ರಾಫೆಲ್ ನಡಾಲ್ಗೆ ಅಪ್ಪಟ ಚಿನ್ನದ ರ್ಯಾಕೆಟ್ ಉಡುಗೊರೆ ಕೊಟ್ಟ ಸೌದಿ ಟೆನಿಸ್ ಫೆಡರೇಶನ್: ಬೆಲೆ ಎಷ್ಟು?
ಸಾರಾಂಶ
ಟೆನಿಸ್ ದಂತಕಥೆ ಸ್ಪೇನ್ನ ರಾಫೆಲ್ ನಡಾಲ್ಗೆ ಸೌದಿ ಟೆನಿಸ್ ಸಂಸ್ಥೆ ಅಪ್ಪಟ ಬಂಗಾರದ ರಾಕೆಟ್ ಉಡುಗೊರೆಯಾಗಿ ನೀಡಿದೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ
ರಿಯಾದ್: ಇತ್ತೀಚೆಗಷ್ಟೇ ಟೆನಿಸ್ ವೃತ್ತಿ ಬದುಕಿಗೆ ನಿವೃತ್ತಿ ಘೋಷಿಸಿದ್ದ ಸ್ಪೇನ್ನ ದಿಗ್ಗಜ ಆಟಗಾರ ರಾಫೆಲ್ ನಡಾಲ್ಗೆ ಸೌದಿ ಟೆನಿಸ್ ಫೆಡರೇಶನ್ ಬರೋಬ್ಬರಿ ₹2.27 ಕೋಟಿ ಮೌಲ್ಯದ ಚಿನ್ನದ ರ್ಯಾಕೆಟ್ ಉಡುಗೊರೆಯಾಗಿ ನೀಡಿದೆ. ಇತ್ತೀಚೆಗಷ್ಟೇ ನಡಾಲ್ ಸೌದಿಯ ‘ಸಿಕ್ಸ್ ಕಿಂಗ್ಸ್ ಸ್ಲಾಮ್’ ಪ್ರದರ್ಶನ ಟೆನಿಸ್ ಟೂರ್ನಿಯಲ್ಲಿ ಪಾಲ್ಗೊಂಡಿದ್ದರು.
ಟೂರ್ನಿಯಲ್ಲಿ ಅವರು 4ನೇ ಸ್ಥಾನ ಪಡೆದರೂ, ಆಯೋಜಕರು ಸುಮಾರು 3 ಕೆ.ಜಿ. ತೂಕದ ಚಿನ್ನದ ರ್ಯಾಕೆಟ್ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಜೊತೆಗೆ ಟೂರ್ನಿಯ ಬಹುಮಾನದ ಮೊತ್ತ ರೂಪದಲ್ಲಿ ನಡಾಲ್ ಬರೋಬ್ಬರಿ ₹12.61 ಕೋಟಿ ನಗದು ಬಹುಮಾನ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ.
ಟೆನಿಸ್ನ ಪ್ರತಿಷ್ಠಿತ ಗ್ರ್ಯಾನ್ಸ್ಲಾಂ ಪ್ರಶಸ್ತಿಗಳನ್ನು 22 ಬಾರಿ ಗೆದ್ದಿರುವ ನಡಾಲ್, ಮುಂದಿ ತಿಂಗಲು ಕೊನೆ ಬಾರಿ ಡೇವಿಸ್ ಕಪ್ ಫೈನಲ್ಸ್ನಲ್ಲಿ ಕಣಕ್ಕಿಳಿಯಲಿದ್ದಾರೆ. ಈ ಮೂಲಕ 2 ದಶಕಗಳ ಟೆನಿಸ್ ವೃತ್ತಿ ಬದುಕಿಗೆ ತೆರೆ ಎಳೆಯಲಿದ್ದಾರೆ.
ರಣಜಿ ಟ್ರೋಫಿ: ಕರ್ನಾಟಕದ 3ನೇ ಪಂದ್ಯಕ್ಕೂ ಮಳೆ ಕಾಟ!
ನಡಾಲ್ ಪ್ರಮುಖ ಮೈಲುಗಲ್ಲುಗಳು
- ಗರಿಷ್ಠ ಗ್ರ್ಯಾನ್ಸ್ಲಾಂ ಟ್ರೋಫಿ ಗೆದ್ದ ಸಾಧಕರ ಪಟ್ಟಿಯಲ್ಲಿ ನಡಾಲ್(22 ಬಾರಿ) 2ನೇ ಸ್ಥಾನ.
- ಅತಿ ಹೆಚ್ಚು ಬಾರಿ ಫ್ರೆಂಚ್ ಓಪನ್ ಗೆದ್ದ ಸಾಧನೆ. 14 ಬಾರಿ ಚಾಂಪಿಯನ್.
- ಆವೆ ಅಂಕಣದಲ್ಲಿ ಸತತವಾಗಿ ಹೆಚ್ಚು ಪಂದ್ಯ(81) ಗೆದ್ದ ದಾಖಲೆ.
- ಸತತವಾಗಿ ಅತಿ ಹೆಚ್ಚು ವರ್ಷ(10) ಕನಿಷ್ಠ ಒಂದಾದರೂ ಗ್ರ್ಯಾನ್ಸ್ಲಾಂ ಗೆದ್ದ ಸಾಧನೆ. 2005ರಿಂದ 2014.
ಕಬಡ್ಡಿ: ಜೈಪುರ vs ತಮಿಳ್ ತಲೈವಾಸ್ 30-30ರಲ್ಲಿ ಟೈ
ಹೈದರಾಬಾದ್: 11ನೇ ಆವೃತ್ತಿ ಪ್ರೊ ಕಬಡ್ಡಿಯಲ್ಲಿ ಭಾನುವಾರ ಜೈಪುರ ಪಿಂಕ್ ಪ್ಯಾಂಥರ್ಸ್ ಹಾಗೂ ತಮಿಳ್ ತಲೈವಾಸ್ ನಡುವಿನ ಪಂದ್ಯ 30-30 ಅಂಕಗಳಿಂದ ಟೈ ಆಗಿದೆ. ಮೊದಲಾರ್ಧದಲ್ಲಿ ಜೈಪುರ 21-16ರಲ್ಲಿ ಮುನ್ನಡೆ ಸಾಧಿಸಿದ್ದರೂ, ಬಳಿಕ ತಲೈವಾಸ್ ಪುಟಿದೆದ್ದು ಪಂದ್ಯ ಸಮಬಲಗೊಳಿಸಲು ಯಶಸ್ವಿಯಾಯಿತು. ತಲೈವಾಸ್ ರೈಡರ್ ಸಚಿನ್ 11 ಅಂಕ ಕಲೆಹಾಕಿದರು. ಜೈಪುರ ಪರ ಅರ್ಜುನ್ ದೇಶ್ವಾಲ್ 7, ವಿಕಾಸ್ 6 ಅಂಕ ಗಳಿಸಿದರು.
ದಿನದ ಮತ್ತೊಂದು ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್ ವಿರುದ್ಧ ಯುಪಿ ಯೋಧಾದ್ 35-29 ಅಂಕಗಳ ಅಂತರದಲ್ಲಿ ಜಯಭೇರಿ ಬಾರಿಸಿತು. ಯೋಧಾಸ್ನ ಭವಾನಿ ರಜ್ಪೂರ್ 09, ಭರತ್ 13 ಅಂಕ ಗಳಿಸಿದರು. ಗುಜರಾತ್ನ ಹಿಮಾನ್ಶು 09 ಅಂಕ ಕಲೆಹಾಕಿದರು.
ಐಪಿಎಲ್ ಮೆಗಾ ಹರಾಜಿಗೂ ಮುನ್ನ ಮುಂಬೈ ಇಂಡಿಯನ್ಸ್ ರೀಟೈನ್ ಆಟಗಾರರ ಲಿಸ್ಟ್ ಔಟ್?
ಇಂದಿನ ಪಂದ್ಯಗಳು
ಹರ್ಯಾಣ-ಡೆಲ್ಲಿ, ರಾತ್ರಿ 8ಕ್ಕೆ
ಟೈಟಾನ್ಸ್-ಪಾಟ್ನಾ, ರಾತ್ರಿ 9ಕ್ಕೆ
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.