾವನ್ನು ಕೊಂದು, ಅದರ ರಕ್ತ ಮತ್ತು ಹೃದಯವನ್ನು ಮದ್ಯದಲ್ಲಿ ಬೆರೆಸಿ ಕುಡಿಯುತ್ತಾರೆ. 

ಇಟಲಿಯಲ್ಲಿ ಕುರಿ ಹಾಲಿನಿಂದ ಚೀಸ್ ತಯಾರಿಸುತ್ತಾರೆ. ಆ ಚೀಸ್‌ನಲ್ಲಿ ಹುಳು ಹಾಕಿ, ನಂತರ ಹುಳುಗಳೊಂದಿಗೆ ಸವಿಯುತ್ತಾರೆ.