ಭಾರತದ ಬೃಹತ್ ಉದ್ಯಮ ಕ್ಷೇತ್ರವಾದ ರಿಲಾಯನ್ಸ್ ಇದೀಗ ಮತ್ತೊಂದು ಬೃಹತ್ ಉದ್ಯಮವನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳಲು ಸಜ್ಜಾಗಿದೆ.
ಮುಂಬೈ: ಕೇಬಲ್‌ ಟೀವಿ ಮತ್ತು ಅಂತರ್ಜಾಲ ಕ್ಷೇತ್ರವನ್ನು ದೊಡ್ಡದಾಗಿ ಪ್ರವೇಶಿಸಲು ಸಜ್ಜಾಗಿರುವ ರಿಲಯನ್ಸ್‌, ಇದೀಗ ಭಾರತದ ಅತಿದೊಡ್ಡ ಕೇಬಲ್‌ ಆಪರೇಟರ್ ಹಾಥ್‌ವೇ ಖರೀದಿಸಲು ಮಾತುಕತೆ ನಡೆಸುತ್ತಿದೆ ಎಂದು ಹೇಳಲಾಗಿದೆ.
ಈ ಮೂಲಕ ತನ್ನ ಬ್ರಾಡ್‌ ಬಾಂಡ್‌ ಸೇವೆಯಾಗಿರುವ ಗಿಗಾಫೈಬರ್‌ ಸ್ಪೀಡ್‌ ಅನ್ನು ದೊಡ್ಡ ಮಟ್ಟದಲ್ಲಿ ಮತ್ತಷ್ಟುಹೆಚ್ಚಿಸಲು ನಿರ್ಧರಿಸಿದೆ. ಈ ಬಗ್ಗೆ ಹ್ಯಾಥ್‌ವೇ ಮತ್ತು ರಿಲಯನ್ಸ್‌ ಸಂಸ್ಥೆಗಳು ಪ್ರತಿಕ್ರಿಯಿಸಲು ನಿರಾಕರಿಸಿವೆ. ಆದಾಗ್ಯೂ, ಹ್ಯಾಥ್‌ವೇ ಖರೀದಿಗೆ ರಿಲಯನ್ಸ್‌ ಮಾತುಕತೆ ನಡೆಸಿರುವುದು ಹೌದು ಎಂದು ಹೇಳುತ್ತವೆ ಮೂಲಗಳು.
ಅಲ್ಲದೆ, ಕೇಬಲ್‌ ಟೀವಿ ಉದ್ಯಮದ ಮೇಲೆ ರಿಲಯನ್ಸ್‌ ಚಿತ್ತ ಹರಿಸಿರುವುದು ಇದೇ ಮೊದಲನೇ ಬಾರಿಯೇನಲ್ಲ. ಈ ಹಿಂದೆಯೂ ಡೆನ್‌ ನೆಟ್‌ವರ್ಕ್ ಅನ್ನು ರಿಲಯನ್ಸ್‌ ಖರೀದಿಸುವ ಸಾಧ್ಯತೆ ಬಗ್ಗೆ ಕಳೆದ ವರ್ಷದ ಸೆಪ್ಟೆಂಬರ್‌ನಲ್ಲಿ ವರದಿಯಾಗಿತ್ತು.