
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತ ಮತ್ತು ಚೀನಾದ ಗಾಳಿ ಹೊಲಸು ಎಂದು ಹೇಳಿದ್ದಾರೆ. ಅಮೆರಿಕದಲ್ಲಿ ಅಧ್ಯಕ್ಷೀಯ ಚುನಾವಣೆ ಕಾವೇರಿದ್ದು, ಪ್ರಚಾರದ ಭಾಷಣದಲ್ಲಿ ಟ್ರಂಪ್ ಈ ಹೇಳಿಕೆ ನೀಡಿದ್ದಾರೆ.
ಹವಾಮಾನ ಬದಲಾವಣೆಯನ್ನು ನಿಭಾಯಿಸುವ ಪ್ರತಿಸ್ಪರ್ಧಿ ಜೋ ಬಿಡನ್ ಅವರ ಯೋಜನೆಯನ್ನು ಟ್ರಂಪ್ ಖಂಡಿಸಿದ್ದಾರೆ. ಎರಡನೇ ಹಂತದ ಕೊನೆಯ ಪ್ರಚಾರದಲ್ಲಿ ಇದೇ ವಿಚಾರವಾಗಿ ಮಾತನಾಡಿದ ಟ್ರಂಪ್, ಹವಾಮಾನ ವೈಪರೀತ್ಯದ ಕ್ರಮಗಳಲ್ಲಿ ಅಮೆರಿಕಾಗೆ ಅನ್ಯಾಯವಾಗಿದೆ ಎಂದು ಟ್ರಂಪ್ ಪ್ರತಿಸ್ಪರ್ಧಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ಬೈಡನ್ಗೆ ಬಲ ತುಂಬಿದ ಒಬಾಮಾ, ಟ್ರಂಪ್ ಆಡಳಿತ ವೈಖರಿ ಟೀಕಿಸಿದ ಮಾಜಿ ಅಧ್ಯಕ್ಷ!
ಬೈಡನ್ ಮಾಡಿರೋ ಹವಾಮಾನ ಯೋಜನೆ ತೈಲ ನೀಡುವ ಟೆಕ್ಸಾಸ್ ಒಕ್ಲಹೋಮಾಗಳಿಗೆ ಆರ್ಥಿಕ ದಿವಾಳಿ ಯೋಜನೆಯಾಗಿ ಪರಿಣಮಿಸಿದೆ ಎಂದೂ ಆರೋಪಿಸಿದ್ದಾರೆ. ಹವಾಮಾನ ವೈಪರೀತ್ಯ ಸದ್ಯ ಮಾನವಕುಲಕ್ಕಿರುವ ದೊಡ್ಡ ಅಪಾಯ. ನಾವು ಅದನ್ನು ನೈತಿಕವಾಗಿ ಎದುರಿಸಲಿದ್ದೇವೆ ಎಂದು ಬೈಡನ್ ಹೇಳಿದ್ದರು. ಇದನ್ನು ಮುಂದಿನ 8 \ 10 ವರ್ಷದಲ್ಲಿ ಮಾಡಿತೋರಿಸಲಿದ್ದೇವೆ ಎಂದಿದ್ದರು.
ಅಮೆರಿಕ ಅಧ್ಯಕ್ಷೀಯ ಚುನಾವಣೆ ನವೆಂಬರ್ 03ರಂದು ನಿಗದರಿಯಾಗಿದ್ದು, ಕೊರೋನಾ ಮಧ್ಯೆಯೂ ಚುನಾವಣಾ ಪ್ರಚಾರ ಅಬ್ಬರವಾಗಿ ಸಾಗಿದೆ. ಮಾಜಿ ಅಧ್ಯಕ್ಷ ಒಬಾಮಾ ಅವರು ಟ್ರಂಪ್ ಪ್ರತಿಸ್ಪರ್ಧಿಯನ್ನು ಬೆಂಬಲಿಸಿರುವುದು ಗಮನಾರ್ಹ
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ