ಟೆಸ್ಟ್ ಕ್ರಿಕೆಟ್'ನಲ್ಲಿ 10 ಸಾವಿರ ರನ್ ಪೂರೈಸಿದ ಪಾಕಿಸ್ತಾನದ ಮೊದಲ ಕ್ರಿಕೆಟಿಗ ಎನ್ನುವ ಹಿರಿಮೆಗೂ ಯೂನಿಸ್ ಖಾನ್ ಪಾತ್ರರಾದರು.
ಕಿಂಗ್‌'ಸ್ಟನ್(ಏ.24): ಪಾಕಿಸ್ತಾನದ ಯೂನಿಸ್ ಖಾನ್ ವೆಸ್ಟ್‌ಇಂಡೀಸ್ ವಿರುದ್ಧ ಮೊದಲ ಟೆಸ್ಟ್'ನಲ್ಲಿ 10 ಸಾವಿರ ರನ್ ಪೂರೈಸುವ ಮೂಲಕ ನೂತನ ದಾಖಲೆ ನಿರ್ಮಿಸಿದ್ದಾರೆ.
ವೆಸ್ಟ್'ವಿಂಡೀಸ್‌ ಮೊದಲ ಇನಿಂಗ್ಸ್‌'ನಲ್ಲಿ 268 ರನ್' ದಾಖಲಿಸಿತ್ತು. ಇದಕ್ಕುತ್ತರವಾಗಿ ಪಾಕಿಸ್ತಾನ ನಾಲ್ಕನೇ ದಿನದಾಟದ ಮೊದಲ ಸೆಷನ್ ವೇಳಗೆ 5 ವಿಕೆಟ್ ಕಳೆದುಕೊಂಡು 311 ರನ್ ಬಾರಿಸಿದೆ. ಈ ಮೂಲಕ ಮೊದಲ ಇನ್ನಿಂಗ್ಸ್'ನಲ್ಲಿ 25ರನ್'ಗಳ ಮುನ್ನಡೆ ಸಾಧಿಸಿದೆ.
ವೈಯುಕ್ತಿಕ ಮೊತ್ತ 39ರನ್ ಗಳಿಸುತ್ತಿದ್ದಂತೆ ಯೂನಿಸ್ ಚಾರಿತ್ರಿಕ ದಾಖಲೆ ಬರೆದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್'ನಲ್ಲಿ 10 ಸಾವಿರ ರನ್ ಪೂರೈಸಿದ ಪಾಕಿಸ್ತಾನದ ಮೊದಲ ಕ್ರಿಕೆಟಿಗ ಎನ್ನುವ ಹಿರಿಮೆಗೂ ಯೂನಿಸ್ ಖಾನ್ ಪಾತ್ರರಾದರು.
ಇದರ ಜತೆಗೆ ಈ ಸಾಧನೆ ಮಾಡಿದ ವಿಶ್ವದ 13ನೇ ಮತ್ತು ಅತ್ಯಂತ ಹಿರಿಯ ಆಟಗಾರ ಎನ್ನುವ ದಾಖಲೆಗೂ ಯೂನಿಸ್ ಖಾನ್ ಪಾತ್ರರಾಗಿದ್ದಾರೆ.