ವಿಂಬಲ್ಡನ್: ಭಾರತದ ಯೂಕಿ ಭಾಂಬ್ರಿಗೆ ನಿರಾಸೆ; 2ನೇ ಸುತ್ತಿಗೆ ಫೆಡರರ್
ಸಾರಾಂಶ
ಭಾರತದ ಯೂಕಿ ಭಾಂಬ್ರಿಗೆ ನಿರಾಸೆ ಮೊದಲ ಸುತ್ತಲ್ಲೇ ಸ್ಲೋನ್ ಔಟ್ ಯುಎಸ್ ಚಾಂಪಿಯನ್ ಸ್ಟೀಫನ್ಸ್ಗೆ ಆಘಾತ:
ಲಂಡನ್ : ದಾಖಲೆಯ 9ನೇ ವಿಂಬಲ್ಡನ್ ಗ್ರ್ಯಾಂಡ್ಸ್ಲಾಂ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿರುವ ಟೆನಿಸ್ ಮಾಂತ್ರಿಕ ರೋಜರ್ ಫೆಡರರ್, ತಮ್ಮ ಅಭಿಯಾನವನ್ನು ಭರ್ಜರಿ ಗೆಲುವಿನೊಂದಿಗೆ ಆರಂಭಿಸಿದ್ದಾರೆ.
ಪುರುಷರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಸ್ವಿಸ್ ದೊರೆ, ಸರ್ಬಿಯಾದ ದುಸಾನ್ ಲಜೊವಿಚ್ ವಿರುದ್ಧ 6-1, 6-3, 6-4 ನೇರ ಸೆಟ್ಗಳಲ್ಲಿ ಗೆಲುವು ಸಾಧಿಸಿದರು.
ಯೂಕಿ ಭಾಂಬ್ರಿಗೆ ನಿರಾಸೆ:
ಪ್ರಧಾನ ಸುತ್ತಿನ ಸಿಂಗಲ್ಸ್ ವಿಭಾಗಕ್ಕೆ ಅರ್ಹತೆ ಪಡೆದಿದ್ದ ಭಾರತದ ಏಕೈಕ ಆಟಗಾರ ಯೂಕಿ ಭಾಂಬ್ರಿ, ಮೊದಲ ಸುತ್ತಿನಲ್ಲೇ ಸೋತು ಹೊರಬಿದ್ದಿದ್ದಾರೆ. ಇಟಲಿಯ ಥಾಮಸ್ ಫ್ಯಾಬಿಯಾನೋ ವಿರುದ್ಧ ನಡೆದ ಪಂದ್ಯದಲ್ಲಿ ಯೂಕಿ 6-2, 3-6, 3-6 2-6 ಸೆಟ್ ಗಳಲ್ಲಿ ಸೋತರು.
ಯುಎಸ್ ಚಾಂಪಿಯನ್ ಸ್ಟೀಫನ್ಸ್ಗೆ ಆಘಾತ:
ವಿಂಬಲ್ಡನ್ ಮೊದಲ ದಿನವೇ ಆಘಾತಕಾರಿ ಫಲಿತಾಂಶಕ್ಕೆ ಸಾಕ್ಷಿಯಾಗಿದೆ. ಹಾಲಿ ಯುಎಸ್ ಓಪನ್ ಚಾಂಪಿಯನ್, ವಿಶ್ವ ನಂ.4 ಅಮೆರಿಕದ ಸ್ಲೋನ್ ಸ್ಟೀಫನ್ಸ್ ಮೊದಲ ಸುತ್ತಿನಲ್ಲೇ ಕ್ರೊವೇಷಿಯಾದ ಡೊನ್ನಾ ವಿಕಿಚ್ ವಿರುದ್ಧ 1-6,3-6 ಸೆಟ್ಗಳಲ್ಲಿ ಸೋಲುಂಡು ಹೊರಬಿದ್ದರು. ಕಳೆದ ತಿಂಗಳಷ್ಟೇ ಸ್ಲೋನ್, ಫ್ರೆಂಚ್ ಓಪನ್ನಲ್ಲಿ ರನ್ನರ್-ಅಪ್ ಸ್ಥಾನ ಪಡೆದಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.