Mar 7, 2022, 11:50 AM IST
ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಹೊಸದೊಂದು ಇತಿಹಾಸ ಸೃಷ್ಟಿಸೋದಕ್ಕೆ ಸ್ಯಾಂಡಲ್‌ವುಡ್‌ನಿಂದ ಬರುತ್ತಿರೋ ಮತ್ತೊಂದು ಸಿನಿಮಾ 'ಕಬ್ಜ' (Kabza). ರಿಯಲ್ ಸ್ಟಾರ್ ಉಪೇಂದ್ರ (Upendra), ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ (Kichcha Sudeep) ಕಾಂಬಿನೇಷನ್‌ನ ಕಬ್ಜ ಸಿನಿಮಾ ಪೋಸ್ಟರ್‌ನಿಂದಲೇ ನಿರೀಕ್ಷೆ ಹುಟ್ಟು ಹಾಕಿದೆ. ಉಪ್ಪಿ ಕಿಚ್ಚನ ಲುಕ್‌ಗಳು ಟಾಕ್ ಸೃಷ್ಟಿಸಿವೆ. ಕಬ್ಜ ಶೂಟಿಂಗ್ ಕೂಡ ನಡೆಯುತ್ತಿದೆ. ಆದರೆ ಈ ಸಿನಿಮಾದಲ್ಲಿ ನಾಯಕಿ ಯಾರು ಅಂತ ಘೋಷಣೆಯಾಗಿಲ್ಲ. ಈಗ ಕಬ್ಜ ಹೀರೋಹಿನ್ ಸೀಕ್ರೇಟ್ ರಿವೀಲ್ ಮಾಡೋ ಸಮಯ ಬಂದಿದೆ. ಕಬ್ಜ ಡೈರೆಕ್ಟರ್ ಆರ್ ಚಂದ್ರು (R Chandru) ನಾಯಕಿ ಹೆಸರನ್ನ ರಿವೀಲ್ ಮಾಡೋದಕ್ಕೆ ಸಮಯ ನಿಗದಿ ಮಾಡಿದ್ದಾರೆ. ಕಬ್ಜ ಸಿನಿಮಾದಲ್ಲಿ ಇಬ್ಬರು ನಾಯಕಿಯರು ಅಭಿನಯಿಸಲಿದ್ದಾರೆ.
Upendra: ಏಪ್ರಿಲ್ 1ಕ್ಕೆ ಬೆಳ್ಳಿತೆರೆ ಮೇಲೆ ಬರಲಿದ್ದಾರೆ ಹೋಮ್‌ ಮಿನಿಸ್ಟರ್‌!
ಇದು ಪ್ಯಾನ್ ಇಂಡಿಯಾ ಸಿನಿಮಾ ಆಗಿರೋದ್ರಿಂದ ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಗುರುತಿಸಿಕೊಂಡಿರೋ ಹೀರೋಯಿನ್‌ಗಳನ್ನೇ ನಾಯಕಿಯರನ್ನಾಗಿ ಮಾಡೋದು ನಿರ್ದೇಶನ ಆರ್ ಚಂದ್ರು ಪ್ಲಾನ್ ಆಗಿತ್ತು. ಹೀಗಾಗಿ ಬಹುಭಾಷಾ ನಟಿ ತಮನ್ನಾ ಭಾಟಿಯಾ ಹಾಗು ನಯನತಾರಾಗೆ 'ಕಬ್ಜ' ಸಿನಿಮಾದ ನಾಯಕಿಯರಾಗೋ ಆಫರ್‌ ಅನ್ನು ಮುಂದಿಡಲಾಗಿತ್ತು. ಆದ್ರೆ ತಮನ್ನಾ ಹಾಗು ನಯನತಾರ, ಈ ಆಫರ್‌ ಅನ್ನು ಒಪ್ಪಿಲ್ಲ ಅಂತ ಹೇಳಲಾಗ್ತಿದೆ. ಕಬ್ಜ ಸಿನಿಮಾ ನಾಯಕಿಯರ ವಿಷಯವನ್ನ ನಿರ್ದೇಶಕ ಆರ್ ಚಂದ್ರು ಇಷ್ಟು ದಿನ ಗುಟ್ಟಾಗೆ ಇಟ್ಟಿದ್ದಾರೆ. ಈ ಸಿನಿಮಾದ ಇಬ್ಬರು ನಾಯಕಿಯರಲ್ಲಿ ಮೊದಲ ಹೆಸರನ್ನ ಮಾರ್ಚ್ 07ಕ್ಕೆ ರಿವೀಲ್ ಮಾಡಲಿದ್ದಾರೆ. ಕಬ್ಜ ಕೋಟೆಗೆ ಬರೋ ನಾಯಕಿಯರಲ್ಲಿ ಈಗ ಶ್ರೇಯಾ ಶರಣ್ ಹಾಗು ರಾಕುಲ್ ಪ್ರೀತ್ ಸಿಂಗ್ ಹೆಸರು ಕೇಳಿಬರುತ್ತಿದೆ. ಅಷ್ಟೆ ಅಲ್ಲ ಕನ್ನಡದಲ್ಲಿ ಒಂದೇ ಒಂದು ಸಿನಿಮಾ ಮಾಡಿರೋ ಆಶಾ ಭಟ್ ಹೆಸರು ಕೂಡ ಮುಂಚೂಣಿಯಲ್ಲಿದೆ. ಹೀಗಾಗಿ ಕಬ್ಜ ಹೀರೋಯಿನ್ ಯಾರಾಗ್ತಾರೆ ಅನ್ನೋ ಕುತೂಹಲ ಹೆಚ್ಚಾಗಿದೆ.
ಸಿನಿಮಾ ಹಂಗಾಮಾ ವೀಡಿಯೋಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ: https://kannada.asianetnews.com/movies