ಮದ್ವೆ ದಿನ ಬುರ್ಖಾಧಾರಿ ಬಂದು ವರನಿಗೆ ಲೊಚಲೊಚ ಮುತ್ತು ಕೊಡೋದಾ? ವಧು ಕಂಗಾಲು- ವಿಡಿಯೋ ವೈರಲ್

ಮದುವೆ ನಡೆಯುತ್ತಿದ್ದ ವೇಳೆ ವೇದಿಕೆಯ ಮೇಲೆ ಬಂದ ಬುರ್ಖಾಧಾರಿಯೊಬ್ಬರು ವರನಿಗೆ ಮುತ್ತಿಕ್ಕಲು ಆರಂಭಿಸಿ ವಧುವಿಗೆ ಆಘಾತ ನೀಡುತ್ತಾರೆ. ಕೊನೆಗೆ ಆ ಬುರ್ಖಾದೊಳಗಿದ್ದಿದ್ದು ವರನ ಪ್ರೇಯಸಿಯಲ್ಲ, ಬದಲಿಗೆ ಯಾರು ಎಂದು ತಿಳಿದಾಗ ವಧು ನಿಟ್ಟುಸಿರು ಬಿಟ್ಟರು.

ಮದುವೆ ಇನ್ನೇನು ನಡೆಯುತ್ತಿದೆ ಎನ್ನುವಾಗ 'ನಿಲ್ಲಿಸಿ' ಎಂದು ಯಾರೋ ಬಂದು ಮದುವೆ ನಿಲ್ಲಿಸುವುದು ಸೀರಿಯಲ್​, ಸಿನಿಮಾಗಳಲ್ಲಿ ನೋಡಬಹುದು. ಅದು ಒಂದೋ ವಧು ಇಲ್ಲವೇ ವರನ ಲವರ್​ ಆಗಿರ್ತಾರೆ. ಇಲ್ಲವೇ ವಧು ಅಥವಾ ವರ ಯಾರಿಗೋ ಮೋಸ ಮಾಡಿದಾಗ ಅವರು ಬಂದು ನಿಲ್ಲಿಸುತ್ತಾರೆ ಅಥವಾ ಪೊಲೀಸರು ಮದುವೆ ತಡೆಯುತ್ತಾರೆ. ಇವೆಲ್ಲಾ ಕಾಮನ್​. ಆದರೆ ಇಲ್ಲೊಂದು ವೈರಲ್​ ವಿಡಿಯೋದಲ್ಲಿ ಆಗಿದ್ದೇ ಬೇರೆ. ಮದುವೆಯ ದಿನ ವೇದಿಕೆ ಮೇಲೆ ಮದುಮಕ್ಕಳು ಇರುವಾಗಲೇ ಬುರ್ಖಾಧಾರಿಯೊಬ್ಬರು ಬಂದು ವರನಿಗೆ ಲೊಚಲೊಚ ಎಂದು ಮುತ್ತು ಕೊಡಲು ಶುರು ಮಾಡಿಯೇ ಬಿಟ್ಟರು. ಇದನ್ನು ನೋಡಿ ವಧು ಕಕ್ಕಾಬಿಕ್ಕಿಯಾಗಿ ಹೋದಳು.

ಎಲ್ಲರ ನೆನಪು ಮಾಡಿಕೊಂಡ ವರ!

ವರನಿಗೂ ಶಾಕ್​ ಆಯಿತು. ಯಾರು ಈ ಮುಸ್ಲಿಮ್​ ಮಹಿಳೆ ಎಂದು. ತನ್ನ ಲವರ್​ ಯಾರೂ ಮುಸ್ಲಿಂ ಲೇಡಿ ಇಲ್ವಲ್ಲಾ ಎಂದು ಎನ್ನಿಸಿದರೂ ವರನಿಗೆ ಯಾರು ಇರಬಹುದು ಎಂದು ಡೌಟ್​ ಬರಲು ಶುರುವಾಯಿತು. ಬಹುಶಃ ಪ್ರೈಮರಿ, ಹೈಸ್ಕೂಲ್​, ಕಾಲೇಜಿನ ಎಲ್ಲಾ ದಿನಗಳನ್ನು ನೆನಪು ಮಾಡಿಕೊಂಡಿರಬಹುದು. ಇದು ಯಾರೋ ತಮಾಷೆಗೆ ಬಂದಿರೋರು ಎಂದು ಒಂದು ಕ್ಷಣ ಎನ್ನಿಸಿದರೂ ಎಲ್ಲರ ಎದುರೇ ವೇದಿಕೆ ಮೇಲೆ ಹೀಗೆ ಮಾಡಿದ್ರೆ ಪಾಪ ಏನಾಗಬೇಡ ಆತನ ಸ್ಥಿತಿ?

ಕೊನೆಗೆ ಬುರ್ಖಾ ತೆಗೆದರೆ?

ಆ ಬುರ್ಖಾಧಾರಿಯ ಮುಸುಕನ್ನು ತೆಗೆಯಲು ಎಷ್ಟೇ ಪ್ರಯತ್ನ ಪಟ್ಟರೂ ಅದು ಸಾಧ್ಯವಾಗಲಿಲ್ಲ. ಆ ಬುರ್ಖಾಧಾರಿ ಮಾತ್ರ ಅಪ್ಪಿಕೊಂಡು ಮುತ್ತಿನ ಸುರಿಮಳೆ ಕೊಡುತ್ತಲೇ ಇದ್ದಳು. ಕೊನೆಗೂ ಬುರ್ಖಾ ತೆಗೆಯುವಲ್ಲಿ ವರ ಯಶಸ್ವಿಯಾದರು.

ಉಸ್ಸಪ್ಪಾ ಎಂದ ವಧು

ಆಮೇಲೆ ನೋಡಿದ್ದರೆ, ಅದು ವರನ ಸ್ನೇಹಿತನೇ! ಬುರ್ಖಾ ಧರಿಸಿ ಬಂದು ಪಾಪ ಸ್ನೇಹಿತನನ್ನು ಪೇಚಿಗೆ ಸಿಲುಕಿಸಿದ್ದ ಈ ಗೆಳೆಯ. ಅದು ಹುಡುಗಿ ಅಲ್ಲ ಹುಡುಗ ಎಂದು ತಿಳಿಯುತ್ತಲೇ ವಧು ಅಬ್ಬಾ ಎಂದು ದೀರ್ಘ ಉಸಿರು ಬಿಟ್ಟಳು. ಹೋದ ಜೀವ ಬಂದಂತಾಯಿತು ಎನ್ನಿಸುತ್ತದೆ. ಒಟ್ಟಿನಲ್ಲಿ ಈ ಮದುವೆ ಮಾತ್ರ ನೋಡುಗರು ಹಾಗೂ ವಧು-ವರರು ಕೊನೆಯವರೆಗೂ ಮರೆಯಲಿಕ್ಕಿಲ್ಲ.