'ಕೆಜಿಎಫ್' ನಿರ್ಮಾಣ ಸಂಸ್ಥೆಯಿಂದ ಮತ್ತೊಂದು ಭರ್ಜರಿ ಸಿನಿಮಾ; ಮೈ ಜುಮ್ ಎನಿಸುತ್ತೆ 'ಕಾಂತಾರ' ಟ್ರೈಲರ್

ಭಾರತೀಯ ಚಿತ್ರರಂಗದಲ್ಲಿ ಹೊಂಬಾಳೆ ಪ್ರೊಡಕ್ಷನ್ ಹೌಸ್ಗೆ ತನ್ನದೇ ಆದ ಗತ್ತಿದೆ. ಹೊಂಬಾಳೆ ಬ್ಯಾನರ್ನಿಂದ ಸಿನಿಮಾ ಬರ್ತಿದೆ ಅಂದ್ರೆ ಅದೊಂದು ಅದ್ಭುತ ಮನೋರಂಜನೆಯ ಬಾಡೂಟ ಅಂತಲೇ ಪ್ರೇಕ್ಷಕರು ನಿರ್ಧರಿಸಿಬಿಡುತ್ತಾರೆ. ಅಂತಹ ಸಕ್ಸಸ್ ಫುಲ್ ಸಿನಿಮಾ ಕೊಟ್ಟಿರೋ ಹೊಂಬಾಳೆ ಪ್ರೊಡಕ್ಷನ್ ನಿಂದ ಈಗ ಮತ್ತೊಂದು ಅದ್ಧೂರಿ ಸಿನಿಮಾ ಬರುತ್ತಿದೆ. ಇದೇ ಕಾಂತಾರ. ಬೆಲ್ಬಾಟಮ್ ಸ್ಟಾರ್ ರಿಷಬ್ ಶೆಟ್ಟಿ ಸಾರಥ್ಯದಲ್ಲಿ ಮೂಡಿ ಬರುತ್ತಿರೋ ಕಾಂತಾರ ಸಿನಿಮಾದ ಮೈ ಜುಮ್ ಎನಿಸೋ ಟ್ರೈಲರ ರಿಲೀಸ್ ಆಗಿದೆ. ಕಾಂತಾರ ಸಿನಿಮಾವನ್ನ ರಿಷಬ್ ಶೆಟ್ಟಿ ಕೈಗೆತ್ತಿಕೊಂಡಾಗ್ಲೆ ಒಂದು ಸೆನ್ಸೇಷನ್ ಸೃಷ್ಟಿಯಾಗಿತ್ತು. ಈ ಟ್ರೈಲರ್ ನಲ್ಲಿ ಕಾರವಳಿ ಸೊಗಡು, ಸೊಬಗಿನ ಜೊತೆಗೆ ರಿಷಬ್ ಶೆಟ್ಟಿ ಹಾಗು ಕಿಶೋರ್ ಕುಮಾರ್ ಕಾದಾಟ ಭರ್ಜರಿಯಾಗಿದೆ. ಕರಾವಳಿಯ ಕಾಡು ಮತ್ತು ಜನರ ಸಂಘರ್ಷವೇ ಸಿನಿಮಾದ ಸ್ಟೋರಿ ಅನ್ನೋದು ಸ್ಪಷ್ಟವಾಗುತ್ತೆ. ಕಾಡು, ಭೂತಕೋಲ, ಕಂಬಳ ಕ್ರೀಡೆ, ಹಲವು ಸಂಪ್ರದಾಯ ಆಚಾರ ವಿಚಾರಗಳನ್ನು ಹದವಾಗಿ ಬೆರೆಸಿಕೊಂಡು ಟ್ರೈಲರ್ ರೆಡಿ ಮಾಡಿದ್ದಾರೆ.