ಗ್ಯಾಂಗ್​ಸ್ಟರ್ ಪ್ರೇಮದಲ್ಲಿ ಬಿದ್ದು ಜೈಲು ಸೇರಿದ ನಟಿ

ಬಾಲಿವುಡ್‌ನ ವಿವಾದಾತ್ಮಕ ನಟಿಯರಲ್ಲಿ ಒಬ್ಬರಾದ ಮೋನಿಕಾ ಬೇಡಿ 50 ವರ್ಷ ವಯಸ್ಸಿನವರು. ಮೋನಿಕಾ 1975 ರಲ್ಲಿ ಪಂಜಾಬ್‌ನ ಚಬ್ಬೇವಾಲ್‌ನಲ್ಲಿ ಜನಿಸಿದರು. 

ಮೋನಿಕಾ ಬೇಡಿ ಒಂದು ಕಾರ್ಯಕ್ರಮದಲ್ಲಿ ಪ್ರದರ್ಶನ ನೀಡಲು ದುಬೈಗೆ ಬಂದಿದ್ದರು. ಆಗ ಗ್ಯಾಂಗ್​ಸ್ಟರ್ ಅಬು ಸಲೇಂ ಅವರನ್ನು ದುಬೈನಲ್ಲಿ ಭೇಟಿಯಾದರು.

ಮೋನಿಕಾ ಬೇಡಿ-ಅಬು ಸಲೇಂ ನಡುವೆ ಸ್ನೇಹ ಬೆಳೆದು ಪ್ರೇಮಕ್ಕೆ ತಿರುಗಿತು. ಇಲ್ಲಿಂದ ಮೋನಿಕಾ ವೃತ್ತಿಜೀವನ ವಿನಾಶದತ್ತ ಸಾಗಿತು. ಅವರು ನಕಲಿ ಪಾಸ್​ಪೋರ್ಟ್ ಪ್ರಕರಣದಲ್ಲಿ ಸಿಕ್ಕಿಬಿದ್ದು 5 ವರ್ಷ ಜೈಲುವಾಸ ಅನುಭವಿಸಿದರು.

ಮೋನಿಕಾ ಬೇಡಿ 1995 ರಲ್ಲಿ ತೆಲುಗು ಚಿತ್ರ ತಾಜ್ ಮಹಲ್ ಮೂಲಕ ಪಾದಾರ್ಪಣೆ ಮಾಡಿದರು. ನಂತರ ಅವರಿಗೆ ಹಲವು ದಕ್ಷಿಣ ಭಾರತದ ಚಿತ್ರಗಳಲ್ಲಿ ಕಾರ್ಯನಿರ್ವಹಿಸುವ ಅವಕಾಶ ದೊರಕಿತು.

ಮೋನಿಕಾ ಬೇಡಿ ಬಾಲಿವುಡ್‌ಗೂ ಪಾದಾರ್ಪಣೆ ಮಾಡಿದರು. ಅವರು ಸೈಫ್ ಅಲಿ ಖಾನ್ ಜೊತೆ ಸುರಕ್ಷಾ ಚಿತ್ರದಲ್ಲಿ ಕಾಣಿಸಿಕೊಂಡರು. ಮೋನಿಕಾ ಸಂಜಯ್ ದತ್, ಸುನೀಲ್ ಶೆಟ್ಟಿ, ಗೋವಿಂದ ಸೇರಿದಂತೆ ಹಲವು ತಾರೆಯರೊಂದಿಗೆ ಕೆಲಸ ಮಾಡಿದರು.

ಮೋನಿಕಾ ಬೇಡಿ ಜಾನಂ ಸಮಝಾ ಕರೋ, ಜೋಡಿ ನಂಬರ್ ಒನ್, ಕಾಳಿಚರಣ್, ತಿರ್ಚಿ ಟೋಪಿವಾಲೆ, ಜಂಜೀರ್, ಲೋಹಪುರುಷ್ ಸೇರಿದಂತೆ ಹಲವು ಚಿತ್ರಗಳಲ್ಲಿ ಕೆಲಸ ಮಾಡಿದರು, ಆದರೆ ಯಾವುದೇ ಹಿಟ್ ಚಿತ್ರ ನೀಡಲು ಸಾಧ್ಯವಾಗಲಿಲ್ಲ.

ಮೋನಿಕಾ ಬೇಡಿ ಕನ್ನಡದಲ್ಲಿ ದ್ರೋಣ, ನನ್ನಾಸೆಯ ಹೂವೆ ಎನ್ನುವ ಸಿನಿಮಾಗಳಲ್ಲೂ ನಟಿಸಿದ್ದಾರೆ.

ಮೋನಿಕಾ ಬೇಡಿ ಸಲ್ಮಾನ್ ಖಾನ್ ನಡೆಸಿಕೊಡುವ ಬಿಗ್ ಬಾಸ್ 2 ರ ಸ್ಪರ್ಧಿಯಾಗಿದ್ದರು. ಸುಮಾರು 6-7 ವರ್ಷಗಳಿಂದ ಆಕೆ ಪ್ರಸಿದ್ಧಿಯಿಂದ ದೂರವಿದ್ದಾರೆ. ಅವರು ಎಲ್ಲಿದ್ದಾರೆ ಮತ್ತು ಏನು ಮಾಡುತ್ತಿದ್ದಾರೆ ಯಾರಿಗೂ ಗೊತ್ತಿಲ್ಲ