ಯಾವುದೇ ತಂತ್ರಜ್ಞಾನ ಅಥವಾ ಟೂಲ್ ನಮ್ಮ ಕೈಗೆ ಸಿಕ್ಕರೆ, ಬಳಸುವಾಗ ಅಷ್ಟೇ ಜಾಗ್ರತೆ ವಹಿಸಬೇಕು. ಪ್ರತಿಯೊಂದು ತಂತ್ರಜ್ಞಾನ ಬಳಕೆಯೊಂದಿಗೆ ಹೊಣೆಗಾರಿಕೆಯೂ ಇರುತ್ತೆ. ವಾಟ್ಸಪ್ ಬಳಕೆದಾರರು ಗಮನದಲ್ಲಿಡಬೇಕಾದ 5 ವಿಷಯಗಳಿಲ್ಲಿವೆ.
ಸಂವಹನ ಕ್ಷೇತ್ರದಲ್ಲಿ ಸೋಶಿಯಲ್ ಮೀಡಿಯಾ ಸೈಟ್‌ಗಳು, ವಿಶೇಷವಾಗಿ ವಾಟ್ಸಪ್‌ನಂತಹ ಮೆಸೇಜಿಂಗ್ ಸೇವೆಗಳು ಕ್ರಾಂತಿಯನ್ನೇ ಹುಟ್ಟುಹಾಕಿದೆ. ಆದರೆ ಹೆಚ್ಚಿನವರು ತಂತ್ರಜ್ಞಾನದ ಸದುಪಯೋಗ ಪಡೆಯುವವರಾಗಿದ್ದಾರೆ, ಕೆಲವರು ಅದನ್ನು ದುರ್ಬಳಕೆ ಮಾಡುವುದು ಕೂಡಾ ಸಾಮಾನ್ಯ. ಹೊಣೆಗಾರಿಕೆ ಮರೆತರೆ ಅದು ಅನಾಹುತಗಳಿಗೆ ದಾರಿ ಮಾಡಿಕೊಡುತ್ತದೆ.
ಆದುದರಿಂದ ವಾಟ್ಸಪ್ ತನ್ನ ಬಳಕೆಯ ‘ಶರತ್ತು ಮತ್ತು ನಿಬಂಧನೆ ’ಯಲ್ಲಿ ಕೆಲವೊಂದು ಎಚ್ಚರಿಕೆಗಳನ್ನು ಮೊದಲೇ ನೀಡಿದೆ. ಅವುಗಳನ್ನು ಉಲ್ಲಂಘಿಸಿ ಸಿಕ್ಕಿಹಾಕಿಕೊಂಡರೆ, ನೀವು ಜೀವನ ಪರ್ಯಂತ ವಾಟ್ಸಪ್ ಬಳಸದಂತೆ ನಿಷೇಧ ಹೇರುವ ಸಾಧ್ಯತೆಗಳು ಇವೆ. ಪ್ರತಿಯೊಬ್ಬ ಬಳಕೆದಾರ ತಿಳಿದುಕೊಳ್ಳಲೇ ಬೇಕಾದ ವಿಷಯಗಳಿವು...