ಖಾಕಿ ಖದರ್ನಲ್ಲಿ ಧನಂಜಯ್ ಅಬ್ಬರ: 'ಹೊಯ್ಸಳ'ನ ಕಂಡು ಫ್ಯಾನ್ಸ್ ದಿಲ್ ಖುಷ್
'ಹೊಯ್ಸಳ' ಸಿನಿಮಾದಲ್ಲಿ ನಟ ರಾಕ್ಷಸ ಡಾಲಿ ಧನಂಜಯ್ ಖಾಕಿ ಖದರ್'ನಲ್ಲಿ ಅಬ್ಬರಿಸಿದ್ದು, ಚಿಕ್ಕದೊಂದು ಗ್ಲಿಮ್ಸ್ ರಿಲೀಸ್ ಆಗಿದೆ.
ಡಾಲಿ ಧನಂಜಯ್ ಇದೀಗ ಖಾಕಿ ಖದರ್'ನಲ್ಲಿ ಭುಜದ ಮೇಲೆ ತ್ರೀ ಸ್ಟಾರ್ ಹಾಕಿಕೊಂಡು ಎಂಟ್ರಿ ಕೊಟ್ಟಿದ್ದಾರೆ. ಇದನ್ನು ನೋಡಿ ಡಾಲಿ ಫ್ಯಾನ್ಸ್ ದಿಲ್ ಖುಷ್ ಆಗುತ್ತಿದ್ದಾರೆ. ಹೊಯ್ಸಳ ಗ್ಲಿಮ್ಸ್'ನಲ್ಲಿ ಇವನು ಒಳ್ಳೆಯವನಾ ಅಥವಾ ಕೆಟ್ಟವನಾ ಅನ್ನುವ ಜಡ್ಜ್ ಮೆಂಟ್ ಸಿಗಲ್ಲ. ಆದ್ರೆ ನಮ್ ಮಂದಿಗೆ ಇವನು ಭಾರಿ ಫೇವರಿಟ್ ಅಂತ ಅಚ್ಯುತ್ ಕುಮಾರ್ ಡೈಲಾಗ್ ಹೇಳಿದ್ದಾರೆ. ಡೈಲಾಗ್ ಮೂಲಕ ಹೊಯ್ಸಳ ಸಿನಿಮಾದಲ್ಲಿ ಮುಖಕ್ಕೆ ಮಾಸ್ಕ್ ಧರಿಸಿ ಧನಂಜಯ್ ಗುರುದೇವ ಅನ್ನೋ ಕಾಪ್ ರೋಲ್ ರಿವೀಲ್ ಆಗುತ್ತೆ. ಉತ್ತರ ಕರ್ನಾಟಕ ಭಾಷೆಯಲ್ಲಿ ಈ ಟೀಸರ್ ಗಮನ ಸೆಳೆಯುತ್ತೆ. ಈ ಸಿನಿಮಾ ಧನಂಜಯ್ ಸಿನಿ ಕರಿಯರ್'ನ 25ನೇ ಚಿತ್ರ ಅನ್ನೋದು ಮತ್ತೊಂದು ವಿಶೇಷ. ‘ಹೊಯ್ಸಳ’ ಚಿತ್ರವನ್ನು ವಿಜಯ್ ಎನ್. ನಿರ್ದೇಶನ ಮಾಡಿದ್ದು, ಅಮೃತಾ ಅಯ್ಯಂಗಾರ್ ಡಾಲಿಗೆ ಹೀರೋಯಿನ್ ಆಗಿದ್ದಾರೆ. ಮಾರ್ಚ್ 30ಕ್ಕೆ ಹೊಯ್ಸಳ ಸಿನಿಮಾ ಬೆಳ್ಳಿತೆರೆಗೆ ಎಂಟ್ರಿ ಕೊಡಲಿದೆ.
