ನಿಮ್ಮ ಮಲಗುವ ಕೋಣೆಯಲ್ಲಿ ಪರಿಪೂರ್ಣವಾದ ವಾಸ್ತುವನ್ನು ಸಾಧಿಸಲು ಕಲಿಯುವುದು, ನಿಮ್ಮ ಎಲ್ಲಾ ಕಾರ್ಯಗಳನ್ನು ಸಾಧಿಸಲು ಬಹಳ ಉಪಯುಕ್ತವಾಗಿದೆ. ಒಬ್ಬ ವ್ಯಕ್ತಿಯ ಮೇಲೆ ಮಲಗುವ ಕೊಠಡಿಯು ಅವರ ಕುಟುಂಬದ ಮನೆಯ ವಾಸ್ತುಗಿಂತ ಹೆಚ್ಚು ಪರಿಣಾಮ ಬೀರಬಹುದು. ಈ ವಾಸ್ತುವನ್ನು ಮನೆಯಿಂದ ಹೊರಗಡೆ ವಾಸ ಮಾಡುತ್ತಿರುವವರು ಕೂಡ ಅನುಸರಿಸಬಹುದು ಉದಾಹರಣೆಗೆ ಹಾಸ್ಟೆಲ್ ಗಳಲ್ಲಿ ವಾಸವಿರುವ ವಿದ್ಯಾರ್ಥಿಗಳು, ಬೋರ್ಡಿಂಗ್ ಸ್ಕೂಲ್ನಲ್ಲಿರುವವರು, ಕೆಲಸಕ್ಕಾಗಿ ಬೇರೆಡೆಗಳಲ್ಲಿ ಮನೆ ಮಾಡಿಕೊಂಡಿರುವವರು ಹೆಚ್ಚಿನ ಉಪಯೋಗ ಪಡೆಯಲಿದ್ದೀರಿ.
ನಿಮ್ಮ ಮಲಗುವ ಕೋಣೆಗೆ ವಾಸ್ತುವನ್ನು ಯೋಜಿಸುವಾಗ ನೆನಪಿಸಬೇಕಾದ ಪ್ರಮುಖ ವಿಷಯಗಳು ಇಲ್ಲಿವೆ
- ನಿಮ್ಮ ಮಲಗುವ ಕೋಣೆಯ ಸ್ಥಳ
ಮಲಗುವ ಕೋಣೆಗೆ ಉತ್ತಮ ದಿಕ್ಕು, ಮನೆಯ ದಕ್ಷಿಣ (South) ಮತ್ತು ನೈಋತ್ಯ Southwest). ಇದನ್ನು ಹೊರತಪಡಿಸಿದರೆ ಮನೆಯ ಪೂರ್ವ (East) ಮತ್ತು ಪಶ್ಚಿಮ (West) ದಿಕ್ಕುಗಳು. ಮನೆಯ ಮಧ್ಯಭಾಗದಲ್ಲಿ ನಿಂತು ದಿಕ್ಸೂಚಿಯ ಸಹಾಯದಿಂದ ದಿಕ್ಕುಗಳನ್ನು ಗುರುತಿಸಿ ಹಾಗೂ ಸರಿಯಾದ ದಿಕ್ಕನ್ನು ಆರಿಸಿಕೊಂಡು ಮಲಗುವ ಕೋಣೆ ಸಿದ್ದಮಾಡಿಕೊಳ್ಳಿ.
undefined
ಇಷ್ಟಾರ್ಥ ಸಿದ್ಧಿಗೆ ಈ ಸಿದ್ಧ ಮಂತ್ರ ಪಠಿಸಿ, ಎಲ್ಲೆಲ್ಲೂ ಯಶ ಪಡೆಯಿರಿ
- ಹಾಸಿಗೆಗೆ ಸರಿಯಾದ ದಿಕ್ಕು ಆರಿಸಿ
ನಿಮ್ಮ ತಲೆಯು ಆಗ್ನೇಯ (South-East) ಅಥವಾ ಪಶ್ಚಿಮಕ್ಕೆ (West) ಬರುವ ಹಾಗೆ ಇರುವಂತೆ ಹಾಸಿಗೆಯನ್ನು ಜೋಡಿಸಬೇಕು. ಉತ್ತರ (North) ದಿಕ್ಕಿಗೆ ತಲೆಯಿಟ್ಟು ಮಲಗಬಾರದು ಎಂಬುದುದನ್ನು ಗಮನದಲ್ಲಿಡಿ.
- ನಿಮ್ಮ ಮಲಗುವ ಕೋಣೆಯಲ್ಲಿ ಬಣ್ಣಗಳು
ಮಲಗುವ ಕೋಣೆಗೆ ಸುರಕ್ಷಿತವಾದ (Safe) ಬಣ್ಣ ಆಫ್-ವೈಟ್ (Off- white) , ಅಥವಾ ನಿಮ್ಮ ಕಣ್ಣುಗಳಿಗೆ ಹಿತವಾದ ಕೆನೆ ಅಥವಾ ಬೀಜ್‌ನಂತಹ ಕೆಲವು ತಟಸ್ಥ ಬಣ್ಣವನ್ನು ಆರಿಸಿಕೊಳ್ಳಿ. ಹೆಚ್ಚು ಪ್ರಕಾಶಮಾನವಾದ (Bright) ಬಣ್ಣಗಳನ್ನು ತಪ್ಪಿಸಿ. ನಿಮ್ಮ ಮಲಗುವ ಕೋಣೆಯ ಕ್ಷಣಗಳಿಗೆ ಮಸಾಲೆಯನ್ನು ಸೇರಿಸಲು ನೀವು ಬಯಸಿದರೆ, ನಿಮ್ಮ ಮೃದುವಾದ ಹಾಸಿಗೆಯಲ್ಲಿ ದಿಂಬುಗಳು, ಕುಶನ್‌ಗಳು ಅಥವಾ ಬೀನ್‌ಬ್ಯಾಗ್‌ಗಳಲ್ಲಿ ಪ್ರಕಾಶಮಾನ ಬಣ್ಣವನ್ನು ಬಳಸಿ. ನಿಮ್ಮ ಗೋಡೆಗಳ ಬಣ್ಣಗಳು ಅಥವಾ ಗೋಡೆಯಿಂದ ಗೋಡೆಗೆ ಕಾರ್ಪೆಟ್‌ಗಳು (Carpets) ಅಥವಾ ಪರದೆಗಳಂತಹ ಇತರ ದೊಡ್ಡ ಮೇಲ್ಮೈಗಳೊಂದಿಗೆ ಬೇಡ.
- ಲೋಹದ (Metal) ಮಂಚಗಳು ಬಳಸಬೇಡಿ
ಲೋಹದ ಹಾಸಿಗೆ ಚೌಕಟ್ಟುಗಳು ವಿದ್ಯುತ್ ಮಾಲಿನ್ಯ ಅಥವಾ ವಿದ್ಯುತ್ ಹೊಡೆಯುವಂತೆ ಮಾಡಬಹುದು. ಇದು ನಿಮ್ಮ ನಿದ್ರೆಯನ್ನು ಅಡ್ಡಿಪಡಿಸುತ್ತದೆ ಮತ್ತು ಆರೋಗ್ಯ ಸಮಸ್ಯೆಗಳನ್ನು ಹೆಚ್ಚಿಸುತ್ತದೆ. ಘನ ಮರದಿಂದ ಮಾಡಿದ ಹಾಸಿಗೆಯ ಮೇಲೆ ಮಲಗುವುದು ಯಾವಾಗಲೂ ಉತ್ತಮ. ಲೋಹದ ಮಂಚವನ್ನು ಬಳಕೆ ಮಾಡುವುದು ತಪ್ಪಿಸಿ (Avoid).
- ಬಾಕ್ಸ್ ಬೆಡ್‌ಗಳನ್ನು (Box bed) ತಪ್ಪಿಸಿ
ಆಧುನಿಕ ನಿರ್ಮಾಣ ಮತ್ತು ಸ್ಥಳಾವಕಾಶದ ಕೊರತೆಯಿಂದಾಗಿ, ಮನೆಗಳಿಗೆ ಹೆಚ್ಚುವರಿ ಶೇಖರಣಾ (Storing) ಸ್ಥಳವನ್ನು ಒದಗಿಸುವ ಬಾಕ್ಸ್ ಹಾಸಿಗೆಗಳನ್ನು ಬಹಳಷ್ಟು ಜನ ಬಳಸುತ್ತಾರೆ. ಆದರೆ, ಇಂತಹ ಹಸಿಗೆಗಳಲ್ಲಿ ದೀರ್ಘಕಾಲದಿಂದ ವಸ್ತುಗಳನ್ನು ಸಂಗ್ರಹಿಸಿ ಇಡಲಾಗುತ್ತದೆ. ಇದು ಧೂಳನ್ನು ಹೆಚ್ಚಿಸುವುದು ಮಾತ್ರವಲ್ಲದೆ, ನಿವಾಸಿಗಳ ಮೇಲೆ ನಕಾರಾತ್ಮಕ ಭಾವನೆಗಳನ್ನು ತುಂಬುತ್ತದೆ. ಬಾಕ್ಸ್ ಹಾಸಿಗೆಗಳನ್ನು ಬಳಸುವುದನ್ನು ತಪ್ಪಿಸಿ ಮತ್ತು ಉತ್ತಮ ಶಕ್ತಿಗಾಗಿ ಹಾಸಿಗೆಯ ಕೆಳಗೆ ಗಾಳಿಯ ಹರಿವು ಇರವಂತೆ ನೋಡಿಕೊಳ್ಳಿ.
Vastu Tips : ಎಣಿಸಿ ರೊಟ್ಟಿ ಮಾಡೋದು, ಲೆಕ್ಕ ಹಾಕಿ ತಿನ್ನೋದು ಒಳ್ಳೇದಲ್ಲ
- ನಿಮ್ಮ ಮಲಗುವ ಕೋಣೆಯಲ್ಲಿ ನಕಾರಾತ್ಮಕತೆಗೆ (Negativity) ಯಾವುದೇ ಸ್ಥಳವಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ
ಮಲಗುವ ಕೋಣೆಯಲ್ಲಿ ಶಾಂತಿ, ಅಥವಾ ಪ್ರಕೃತಿಯನ್ನು (Nature) ಒಳಗೊಂಡಿರುವ ಚಿತ್ರಗಳನ್ನು ಹೊಂದಿರಬೇಕು. ನಿಮ್ಮ ಮಲಗುವ ಕೋಣೆಯಲ್ಲಿನ ಯಾವುದೇ ಕಲಾಕೃತಿಯು ಜಗಳ, ಒಂಟಿತನ ಅಥವಾ ದುಃಖವನ್ನು ಚಿತ್ರಿಸಬಾರದು. ಇದು ನಿಮ್ಮಲ್ಲಿ ನಕಾರಾತ್ಮಕ ಶಕ್ತಿಗಳಿಗೆ ಪ್ರಚೋದನೆ ನೀಡುತ್ತದೆ. ಮಲಗುವ ಕೋಣೆಯಲ್ಲಿ ಹಸಿರು ಪರ್ವತಗಳು ಮತ್ತು ಮುಸ್ಸಂಜೆಯನ್ನು ಚಿತ್ರಿಸುವ ಪ್ರಕೃತಿ ಚಿತ್ರಗಳನ್ನು ತೂಗು ಹಾಕುವುದು ಉತ್ತಮ.