18,000 ರು. ಟಿಕೆಟ್‌ನಲ್ಲಿ ಮುಂಬೈ​ನಿಂದ- ದುಬೈಗೆ ಏಕಾಂಗಿ ವಿಮಾನ ಪ್ರಯಾಣ!

* 18,000 ರು. ಟಿಕೆಟ್‌ನಲ್ಲಿ ಮುಂಬೈ​ನಿಂದ- ದುಬೈಗೆ ಏಕಾಂಗಿ ವಿಮಾನ ಪ್ರಯಾಣ * ಗೋಲ್ಡನ್‌ ವಿಸಾ ಅಡಿ​ಯಲ್ಲಿ ಟಿಕೆಟ್‌ ಕಾಯ್ದಿ​ರಿ​ಸಿದ್ದರಿಂದ ಒಲಿದ ಅದೃ​ಷ್ಟ * 360 ಆಸ​ನದ ಬೋಯಿಂಗ್‌ ವಿಮಾ​ನ​

ಮುಂಬೈ(ಮೇ.27): 360 ಆಸ​ನದ ಬೋಯಿಂಗ್‌ ವಿಮಾ​ನ​ದಲ್ಲಿ ಮುಂಬೈ​ನಿಂದ ದುಬೈಗೆ ಕೇವಲ 18 ಸಾವಿರ ರು.ಗೆ ವ್ಯಕ್ತಿ​ಯೊಬ್ಬ ಏಕಾಂಗಿ​ಯಾಗಿ ಪ್ರಯಾ​ಣಿ​ಸಿರುವ ಅಪ​ರೂ​ಪದ ಘಟ​ನೆ​ಯೊಂದು ನಡೆ​ದಿದೆ. ಸ್ಟಾರ್ಗೆಮ್ಸ್‌ ಗ್ರೂಪ್‌ನ ಸಿಇಒ ಭಾವೇಶ್‌ ಜವೇರಿ ವಿಮಾ​ನ​ದಲ್ಲಿ ಏಕಾಂಗಿ​ಯಾಗಿ ಪ್ರಯಾ​ಣಿ​ಸಿದ ಅದೃ​ಷ್ಟ​ವಂತ ವ್ಯಕ್ತಿ.

ಕಳೆದ 20 ವರ್ಷಗ​ಳಿಂದ ದುಬೈ​ನ​ಲ್ಲಿ ನೆಲೆ​ಸಿ​ರುವ ಜವೇರಿ ಭಾರತ ಮತ್ತು ದುಬೈ ಮಧ್ಯೆ 240ಕ್ಕೂ ಹೆಚ್ಚು ಬಾರಿ ಸಂಚ​ರಿ​ಸಿ​ದ್ದಾರೆ. ಸಾಮಾ​ನ್ಯ​ವಾಗಿ ಬಿಸಿ​ನೆಸ್‌ ಕ್ಲಾಸ್‌​ನಲ್ಲೇ ಪ್ರಯಾ​ಣಿ​ಸು​ತ್ತಿದ್ದ ಅವರು ಮೇ. 19ರಂದು ಎಮಿ​ರೇಟ್ಸ್‌ ವಿಮಾ​ನ​ದಲ್ಲಿ ಸಾಮಾನ್ಯ ದರ್ಜೆಯ ಟಿಕೆಟ್‌ ಅನ್ನು ಕಾಯ್ದಿ​ರಿ​ಸಿ​ದ್ದರು. ಆದರೆ ನಾನಾ ಕಾರಣಗಳಿಂದಾಗಿ ಬೇರೆ ಪ್ರಯಾಣಿಕರು ಪ್ರಯಾಣ ರದ್ದು ಮಾಡಿದ್ದರು. ಹೀಗಾಗಿ ಜವೇರಿ ಒಬ್ಬರೇ ವಿಮಾ​ನ​ದಲ್ಲಿ ಪ್ರಯಾ​ಣಿ​ಸಿ​ದ್ದಾ​ರೆ.

ದುಬಾರಿ ಹಾರಾಟ: 180 ಟನ್‌ ತೂಕದ ಬೋಯಿಂಗ್‌ ವಿಮಾನ ಮುಂಬೈ​ನಿಂದ ದುಬೈಗೆ ಪ್ರಯಾಣ ಬೆಳೆ​ಸಲು 17 ಟನ್‌ ಇಂಧ​ನ​ವನ್ನು ದಹಿ​ಸ​ಬೇಕು. ಈ ಪ್ರಯಾ​ಣಕ್ಕೆ ಏನಿ​ಲ್ಲ​ವೆಂದರೂ 8 ಲಕ್ಷ​ಕ್ಕಿಂತ ಹೆಚ್ಚು ವೆಚ್ಚವಾಗುತ್ತದೆ. ಆದರೆ, ಕೊರೋನಾ 2ನೇ ಅಲೆಯ ಹಿನ್ನೆ​ಲೆ​ಯಲ್ಲಿ ಗೋಲ್ಡನ್‌ ವೀಸಾ ಹೊಂದಿ​ರುವ ಯುಎಇ ನಾಗ​ರಿ​ಕ​ರಿಗೆ ಮಾತ್ರವೇ ಎಮಿ​ರೇಟ್ಸ್‌ ವಿಮಾ​ನ​ಯಾನ ಸಂಸ್ಥೆ ಪ್ರಯಾ​ಣಕ್ಕೆ ಅವ​ಕಾಶ ಕಲ್ಪಿ​ಸಿ​ದೆ.