ಟೋಕಿಯೋ ಪ್ಯಾರಾಲಿಂಪಿಕ್ಸ್‌ ಮೊದಲ ದಿನ: ಟಿಟಿಯಲ್ಲಿ ಭಾರತಕ್ಕೆ ನಿರಾಸೆ

* ಟೋಕಿಯೋ ಪ್ಯಾರಾಲಿಂಪಿಕ್ಸ್‌ ಕ್ರೀಡಾಕೂಟದಲ್ಲಿ ಮೊದಲ ದಿನವೇ ನಿರಾಸೆ * ಟೇಬಲ್ ಟೆನಿಸ್‌ನಲ್ಲಿ ಸೋಲು ಕಂಡ ಭಾರತ ತಂಡ * ಭಾರತದ ಟೇಬಲ್‌ ಟೆನಿಸ್‌ ಆಟಗಾರ್ತಿಯರಿಗೆ ನಿರಾಸೆ

ಟೋಕಿಯೋ(ಆ.26): 2020ರ ಟೋಕಿಯೋ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತ ಸೋಲಿನ ಆರಂಭ ಪಡೆದಿದೆ. ಮೊದಲ ದಿನವಾದ ಬುಧವಾರ ಭಾರತದ ಟೇಬಲ್‌ ಟೆನಿಸ್‌ ಆಟಗಾರ್ತಿಯರು ಸೋಲುವ ಮೂಲಕ ನಿರಾಸೆ ಮೂಡಿಸಿದ್ದಾರೆ. 

ವೈಯಕ್ತಿಕ ಸಿ3 ವಿಭಾಗದ ‘ಡಿ’ಗುಂಪಿನ ಪಂದ್ಯದಲ್ಲಿ ಸೋನಲ್‌ ಪಟೇಲ್‌ ಚೀನಾದ ಲಿ ಖ್ವಾನ್‌ ವಿರುದ್ಧ 2-3 ಸೆಟ್‌ಗಳಲ್ಲಿ ಸೋತರೆ, ವೈಯಕ್ತಿಕ ಸಿ4 ವಿಭಾಗದ ‘ಎ’ಗುಂಪಿನ ಪಂದ್ಯದಲ್ಲಿ ಭವಿನಾ ಪಟೇಲ್‌ ಚೀನಾದ ಝೊಯು ಯಿಂಗ್‌ ವಿರುದ್ಧ 3-0 ನೇರ ಸೆಟ್‌ಗಳಲ್ಲಿ ಸೋಲುಂಡರು. 

ಗುರುವಾರ ತನ್ನ 2ನೇ ಪಂದ್ಯದಲ್ಲಿ ಸೋನಲ್‌ ದಕ್ಷಿಣ ಕೊರಿಯಾದ ಮಿ ಗ್ಯುಲಿ ವಿರುದ್ಧ ಸೆಣಸಲಿದ್ದಾರೆ. ಭವಿನಾ ಗುಂಪು ಹಂತದ ತಮ್ಮ ಮುಂದಿನ ಪಂದ್ಯದಲ್ಲಿ ಗ್ರೇಟ್‌ ಬ್ರಿಟನ್‌ನ ಮೆಗನ್‌ ಶಾಕ್ಲಟೋನ್‌ರನ್ನು ಎದುರಿಸಲಿದ್ದಾರೆ.