
ನವದೆಹಲಿ(ಡಿ.23): ಕಳೆದೊಂದು ವರ್ಷದ ಅವಧಿಯಲ್ಲಿ 6 ಖಂಡಗಳ 210ಕ್ಕೂ ಹೆಚ್ಚು ದೇಶಗಳಿಗೆ ಹಬ್ಬಿದ್ದರೂ ತಾನು ಮಾತ್ರ ಬಚಾವ್ ಆಗಿದ್ದ ಅಂಟಾರ್ಟಿಕಾ ಖಂಡಕ್ಕೂ ಇದೀಗ ಕೊರೋನಾ ಸೋಂಕು ವ್ಯಾಪಿಸಿದೆ.
ಅಂಟಾರ್ಟಿಕಾದಲ್ಲಿನ ಚಿಲಿ ದೇಶದ ಸಂಶೋಧನಾ ಕೇಂದ್ರದ 36 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಹೀಗಾಗಿ ಅವರನ್ನು ಚಿಲಿಗೆ ರವಾನಿಸಿ ಕ್ವಾರಂಟೈನ್ಗೆ ಒಳಪಡಿಸಲಾಗಿದೆ. ಇದರೊಂದಿಗೆ ವಿಶ್ವದ ಎಲ್ಲ 7 ಖಂಡಗಳಿಗೂ ಸೋಂಕು ಹಬ್ಬಿದಂತೆ ಆಗಿದೆ.
ಅತ್ಯಂತ ಶೀತ ವಾತಾವರಣ ಇರುವ ಅಂಟಾರ್ಟಿಕಾದಲ್ಲಿ ಜನವಸತಿ ಇಲ್ಲ. ಅಲ್ಲಿ ಭಾರತ ಸೇರಿದಂತೆ ವಿಶ್ವದ ಹಲವು ದೇಶಗಳು ತಮ್ಮ ತಮ್ಮ ಸಂಶೋಧನಾ ಕೇಂದ್ರಗಳನ್ನು ಸ್ಥಾಪಿಸಿಕೊಂಡಿವೆ. ಅಲ್ಲಿ ವಿವಿಧ ಸಮಯದಲ್ಲಿ ಕನಿಷ್ಠ 1000 ರಿಂದ ಗರಿಷ್ಠ 5000 ಜನ ವಾಸವಿರುತ್ತಾರೆ.
ವಿಶ್ವದಲ್ಲಿಯೇ ಅತ್ಯಂತ ದುರ್ಗಮ ಪ್ರದೇಶದಲ್ಲಿ ಸಂಶೋಧನೆ ಮತ್ತು ಸೇನಾ ಕೇಂದ್ರಗಳು ಇರುವ ಅಂಟಾರ್ಟಿಕಕ್ಕೆ ವೈರಸ್ ಕಾಲಿಡದಂತೆ ಕಠಿಣ ಕ್ರಮಗಳನ್ನು ಕೈಗೊಳ್ಳಲಾಗಿತ್ತು. ಆದರೂ, ಅದು ಹೇಗೆ ವೈರಸ್ ಅಲ್ಲಿಗೂ ಹೋಯಿತೋ ಗೊತ್ತಿಲ್ಲ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ