ನಟಿ ಗಿರಿಜಾ ಓಕ್ ತಂದೆ ಬಗ್ಗೆ ಹೇಳಿದ್ದೇನು? ಸಂಬಂಧದ ಬಗ್ಗೆ ಬಿಚ್ಚಿಟ್ರು ಸತ್ಯ

ಗಿರಿಜಾ ಓಕ್, ತಾನು ತನ್ನ ತಂದೆಯ ಅತಿದೊಡ್ಡ ಅಭಿಮಾನಿ ಆಗಿದ್ದೆ ಎಂದು ಹೇಳಿದ್ದಾರೆ. ಅವರ ಎಲ್ಲಾ ನಾಟಕಗಳ ಡೈಲಾಗ್‌ಗಳು ಕಂಠಪಾಠ ಆಗುವವರೆಗೂ ನಾನು ಆ ನಾಟಕಗಳನ್ನು ನೋಡುತ್ತಿದ್ದೆ ಎಂದಿದ್ದಾರೆ.

ನಾಟಕದ ಎಲ್ಲಾ ಡೈಲಾಗ್‌ಗಳು ನನಗೆ ಕಂಠಪಾಠವಾಗಿತ್ತು ಎಂದು ಗಿರಿಜಾ ಈ ವೇಳೆ ಹೇಳಿದ್ದಾರೆ. ಸದ್ಯಕ್ಕೆ ಅವರೊಂದಿಗೆ ಯಾವುದೇ ರೀತಿಯ ಸಂಪರ್ಕ ಇಲ್ಲ ಎಂಬುದನ್ನೂ ಗಿರಿಜಾ ಇದೇ ಸಂದರ್ಭದಲ್ಲಿ ತಿಳಿಸಿದ್ದಾರೆ.

ಅಪ್ಪ-ಅಮ್ಮ ಬೇರೆಯಾದ ನಂತರ ಗಿರಿಜಾ, ತಾಯಿಯ ಜೊತೆ ವಾಸಿಸಲು ಆರಂಭಿಸಿದರು. ಈಗ ಇಬ್ಬರೂ ತಮ್ಮ ತಮ್ಮ ಜೀವನದಲ್ಲಿ ಬ್ಯುಸಿ ಆಗಿರುವುದರಿಂದ ಭೇಟಿಯಾಗುವುದು ಕಡಿಮೆಯಾಗಿದೆ. 

ಗಿರೀಶ್ ಓಕ್ ಅವರ ಮಗಳು ಎಂದು ಗುರುತಿಸಿಕೊಳ್ಳುವುದು ನನಗೆ ಖುಷಿ ಕೊಡುತ್ತದೆ ಎಂದು ಗಿರಿಜಾ ಓಕ್ ಹೇಳಿದ್ದಾರೆ. ಅವರು ತಮ್ಮ ಜೀವನದಲ್ಲಿ ಗಳಿಸಿರುವ ಸ್ಥಾನದ ಬಗ್ಗೆ ನನಗೆ ಹೆಮ್ಮೆ ಇದೆ ಎಂದಿದ್ದಾರೆ.

ತನ್ನ ತಂದೆಯ ಬಗ್ಗೆ ಇಂದಿಗೂ ಅಷ್ಟೇ ಗೌರವವಿದೆ ಎಂದು ಗಿರಿಜಾ ಹೇಳಿದ್ದಾರೆ. ತನ್ನ ಮನಸ್ಸಿನಲ್ಲಿ ತಂದೆಗೆ ಇವತ್ತಿಗೂ ದೊಡ್ಡ ಸ್ಥಾನವಿದೆ ಎಂದು ಅವರು ತಿಳಿಸಿದ್ದಾರೆ.