‘ಪುಳಿಯೋಗರೆ’ ಪದ ಹೇಳಿಸಿ ಹಾಸ್ಯ ಮಾಡಿದ್ದ ಶಿಕ್ಷಕ ಸಸ್ಪೆಂಡ್!

‘ಪುಳಿಯೊಗರೆ’ ಪದ ಹೇಳಿಸಿ ಹಾಸ್ಯ ಮಾಡಿದ್ದ ಶಿಕ್ಷಕನ ಅಮಾನತು|  ಸಕ​ಲೇ​ಶ​ಪುರ ತಾಲೂಕಿನ ಕಬ್ಬಿನಗದ್ದೆ ಸರ್ಕಾರಿ ಪ್ರಾಥಮಿಕ ಶಾಲೆಯ ದೈಹಿಕ ಶಿಕ್ಷಣದ ಶಿಕ್ಷಕ ನಿರ್ವಾ​ಣಪ್ಪ 

ಸಕಲೇಶಪುರ[ಜ.18]: ಒಂದನೇ ತರಗತಿ ವಿದ್ಯಾರ್ಥಿನಿಯ ಬಳಿ ‘ಪುಳಿ​ಯೊ​ಗರೆ’ ಎಂಬ ಪದ​ದ ತೊದಲು ನುಡಿಯನ್ನೇ ಹಾಸ್ಯ ಎಂದು ಅಣಕಿಸಿ, ವೀಡಿಯೋ ಮಾಡಿದ್ದ ಶಿಕ್ಷಕನನ್ನು ಕ್ಷೇತ್ರ ಶಿಕ್ಷ​ಣಾ​ಧಿ​ಕಾ​ರಿ​ಗಳು ಅಮಾ​ನತು ಮಾಡಿದ್ದು, ಸಕ​ಲೇ​ಶ​ಪುರ ತಾಲೂಕಿನ ಕಬ್ಬಿನಗದ್ದೆ ಸರ್ಕಾರಿ ಪ್ರಾಥಮಿಕ ಶಾಲೆಯ ದೈಹಿಕ ಶಿಕ್ಷಣದ ಶಿಕ್ಷಕ ನಿರ್ವಾ​ಣಪ್ಪ ಎಂಬ​ವರೇ ಅಮಾ​ನ​ತು​ಗೊಂಡ​ವರು.

ವಿದ್ಯಾ​ರ್ಥಿ​ನಿಗೆ ‘ಪುಳಿ​ಯೊ​ಗರೆ’ ಉಚ್ಛಾ​ರಣೆ ಬರ​ದಿ​ದ್ದರೆ ಪದೇಪದೇ ಆಕೆ​ಯಿಂದ ಹೇಳಿ​ಸಿದ್ದು ಹಾಗೂ ವಿಡಿಯೋ ಮಾಡಿರವುದು ಸಾಬೀ​ತಾ​ಗಿದೆ. ಅಲ್ಲದೇ, ಈ ವಿಡಿಯೋ ಸಾಮಾ​ಜಿಕ ಜಾಲತಾಣ​ಗ​ಳಲ್ಲಿ ವೈರಲ್‌ ಆಗಿ​ರುವ ಹಿನ್ನೆ​ಲೆ​ಯಲ್ಲಿ ಶಿಕ್ಷಕ ನಿರ್ವಾ​ಣ​ಪ್ಪ​ನನ್ನು ಅಮಾ​ನತು ಮಾಡಿ ಆದೇಶ ಹೊರ​ಡಿ​ಸಲಾ​ಗಿದೆ ಎಂದು ಬಿಇಒ ಎಚ್‌.ಬಿ.ಶಿವಾ​ನಂದ ತಿಳಿ​ಸಿ​ದ್ದಾ​ರೆ.

ಮಗು​ವಿಗೆ ಮಾನ​ಸಿಕ ಹಿಂಸೆ ನೀಡಿ​ರುವುದು ವಿಡಿ​ಯೋ​ದಿಂದ ಸಾಬೀ​ತಾ​ಗಿದೆ. ಒಬ್ಬ ಜವಾ​ಬ್ದಾ​ರಿ​ಯು​ತ​ ಸರ್ಕಾರಿ ನೌಕರ ಮೇಲಾಧಿ​ಕಾ​ರಿ​ಗಳ ಸುತ್ತೋಲೆ, ಆದೇ​ಶ​ಗ​ಳನ್ನು ಪಾಲನೆ ಮಾಡದೆ ಬೇಜ​ವಾ​ಬ್ದಾರಿ ವರ್ತನೆ, ಕರ್ತವ್ಯ ಲೋಪ, ಮಗು​ವಿಗೆ ಮಾನ​ಸಿಕ ಮತ್ತು ದೈಹಿಕ ಹಿಂಸೆ ನೀಡಿ​ರು​ವುದು ಸಾಬೀ​ತಾ​ಗಿ​ರು​ವು​ದ​ರಿಂದ ಶಿಕ್ಷಕ ನಿರ್ವಾ​ಣ​ಪ್ಪ​ನನ್ನು ಅಮಾ​ನತು ಮಾಡ​ಲಾ​ಗಿದೆ ಎಂದು ತಿಳಿ​ಸಿ​ದ್ದಾ​ರೆ.

ಪ್ರಕ​ರಣ ವಿವ​ರ:

ಶಾಲೆಯಲ್ಲಿ 1ನೇ ತರಗತಿಯಲ್ಲಿ ಕನ್ನಡ ಪಾಠ ಮಾಡುತ್ತಿದ ಶಿಕ್ಷಕ ನಿರ್ವಾಣಪ್ಪ ವಿದ್ಯಾರ್ಥಿಯ ಬಾಯಿಯಲ್ಲಿ ಇಡ್ಲಿ, ವಡೆ ಎಂಬ ಪದವನ್ನು ಹೇಳಿಸಿದ್ದಾರೆ. ನಂತರ ಪುಳಿಯೊಗರೆ ಎಂಬ ಪದವನ್ನು ಶಿಕ್ಷಕ ಹೇಳಿಸಿದ್ದಾನೆ. ಆ ವಿದ್ಯಾರ್ಥಿನಿಯು ಪುಳಿಯೊಗರೆ ಬದಲಿಗೆ ಪು(ಕ)ಳಿಯೊಗರೆ ಎಂಬ ಪದವನ್ನು ಪ್ರಯೋಗಿಸಿತ್ತು.

ಅಷ್ಟಕ್ಕೇ ಶಾಲೆಯಲ್ಲಿ ಶಿಕ್ಷಕನು ಸೇರಿದಂತೆ ಇತರೆ ಸಹಪಾಠಿಗಳು ಇತರರು ನಕ್ಕಿಬಿಟ್ಟರು. ಇದು ಒಂದು ಸಲ ಹೇಳಿಸಿದ್ದರೆ ಹಾಸ್ಯವಾಗುತ್ತಿತ್ತೇನೋ ಆದರೆ, ಈ ವಿದ್ಯಾರ್ಥಿನಿಯ ಬಳಿ ಶಿಕ್ಷಕ ನಿರ್ವಾಣಪ್ಪ ಪದೇ ಪದೇ ಹೇಳಿಸಿ ನಗುತ್ತಿದ್ದುದು ಅಪಹಾಸ್ಯಕ್ಕೀಡು ಮಾಡಿತ್ತು. ಅಲ್ಲದೇ, ವಿದ್ಯಾರ್ಥಿನಿಯನ್ನು ಅಣಕಿಸುವಂತೆ ಶಿಕ್ಷಕನು ವರ್ತನೆ ತೋರಿರುವ ಹಾಗೂ ತಪ್ಪು ಉಚ್ಛಾರಣೆ ಮಾಡಿರುವ ವಿಡಿಯೋ ಮಾಡುವ ನಿಯಮ ಉಲ್ಲಂಘಿಸಿರುವ ವೈರಲ್‌ ಆಗಿತ್ತು.