ವಾಟ್ಸಾಪ್ ವೆಬ್ನಲ್ಲೂ ಇನ್ನು ವಿಡಿಯೋ, ಸಾಮಾನ್ಯ ಕರೆ
ಸಾರಾಂಶ
ಇನ್ಮುಂದೆ ವಾಟ್ಸಾಪ್ ವೆಬ್ನಲ್ಲಿದ್ದಾಗಲೂ ನಿಮ್ಮ ಆತ್ಮೀಯರಿಗೆ ವಾಟ್ಸಾಪ್ ಕರೆ ಅಥವಾ ವಿಡಿಯೋ ಕಾಲಿಂಗ್ ಮಾಡಬಹುದು
ನವದೆಹಲಿ (ಮಾ.05): ಇನ್ಮುಂದೆ ವಾಟ್ಸಾಪ್ ವೆಬ್ನಲ್ಲಿದ್ದಾಗಲೂ ನಿಮ್ಮ ಆತ್ಮೀಯರಿಗೆ ವಾಟ್ಸಾಪ್ ಕರೆ ಅಥವಾ ವಿಡಿಯೋ ಕಾಲಿಂಗ್ ಮಾಡಬಹುದಾಗಿದೆ.
ಹೌದು, ಮೊಬೈಲ್ ಆಧಾರಿತ ವಾಟ್ಸಾಪ್ ಅಪ್ಲಿಕೇಷನ್ನಲ್ಲಿ ಈ ಸೌಲಭ್ಯ ಇತ್ತಾದರೂ, ಲ್ಯಾಪ್ಟಾಪ್ ಮತ್ತು ಡೆಸ್ಕ್ಟಾಪ್ನಲ್ಲಿ ವಾಟ್ಸಾಪ್ ವೆಬ್ನಲ್ಲಿದ್ದಾಗ ವಾಟ್ಸಾಪ್ ಕರೆ ಅಥವಾ ವಿಡಿಯೋ ಕಾಲಿಂಗ್ಗೆ ಅವಕಾಶವಿರಲಿಲ್ಲ. ಇದೀಗ ಆ ಸೇವೆಗೆ ವಾಟ್ಸಾಪ್ ಚಾಲನೆ ನೀಡಿದೆ.
ವಾಟ್ಸಾಪ್ನಲ್ಲಿ ಹಂಚಿಕೊಳ್ಳಲಾದ ಅಂಶಗಳು ಸೋರಿಕೆಯಾಗುತ್ತಿವೆ ಎಂಬ ಆರೋಪಗಳ ಬೆನ್ನಲ್ಲೇ, ಈ ಹೊಸ ಸೇವೆಗೆ ಚಾಲನೆ ಸಿಕ್ಕಿದೆ. ಆದರೆ ಈ ಸೇವೆಗಾಗಿ ನಿಮ್ಮ ಕಂಪ್ಯೂಟರ್ ಅಥವಾ ಲ್ಯಾಪ್ಟಾಪ್ನಲ್ಲಿ ವೆಬ್ ಕ್ಯಾಮೆರಾ ಮತ್ತು ಸಂವಹನಕ್ಕಾಗಿ ಮೈಕ್ರೋಫೋನ್ಗಳಿರಲೇಬೇಕು.
ವಾಟ್ಸಾಪ್ಗೆ 12 ಹರೆಯ, ನಿತ್ಯ ನೂರು ಕೋಟಿ ಕರೆಗಳ ನಿರ್ವಹಣೆ! .
ಈ ಸಂಬಂಧ ಗುರುವಾರ ಟ್ವೀಟರ್ ಮೂಲಕ ಈ ಬಗ್ಗೆ ಹರ್ಷ ಹಂಚಿಕೊಂಡಿರುವ ವಾಟ್ಸಾಪ್, ‘ವಾಟ್ಸಾಪ್ ವೆಬ್ನಲ್ಲೂ ಸುರಕ್ಷಿತ ಮತ್ತು ಸೋರಿಕೆಯಾಗದ ವಾಟ್ಸಾಪ್ ಕರೆಗಳು ಮತ್ತು ವಿಡಿಯೋ ಕರೆಗಳನ್ನು ಮಾಡಬಹುದಾಗಿದೆ. ಕಳೆದ ವರ್ಷ 140 ಕೋಟಿ ವಾಟ್ಸಾಪ್ ವಿಡಿಯೋ ಮತ್ತು ಸಾಮಾನ್ಯ ಕರೆಗಳು ದಾಖಲಾಗಿವೆ’ ಎಂದು ಹೇಳಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.