ಮಾಜಿ ಪ್ರಧಾನಿ ಜಸ್ಟಿನ್ ಟ್ರುಡೊ ವಿಶಿಷ್ಟ ಬೀಳ್ಕೊಡುಗೆ: ಕುರ್ಚಿ ಹಿಡಿದು ಸಂಸತ್ತಿನಿಂದ ಹೊರ ನಡೆದ ಟ್ರುಡೊ!

ಕೆನಡಾದ ಮಾಜಿ ಪ್ರಧಾನಿ ಜಸ್ಟಿನ್ ಟ್ರುಡೊ ಕುರ್ಚಿಯೊಂದಿಗೆ ಸಂಸತ್ತಿಗೆ ವಿಶಿಷ್ಟ ಶೈಲಿಯಲ್ಲಿ ವಿದಾಯ ಹೇಳಿದರು. ಸಂಸದರು ಕುರ್ಚಿ ತೆಗೆದುಕೊಂಡು ಹೋಗುವ ಸಂಪ್ರದಾಯವಿದೆ. ಟ್ರುಡೊ ಲಿಬರಲ್ ಪಕ್ಷದ ನಾಯಕತ್ವ ಸಮ್ಮೇಳನದಲ್ಲಿ ಮಾತನಾಡಿದರು. ಜನವರಿ 6, 2025 ರಂದು ರಾಜೀನಾಮೆ ನೀಡಿದರು. ಮಾರ್ಕ್ ಕಾರ್ನಿ ಹೊಸ ಪ್ರಧಾನ ಮಂತ್ರಿಯಾಗಿ ಆಯ್ಕೆಯಾಗಿದ್ದಾರೆ.

ಕುರ್ಚಿಯೊಂದಿಗೆ ಟ್ರುಡೊ ನಿರ್ಗಮನ: ಕೆನಡಾದ (Canada) ಮಾಜಿ ಪ್ರಧಾನಿ ಜಸ್ಟಿನ್ ಟ್ರುಡೊ (Justin Trudeau) ವಿಶಿಷ್ಟ ಶೈಲಿಯಲ್ಲಿ ಸಂಸತ್ತಿಗೆ ವಿದಾಯ ಹೇಳಿದರು. ಅವರು ತಮ್ಮ ಕುರ್ಚಿಯನ್ನು ಎತ್ತಿಕೊಂಡು ಲಘುವಾಗಿ ನಾಲಿಗೆ ಚಾಚುತ್ತಾ ಹೊರಗೆ ಹೋಗುವುದು ಕಂಡುಬಂದಿದೆ. ಅವರ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕೆನಡಾ ಸಂಸತ್ತಿನಲ್ಲಿ ಹಳೆಯ ಸಂಪ್ರದಾಯ:  ಕೆನಡಾದಲ್ಲಿ ಸಂಸದರೊಬ್ಬರು (MP) ಸಂಸತ್ತನ್ನು ತೊರೆದಾಗ ತಮ್ಮ ಕುರ್ಚಿಯನ್ನು ತಮ್ಮೊಂದಿಗೆ ಕೊಂಡೊಯ್ಯಬಹುದು ಎಂಬ ಸಂಪ್ರದಾಯವಿದೆ. ಟೊರೊಂಟೊ ಸನ್‌ನ ರಾಜಕೀಯ ಅಂಕಣಕಾರ ಬ್ರಿಯಾನ್ ಲಿಲ್ಲಿ (Brian Lilley) ಈ ಬಗ್ಗೆ ಪ್ರತಿಕ್ರಿಯಿಸಿ, ಇದು ಒಂದು ಕುತೂಹಲಕಾರಿ ಸಂಪ್ರದಾಯವಾಗಿದೆ ಎಂದಿದ್ದಾರೆ. ಅವರು ಸಾಮಾಜಿಕ ಮಾಧ್ಯಮ ವೇದಿಕೆ X (ಹಿಂದೆ ಟ್ವಿಟರ್) ನಲ್ಲಿಸಂಸದರೊಬ್ಬರು ಹೌಸ್ ಆಫ್ ಕಾಮನ್ಸ್ (Commons) ಅನ್ನು ತೊರೆದಾಗ, ಅವರು ತಮ್ಮ ಕುರ್ಚಿಯನ್ನು ತೆಗೆದುಕೊಂಡು ಹೋಗಲು ಅನುಮತಿಸಲಾಗಿದೆ. ಇದು ಅದ್ಭುತ ಸಂಪ್ರದಾಯ, ನಾನು ಅದನ್ನು ಬೆಂಬಲಿಸುತ್ತೇನೆ. ಆದರೆ ಟ್ರುಡೊ ಅವರ ಈ ಚಿತ್ರ ಸ್ವಲ್ಪ ವಿಭಿನ್ನವಾಗಿದೆ. ಇದರೊಂದಿಗೆ, ಇದು ಮುಂಬರುವ ಚುನಾವಣೆಯ ಸೂಚನೆಯೂ ಆಗಿರಬಹುದು ಬರೆದಿದ್ದಾರೆ.

ತಮ್ಮ ಸರ್ಕಾರದ ಸಾಧನೆಗಳನ್ನು  ಪಟ್ಟಿ ಮಾಡಿದ ಟ್ರುಡೊ:
ತಮ್ಮ ರಾಜೀನಾಮೆಯನ್ನು ಘೋಷಿಸುವ ಮೊದಲು, ಟ್ರುಡೊ ಲಿಬರಲ್ ಪಕ್ಷದ (Liberal Party) ನಾಯಕತ್ವ ಸಮ್ಮೇಳನದಲ್ಲಿ ಭಾವನಾತ್ಮಕ ಭಾಷಣ ಮಾಡಿದರು. ಕಳೆದ 10 ವರ್ಷಗಳಲ್ಲಿ ಪಕ್ಷದ ಸಾಧನೆಗಳನ್ನು ವಿವರಿಸುತ್ತಾ. ಕಳೆದ 10 ವರ್ಷಗಳಲ್ಲಿ ಮಧ್ಯಮ ವರ್ಗ ಮತ್ತು ದುಡಿಯುವ ಜನರಿಗಾಗಿ ನಾವು ಏನು ಮಾಡಿದ್ದೇವೆ ಎಂಬುದರ ಬಗ್ಗೆ ನನಗೆ ತುಂಬಾ ಹೆಮ್ಮೆ ಇದೆ ಎಂದರು. ಕೆನಡಾವನ್ನು ವಿಶ್ವದ "ಅತ್ಯುತ್ತಮ ದೇಶ" ವಾಗಿ ಉಳಿಸುವ ಜವಾಬ್ದಾರಿ ಪ್ರತಿಯೊಬ್ಬ ನಾಗರಿಕನ ಮೇಲಿದೆ ಎಂದು ಅವರು ಹೇಳಿದರು.

ಜನವರಿ 6 ರಂದು ರಾಜೀನಾಮೆ:
ಜಸ್ಟಿನ್ ಟ್ರುಡೊ ಜನವರಿ 6, 2025 ರಂದು ಪ್ರಧಾನ ಮಂತ್ರಿ ಮತ್ತು ಲಿಬರಲ್ ಪಕ್ಷದ ನಾಯಕ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. ಅವರ ರಾಜೀನಾಮೆಗೆ ದೇಶದಲ್ಲಿ ಹೆಚ್ಚುತ್ತಿರುವ ಹಣದುಬ್ಬರ, ವಸತಿ ಬಿಕ್ಕಟ್ಟು (Housing Crisis) ಮತ್ತು ಸಾರ್ವಜನಿಕರಲ್ಲಿ ಅಸಮಾಧಾನ ಮುಖ್ಯ ಕಾರಣವೆಂದು ಪರಿಗಣಿಸಲಾಗಿದೆ.

ಮಾರ್ಕ್ ಕಾರ್ನಿ ಕೆನಡಾದ ಹೊಸ ಪ್ರಧಾನ ಮಂತ್ರಿ-ನಾಮನಿರ್ದೇಶಿತ:
ಮಾರ್ಕ್ ಕಾರ್ನಿ (Mark Carney) ಅವರನ್ನು ಭಾನುವಾರ ಲಿಬರಲ್ ಪಕ್ಷದ ನೂತನ ನಾಯಕನಾಗಿ ಆಯ್ಕೆ ಮಾಡಲಾಗಿದ್ದು, ಅವರು ಕೆನಡಾದ ಮುಂದಿನ ಪ್ರಧಾನಿಯಾಗಲು ಸಿದ್ಧತೆ ನಡೆಸುತ್ತಿದ್ದಾರೆ. ಅಧಿಕಾರ ವಹಿಸಿಕೊಂಡ ನಂತರ ಕಾರ್ನಿ ಹೀಗೆ ಹೇಳಿದರು: ಧನ್ಯವಾದಗಳು! ಈಗ ನಾವೆಲ್ಲರೂ ಒಟ್ಟಾಗಿ ಬಲಿಷ್ಠ ಕೆನಡಾವನ್ನು ನಿರ್ಮಿಸಬೇಕಾಗಿದೆ. ನಾವೆಲ್ಲರೂ ಒಗ್ಗಟ್ಟಿನಿಂದ ಇದ್ದರೆ, ನಾವು ಬಲಿಷ್ಠರಾಗುತ್ತೇವೆ.