ಬೆಳಗಾವಿಯಲ್ಲಿ ಸಿಡಿಲು ಬಡಿದು ಇಬ್ಬರು ರೈತ ಮಹಿಳೆಯರು ಸಾವು; ದುರಂತ ತಪ್ಪಿಸಲು ಈ ನಿಯಮ ಪಾಲಿಸಿ!

ಜಿಲ್ಲೆಯ ಸವದತ್ತಿ ತಾಲೂಕಿನ ಹಿಟ್ಟಣಗಿ ಗ್ರಾಮದಲ್ಲಿ ಶನಿವಾರ (ಮೇ 11, 2025) ದುರಂತ ಸಂಭವಿಸಿದೆ. ಜಮೀನಿನಲ್ಲಿ ಮೇವು ತೆಗೆದುಕೊಂಡು ವಾಪಸ್ ಬರುವಾಗ ಸಿಡಿಲು ಬಡಿದು ಇಬ್ಬರು ರೈತ ಮಹಿಳೆಯರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮೃತರನ್ನು ಗಂಗವ್ವ ಜೀರಗಿವಾಡ ಮತ್ತು ಕಲಾವತಿ ಜೀರಗಿವಾಡ ಎಂದು ಗುರುತಿಸಲಾಗಿದೆ.

ಬೆಳಗಾವಿ (ಮೇ.11): ಜಿಲ್ಲೆಯ ಸವದತ್ತಿ ತಾಲೂಕಿನ ಹಿಟ್ಟಣಗಿ ಗ್ರಾಮದಲ್ಲಿ ಶನಿವಾರ (ಮೇ 11, 2025) ದುರಂತ ಸಂಭವಿಸಿದೆ. ಜಮೀನಿನಲ್ಲಿ ಮೇವು ತೆಗೆದುಕೊಂಡು ವಾಪಸ್ ಬರುವಾಗ ಸಿಡಿಲು ಬಡಿದು ಇಬ್ಬರು ರೈತ ಮಹಿಳೆಯರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಮೃತರನ್ನು ಗಂಗವ್ವ ಜೀರಗಿವಾಡ ಮತ್ತು ಕಲಾವತಿ ಜೀರಗಿವಾಡ ಎಂದು ಗುರುತಿಸಲಾಗಿದೆ. ಘಟನೆಯ ಮಾಹಿತಿ ತಿಳಿದು ಸ್ಥಳಕ್ಕೆ ಸವದತ್ತಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸವದತ್ತಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.

ಸಿಡಿಲಿನಿಂದ ತಪ್ಪಿಸಿಕೊಳ್ಳುವುದು ಹೇಗೆ?

ಮುಂಗಾರುಪೂರ್ವ ಮಳೆ ಶುರುವಾಗಿದೆ ಗುಡುಗು ಸಿಡಲಿನೊಂದಿಗೆ ಕೆಲವಡೆ ಮಳೆಯಾಗುತ್ತಿದೆ. ಈ ವೇಳೆ ಹೊಲದಲ್ಲಿ ದುಡಿಯುವ ರೈತಾಪಿ ಕುಟುಂಬಗಳು ಸಿಡಿಲಿನಿಂದ ತಪ್ಪಿಸಿಕೊಳ್ಳುವುದು ಹೇಗೆ ಎಂಬ ಬಗ್ಗೆ ತಿಳಿದುಕೊಳ್ಳಬೇಕಿದೆ.

ಇದನ್ನೂ ಓದಿ: ಕಾರು, ಬೈಕ್‌ಗೆ ಲೈಸೆನ್ಸ್ ಬೇಕು, ಟ್ರ್ಯಾಕ್ಟರ್ ಚಾಲನೆಗೆ ಡಿಎಲ್ ಇರಬೇಕಾ?

ಸಿಡಿಲಿನಿಂದ ಸುರಕ್ಷಿತವಾಗಿರಲು ಈ ಕೆಳಗಿನ ಮಾರ್ಗಸೂಚಿಗಳನ್ನು ಅನುಸರಿಸಿ:
30-30 ನಿಯಮ: ಮಿಂಚು ಕಂಡ ನಂತರ 30 ಸೆಕೆಂಡುಗಳ ಒಳಗೆ ಗುಡುಗು ಕೇಳಿದರೆ, ಸಿಡಿಲಿನ ಅಪಾಯವಿದೆ. ತಕ್ಷಣ ಆಶ್ರಯ ಪಡೆಯಿರಿ.

ಒಳಾಂಗಣ ಆಶ್ರಯ: ಕಾಂಕ್ರೀಟ್ ಕಟ್ಟಡ ಅಥವಾ ಲೋಹದ ಛಾವಣಿಯ ಕಾರಿನೊಳಗೆ ಆಶ್ರಯ ಪಡೆಯಿರಿ. ತೆರೆದ ಸ್ಥಳಗಳನ್ನು ತಪ್ಪಿಸಿ. ಒಂದು ವೇಳೆ
ತೆರೆದ ಪ್ರದೇಶದಲ್ಲಿ ಇದ್ದರೆ ಎತ್ತರದ ಮರಗಳು, ದೊಡ್ಡ ಕಂಬಗಳು ಅಥವಾ ಲೋಹದ ವಸ್ತುಗಳಿಂದ ದೂರವಿರಿ. ಎದ್ದು ನಿಲ್ಲಬೇಡಿ. ಎತ್ತರದ ಸ್ಥಳದಲ್ಲಿ ನಿಲ್ಲಬೇಡಿ. ಕೈ ಕಾಲುಗಳ ನಡುವೆ ತಲೆ ಬಾಗಿಸಿ ಕುಳಿತುಕೊಳ್ಳಿ.

ನೀರಿನಿಂದ ದೂರ: ಸಿಡಿಲಿನ ಸಮಯದಲ್ಲಿ ಈಜಾಡಬೇಡಿ ಅಥವಾ ನೀರಿನ ಸಂಪರ್ಕದಲ್ಲಿರಬೇಡಿ.

ಲೋಹದ ವಸ್ತುಗಳನ್ನು ತಪ್ಪಿಸಿ: ಲೋಹದ ವಸ್ತುಗಳು (ಕೃಷಿ ಉಪಕರಣಗಳು, ಬೈಸಿಕಲ್) ಸಿಡಿಲನ್ನು ಆಕರ್ಷಿಸಬಹುದು.

ಗುಂಪಿನಿಂದ ದೂರ: ಗುಂಪಾಗಿ ನಿಂತರೆ ಸಿಡಿಲು ಬಡಿದಾಗ ಹೆಚ್ಚಿನ ಹಾನಿಯಾಗಬಹುದು. ಒಂಟಿಯಾಗಿರಿ. ಸಿಡಿಲಿನ ಸಮಯದಲ್ಲಿ ವೈರ್‌ಲೆಸ್ ಫೋನ್‌ಗಳ ಬಳಕೆ ಸುರಕ್ಷಿತ, ಆದರೆ ಕಾರ್ಡ್‌ಲೆಸ್ ಫೋನ್‌ಗಳನ್ನು ತಪ್ಪಿಸಿ ಸಿಡಿಲಿನ ಸಮಯದಲ್ಲಿ ಮಿಂಚು ಕಂಡರೆ ಒಳಗೆ ಹೋಗಿ ಎಂಬ ಮಾತನ್ನು ಅನುಸರಿಸಿ. ಹೊರಗಡೆ ಚಟುವಟಿಕೆಗಳನ್ನು ಮಳೆಗಾಲದಲ್ಲಿ ಸಾಧ್ಯವಾದಷ್ಟು ತಪ್ಪಿಸಿ.

ಗಮನಿಸಿ: ಸಿಡಿಲಿನ ಸುರಕ್ಷತಾ ಮಾಹಿತಿಯನ್ನು ಸಾಮಾನ್ಯ ಜ್ಞಾನ ಮತ್ತು ವಿಶ್ವಾಸಾರ್ಹ ಮೂಲಗಳಿಂದ ಒದಗಿಸಲಾದ ಪ್ರಾಥಮಿಕ ಮಾಹಿತಿಯಾಗಿದೆ.