ಕಿಚ್ಚ ಸುದೀಪ್ ಮ್ಯಾಕ್ಸ್ ಖದರ್​, ಗಲ್ಲಾಪೆಟ್ಟಿಗೆಯಲ್ಲಿ ಇವರದ್ದೇ ದರ್ಬಾರ್!

ಸ್ಯಾಂಡಲ್​ವುಡ್​​ನಲ್ಲಿ ಬಾಕ್ಸಾಫೀಸ್ ಸುಲ್ತಾನ್ ಯಾರು ಅನ್ನೋ ಚರ್ಚೆಯ ಹೀಟ್ ಹೆಚ್ಚಾಗಿದೆ. ಕಾಟೇರ ಸಿನಿಮಾದಲ್ಲಿ ದರ್ಶನ್ ಬಾಕ್ಸಾಫೀಸ್​ ದೋಚಿದ್ದಕ್ಕೆ ದರ್ಶನ್ನೇ ಬಾಕ್ಸಾಫೀಸ್​ ಸುಲ್ತಾನ್ ಅಂತ ಅವರ ಫ್ಯಾನ್ಸ್ ಬೀಗುತ್ತಾರೆ. ಆದ್ರೆ ಕಾಟೇರನನ್ನೂ ಮೀರಿಸೋ ಹೆಬ್ಬುಲಿ ಈಗ ಬಾಕ್ಸಾಫೀಸ್ ಸುಲ್ತಾನ್ ಆಗಿ ಘರ್ಜಿಸುತ್ತಿದೆ. ಹಾಗಾದ್ರೆ ಹೆಬ್ಬುಲಿ ಕಿಚ್ಚನ ಮ್ಯಾಕ್ಸ್​ ಬಾಕ್ಸಾಫೀಸ್ ಕಲೆಕ್ಷನ್ ಎಷ್ಟಾಗಿದೆ..? 100 ಕೋಟಿ ಕ್ಲಬ್ ಸೇರಿದೆಯಾ ಮ್ಯಾಕ್ಸ್..? ಇಲ್ಲಿದೆ ನೋಡಿ ಇಂಟ್ರೆಸ್ಟಿಂಗ್ ಆಗಿರೋ ಮ್ಯಾಕ್ಸ್ ಲೆಕ್ಕಾಚಾರ..

ನಟ ದರ್ಶನ್​ ಕಾಟೇರ ಸಿನಿಮಾ ಬಾಕ್ಸಾಫೀಸ್​ ದೋಚಿದ್ದು ಈಗ ಇತಿಹಾಸ. ಒಂದು ಕೊಲೆ ಕೇಸ್ ದರ್ಶನ್ ಗಿದ್ದ ನಟ ಅನ್ನೋ ಇಮೇಜ್​​ಗೆ ಮಸಿ ಬಳಿದಿದೆ. ತೆರೆ ಮೇಲೆ ಲಾಂಗ್ ಹಿಡಿದು ಕೊಚ್ಚುತ್ತಿದ್ದ ದರ್ಶನ್​​​ಗೆ ರಿಯಲ್​ ಲೈಫ್​​ನಲ್ಲಿ ಇದೆಲ್ಲಾ ಬೇಕಿತ್ತಾ ಅಂತ ಮನೆ ಮನೆಯೂ ಮಾತಾಡುತ್ತಿವೆ. ಆದ್ರೆ ಸ್ಯಾಂಡಲ್​ವುಡ್​​​ ಬಾಕ್ಸಾಫೀಸ್​​ಗೆ ಸುಲ್ತಾನ್ ನಟ ದರ್ಶನ್ ಬಿಟ್ರೆ ಮತ್ಯಾರು ಇಲ್ಲ ಅಂತ ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡು ಬೀಗುತ್ತಿದ್ದ ಕೆಲವ್ರು ಈಗ ಆ ಕಪ್ಪು ಬಟ್ಟೆ ಬಿಚ್ಚಿದ್ದಾರೆ. ಯಾಕಂದ್ರೆ ಬಾಕ್ಸಾಫೀಸ್​ಗೆ ಹೆಬ್ಬುಲಿ ಅನ್ನೋ ಸುಲ್ತಾನ್ ಘರ್ಜಿಸುತ್ತಿದೆ.

ಕಿಚ್ಚ.. ಬಾದ್​ ಷಾ.. ಅಭಿನಯ ಚಕ್ರವರ್ತಿ.. ಇದು ಸುದೀಪ್ ಅಭಿಮಾನಿಗಳ ಪ್ರೀತಿಯ ಬಿರುದ್ದುಗಳು. ಅದಕ್ಕೆ ತಕ್ಕಂತೆ ನಟಿಸಿ ಮನೆ ಮನೆಯ ಪ್ರೇಕ್ಷಕರ ಮನಸ್ಸು ಗೆಲ್ಲೋ ಶಕ್ತಿ ಇರೋ ಕೆಲವೇ ಕನ್ನಡ ನಟರಲ್ಲಿ ಸುದೀಪ್ ಮೊದಲಿಗರು. ಸುದೀಪ್​​ ಈಗ ಬಾಕ್ಸಾಫೀಸ್​ ಸುಲ್ತಾನ್ ಆಗಿದ್ದಾರೆ. ಕಿಚ್ಚನ ಮ್ಯಾಕ್ಸ್ ಖದರ್​​ಗೆ ಗಲ್ಲಾ ಪೆಟ್ಟಿಗೆ ವಿಜೃಂಭಿಸುತ್ತಿದೆ. 

ಹೊಸ ವರ್ಷ ಕೂಡ ಚಂದನವನಕ್ಕೆ ಹೊಸ ಹುರುಪು ತಂದಿದೆ. ಕ್ರಿಸ್ಮಸ್ ಗೆ ಬಂದ 'ಯುಐ' ಹಾಗೂ 'ಮ್ಯಾಕ್ಸ್' ಸಿನಿಮಾಗಳು ಬಾಕ್ಸಾಫೀಸ್​ನಲ್ಲಿ ಗೆದ್ದಿವೆ. ಅದರಲ್ಲೂ ಕಿಚ್ಚನ ದರ್ಬಾರ್ ಜೋರಾಗಿಯೇ ಇದೆ. ಸಿನಿರಸಿಕರು, ನಿರ್ಮಾಪಕರು, ವಿತರಕರು ಎಲ್ಲರೂ ಖುಷಿಯಾಗಿದ್ದಾರೆ. ಅಭಿನಯ ಚಕ್ರವರ್ತಿಯ ಮ್ಯಾಕ್ಸ್ ರಿಲೀಸ್​ ಆಗಿ ಜೆಸ್ಟ್​ 8 ದಿನಕ್ಕೆ 100 ಕೋಟಿ ಕ್ಲಬ್ ಸೇರೋ ಸನಿಹಕ್ಕೆ ಬಂದಿದೆ. 

ಮ್ಯಾಕ್ಸ್​ ನ ಅರ್ಜುನ್ ಮಹಾಕ್ಷಯ್ ಕಿಚ್ಚ ಫಸ್ಟ್​ ಡೇ ಬಾಕ್ಸಾಫೀಸ್​ನಲ್ಲಿ 12.5 ಕೋಟಿ ಕಲೆಕ್ಷನ್ ಮಾಡಿದ್ರು. ಆ ಹಬ್ಬದ ರಜೆ ಇದ್ದಿದ್ರಿಂದ ಈ ಸಿನಿಮಾವನ್ನ ಪ್ರೇಕ್ಷಕ ಥಿಯೇಟರ್​ಗೆ ನುಗ್ಗಿ ನೋಡಿದ್ದಾರೆ. ಮ್ಯಾಕ್ಸ್​ಗೆ ಸಿಕ್ಕಾ ಒಳ್ಳೆಯ ರೆಸ್ಪಾನ್ಸ್​ ಈ ಸಿನಿಮಾವನ್ನ ಜೆಸ್ಟ್ 8 ದಿನದಲ್ಲಿ 70 ಕೋಟಿ ಗ್ರಾಸ್ ಕಲೆಕ್ಷನ್​​​ಗೆ ತಂದು ನಿಲ್ಲಿಸಿದೆ. ಸಧ್ಯಕ್ಕೆ ಮ್ಯಾಕ್ಸ್ ಗ ಇರೋ ಬೇಡಿಕೆ ನೋಡಿದ್ರೆ ಕೆಲವೇ ದಿನದಲ್ಲಿ ಈ ಸಿನಿಮಾ 100 ಕೋಟಿ ಕಲೆಕ್ಷನ್ ಮಾಡೋ ಸಾಧ್ಯತೆ ಇದೆ. ಈ ಮೂಲಕ ವರ್ಷದ ಆರಂಭದಲ್ಲೇ ಸ್ಯಾಂಡಲ್​ವುಡ್​ ದೊಡ್ಡ ಹಿಸ್ಟರಿ ಸೃಷ್ಟಿಸಲಿದೆ.