Oct 7, 2024, 12:41 PM IST
ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಈ ಸಾರಿ ಬರ್ತ್ಡೇ ಧ್ರುವ ಪಾಲಿಗೆ ಸಖತ್ ಸ್ಪೆಷಲ್. ಇನ್ನೈದೇ ದಿನದಲ್ಲಿ ಧ್ರುವ ನಟನೆಯ ಮೋಸ್ಟ್ ಅವೇಟೆಡ್ ಮೂವಿ ಮಾರ್ಟಿನ್ ತೆರೆಗೆ ಬರ್ತಾ ಇದೆ. KD ವರ್ಷಾಂತ್ಯಕ್ಕೆ ತೆರೆಗೆ ಬರೋದಕ್ಕೆ ಸಜ್ಜಾಗಿದೆ. ಈ ನಡುವೆ ಧ್ರುವ ಸರ್ಜಾ ಫ್ಯಾನ್ಸ್ಗೆ ಮತ್ತೊಂದು ಸರ್ಪ್ರೈಸ್ ಗಿಫ್ಟ್ ಕೂಡ ಇದೆ. ಏನದು ಗಿಫ್ಟ್ ಅಂತೀರಾ. ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಸದ್ಯ ಮಾರ್ಟಿನ್ ಸಿನಿಮಾದ ಪ್ರಮೋಷನ್ಸ್ನಲ್ಲಿ ಬ್ಯುಸಿಯಾಗಿರೋ ಧ್ರುವ ಶನಿವಾರ ಹುಬ್ಬಳ್ಳಿಯಲ್ಲಿ ಫ್ಯಾನ್ಸ್ ಮೀಟ್ ಮಾಡಿದ್ರೆ, ಭಾನುವಾರ ಡಾವಣಗೆರೆಯಲ್ಲಿ ಅಭಿಮಾನಿಗಳ ಜೊತೆಗೆ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಂಡಿದ್ದಾರೆ. ಈ ಸಾರಿಯ ಬರ್ತ್ಡೇ ಧ್ರುವ ಪಾಲಿಗೆ ಸಖತ್ ಸ್ಪೆಷಲ್.
ಯಾಕಂದ್ರೆ ಧ್ರುವ ನಟನೆಯ ಬಹುಕೋಟಿ ವೆಚ್ಚದ, ಬಹುನಿರೀಕ್ಷೆಯ ಸಿನಿಮಾ ಮಾರ್ಟಿನ್ ಇದೇ ಅಕ್ಟೋಬರ್ 11ಕ್ಕೆ ತೆರೆಗೆ ಬರ್ತಾ ಇದೆ. ಈ ಸಿನಿಮಾ ಬಗ್ಗೆ ಅದ್ಯಾಪರಿಯ ನಿರೀಕ್ಷೆ ಇದೆ ಅಂದ್ರೆ ವರ್ಲ್ಡ್ ವೈಡ್ ಈ ಸಿನಿಮಾಗೆ 3000ಕ್ಕೂ ಅಧಿಕ ಸ್ಕ್ರೀನ್ ಗಳಲ್ಲಿ ತೆರೆಗೆ ಬರಲಿದೆ. ಮಾರ್ಟಿನ್ ಸಿನಿಮಾದ ಟ್ರೈಲರ್, ಸಾಂಗ್ಸ್ ಸಿಕ್ಕಾಪಟ್ಟೆ ಸದ್ದು ಮಾಡಿವೆ. ಈ ಸಿನಿಮಾದ ಹೀರೋ ಇಂಟ್ರಡಕ್ಷನ್ ಸಾಂಗ್ಗೇನೇ ಭರ್ತಿ 6 ಕೋಟಿ ಖರ್ಚು ಮಾಡಲಾಗಿದೆ. ಮಾರ್ಟಿನ್ ಸಿನಿಮಾದ ಮೇಕಿಂಗ್ ಬಗ್ಗೆ ಸಖತ್ ಪಾಸಿಟಿವ್ ಟಾಕ್ ಕ್ರಿಯೇಟ್ ಆಗಿದೆ. ಇನ್ನೂ ಮಾರ್ಟಿನ್ ಬಳಿಕ ಧ್ರುವ ನಟನೆಯಲ್ಲಿ ಬರಲಿರೋ ಮುಂದಿನ ಸಿನಿಮಾ ಬಗ್ಗೆ ಕೂಡ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಆಗಿದೆ. ಪ್ರೇಮ್ ನಿರ್ದೇಶನದಲ್ಲಿ , KVN ಪ್ರೊಡಕ್ಷನ್ನಲ್ಲಿ ಮೂಡಿಬಂದಿರೋ KD ಸಿನಿಮಾ ಕೂಡ ಈ ವರ್ಷದ ಮೋಸ್ಟ್ ಅವೇಟೆಡ್ ಮೂವಿಗಳಲ್ಲೊಂದು.
KD ಸಿನಿಮಾದಲ್ಲಿ ಬಹುದೊಡ್ಡ ತಾರಾಗಣ ಇದೆ. ರವಿಚಂದ್ರನ್, ರಮೇಶ್ ಅರವಿಂದ್, ಶಿಲ್ಪಾ ಶೆಟ್ಟಿ ಜೊತೆಗೆ ಸಂಜಯ್ ದತ್ ಕೂಡ ನಟಿಸಿದ್ದಾರೆ. ಈ ಮಲ್ಟಿಸ್ಟಾರರ್ ಮೂವಿಯ ಆಡಿಯೋ ರೈಟ್ಸ್ ಬರೊಬ್ಬರಿ 17 ಕೋಟಿಗೆ ಸೇಲ್ ಆಗಿದ್ದು ಹೊಸ ದಾಖಲೆಯನ್ನೇ ನಿರ್ಮಿಸಿದೆ. ಡಿಸೆಂಬರ್ಗೆ KD ಸಿನಿಮಾ ರಿಲೀಸ್ ಆಗೋದು ಫಿಕ್ಸ್ ಆಗಿದೆ. ಪೋಸ್ಟ್ ಪ್ರೊಡಕ್ಷನ್ಸ್ ವರ್ಕ್ ತಡವಾದ್ರೆ ಕೊಂಚ ಮುಂದಕ್ಕೆ ಹೋಗೋ ಸಾಧ್ಯತೆಯೂ ಇದೆ. ಒಟ್ನಲ್ಲಿ ಮಾರ್ಟಿನ್ ಬಳಿಕ ಧ್ರುವ ಮತ್ತೊಂದು ಮೆಗಾ ಸಿನಿಮಾ ಮೂಲಕವೇ ಫ್ಯಾನ್ಸ್ ಮುಂದೆ ಬರಲಿದ್ದಾರೆ. ಇನ್ನೂ ಈ ಎರಡೂ ಸಿನಿಮಾಗಳ ಬಳಿಕ ಧ್ರುವ ಯಾವ ಸಿನಿಮಾ ಮಾಡ್ತಾರೆ ಅನ್ನೋ ಕುತೂಹಲ ಫ್ಯಾನ್ಸ್ ನಡುವೆ ಇದೆ. ಈ ಬಗ್ಗೆ ಒಂದು ಕ್ರೇಜಿ ಅಪ್ಡೇಟ್ ಕೂಡ ಸಿನಿರಂಗದಲ್ಲಿ ಹರಿದಾಡ್ತಾ ಇದೆ. ಬಾಲಿವುಡ್ ನ ಬಿಗ್ ಆಕ್ಷನ್ ಡ್ರಾಮಾ ವಾರ್-2ನಲ್ಲಿ ಧ್ರುವಗೆ ನಟಿಸೋ ಆಫರ್ ಬಂದಿದೆಯಂತೆ.