ಕ್ರಿಕೆಟ್ ಲೋಕದಲ್ಲಿ ಕೆಲವೇ ಕೆಲ ದಾಂಡಿಗರು ಮಾತ್ರವೇ ಭಾರವಾದ ಬ್ಯಾಟ್ಗಳನ್ನು ಬಳಸಿದ್ದಾರೆ. ಆ ಬ್ಯಾಟ್ಗಳ ತೂಕ ಎಷ್ಟಿತ್ತು. ಯಾರೆಲ್ಲಾ ತೂಕದ ಬ್ಯಾಟ್ ಬಳಸಿದ್ದಾರೆ. ಅದರಿಂದ ಅವರಿಗಾದ ಪ್ರಯೋಜನ ಏನು ಅನ್ನೋ ಸಾಕಷ್ಟು ಡಿಟೈಲ್ಸ್ ಇಲ್ಲಿದೆ.
ಕ್ರಿಕೆಟ್ ಲೋಕದಲ್ಲಿನ ತೂಕದ ಬ್ಯಾಟ್ !
ಸಾಮಾನ್ಯವಾಗಿ ಬ್ಯಾಟ್ಸ್ಮನ್ ಆಯ್ಕೆ ಹಗುರುವಾದ ಬ್ಯಾಟ್. ಆದ್ರೆ, ಕ್ರಿಕೆಟ್ ಲೋಕದಲ್ಲಿನ ಕೆಲವೇ ಕೆಲ ಆಟಗಾರರು ಮಾತ್ರವೇ ಇದಕ್ಕೆ ಅಪವಾದವೆಂಬಂತೆ ಇದ್ದಾರೆ. ಭಾರವಾದ ಬ್ಯಾಟ್ ಬಳಸಿಕೊಂಡು ದೊಡ್ಡ ಸ್ಕೋರ್ ಮಾಡಿದ್ದಾರೆ. ಅದರಿಂದಲೇ ವಿಶ್ವ ಕ್ರಿಕೆಟ್ನ ಗಮನವನ್ನು ಸೆಳೆದಿದ್ದಾರೆ. ಯಾರೆಲ್ಲ ಇಂತಹ ಸಾಧನೆ ಮಾಡಿದ್ದಾರೆ. ಅವರು ಬಳಸಿದ ಬ್ಯಾಟ್ ತೂಕ ಎಷ್ಟು ಅನ್ನೋದು ಮುಂದಿದೆ ನೋಡಿ.
ಲಾನ್ಸ್ ಕ್ಲೂಸಿನರ್ ಬ್ಯಾಟ್ ತೂಕ 1.53 ಕೆ.ಜಿ.
ಸೌತ್ ಆಫ್ರಿಕಾದ ಆಲ್ರೌಂಡರ್ ಲಾನ್ಸ್ ಕ್ಲೂಸಿನರ್ ಹೆಚ್ಚು ಭಾರದ ಬ್ಯಾಟ್ ಬಳಸಿದವರಲ್ಲಿ ಮೊದಲಿಗರು. 1.55 ಕಿಲೋ ಗ್ರಾಮ್ನ ಎಸ್ ಎಸ್ ಜೂಲು ಅನ್ನೋ ಹೆಸರಿನ ಬ್ಯಾಟ್ ಬಳಸಿದ್ದರು. ಉಳಿದ ಬ್ಯಾಟ್ಗಳಿಗಿಂತ ಭಿನ್ನವಾಗಿದ್ದ ಈ ಬ್ಯಾಟ್ ಹಿಡಿಕೆ ಭಾರೀ ಚಿಕ್ಕದಾಗಿತ್ತು. 3 ಇಂಚು ಅಗಲವಾಗಿದ್ದ ಈ ಬ್ಯಾಟ್ನಲ್ಲಿ ಕ್ಲೂಸಿನರ್ ಸಾಕಷ್ಟು ಬೌಂಡರಿ ಹಾಗೂ ಸಿಕ್ಸರ್ಗಳನ್ನು ಸಿಡಿಸಿದ್ದರು. ಈ ಬ್ಯಾಟ್ ಬಳಸಲಿಕ್ಕೂ ಮುನ್ನ ಕ್ಲೂಸಿನರ್ ಅಷ್ಟೇನೂ ಮಿಂಚಿರಲಿಲ್ಲ ಅನ್ನೋದು ಕೂಡ ಗಮನಾರ್ಹವಾದ ವಿಷ್ಯ.
ಸಚಿನ್ ಬ್ಯಾಟ್ ತೂಕ 1.47 ಕೆ.ಜಿ.
ಈ ವರೆಗೂ ಸಚಿನ್ ತೆಂಡುಲ್ಕರ್ ಅತೀ ಹೆಚ್ಚು ಭಾರವಾದ ಬ್ಯಾಟ್ ಬಳಸಿದ ಆಟಗಾರ ಅಂತಾನೇ ನಂಬಲಾಗಿದೆ. ಆದ್ರೆ, ಸಚಿನ್ ಬಳಸಿದ ಬ್ಯಾಟ್ ತೂಕ 1. 47 ಕಿಲೋ ಗ್ರಾಂನದ್ದಾಗಿದೆ. ಉದ್ದ ಹಾಗೂ ಅಗಲದಲ್ಲಿ ಯಾವುದೇ ಬದಲಾವಣೆ ಇರಲಿಲ್ಲವಾದ್ರೂ ದಪ್ಪನೆಯದ್ದಾಗಿತ್ತು. ಇನ್ನು ಸಚಿನ್ 1996ರ ವರೆಗೂ ತಮ್ಮ ಬ್ಯಾಟ್ಗೆ ಯಾವುದೇ ಪ್ರಯೋಜಕತ್ವವನ್ನು ಪಡೆದಿರಲಿಲ್ಲ. ಆ ನಂತ್ರದಲ್ಲಿ ಎಮ್ಆರ್ಎಫ್ ಕಂಪನಿ ಅವ್ರಿಗಾಗಿ ಇಂತಹದೊಂದು ಬ್ಯಾಟ್ ಪ್ರಯೋಜಕತ್ವ ನೀಡಿತ್ತು. ವಿಶೇಷ ಅಂದ್ರೆ, ಈ ಬ್ಯಾಟ್ 2010ರಲ್ಲಿ 47 ಲಕ್ಷಕ್ಕೆ ಹರಾಜಾಗಿತ್ತು.
ಕ್ರಿಸ್ ಗೇಲ್ ಬ್ಯಾಟ್ ತೂಕ 1.36 ಕೆ.ಜಿ.
ವಿಂಡೀಸ್ ದೈತ್ಯ ಆಟಗಾರ ಕ್ರಿಸ್ ಗೇಲ್ ಬ್ಯಾಟಿಂಗ್ ಅಬ್ಬರ ನೋಡ್ತಿದ್ದಾಗೆಯೇ ಅವರ ಬ್ಯಾಟ್ ತೂಕ ಎಷ್ಟಿರಬಹುದು ಅನ್ನೋ ಪ್ರಶ್ನೆ ಎಲ್ಲರಿಗೂ ಎದುರಾಗಿರುತ್ತೆ. ಆದರೆ, ಗೇಲ್ ಈವರೆಗೂ ಬಳಸಿರೋ ಭಾರೀ ತೂಕದ ಬ್ಯಾಟ್ ಅಂದರೆ, 1.36 ಕಿಲೋ ಗ್ರಾಂನದ್ದು. ದಪ್ಪ ಕೆಳಭಾಗದ ಬ್ಯಾಟ್ಗೆ ಗೇಲ್ ಸ್ವತಃ ಡಿಸೈನ್ ಮಾಡಿಸಿದರು. 2012ರ ನಂತರ ಸ್ಪರ್ಟಾನ್ ಪ್ರಯೋಜಕತ್ವದಲ್ಲಿ ಈ ಬ್ಯಾಟ್ ಬಳಸಿದರು.
ವೀರೂ ಬ್ಯಾಟ್ ತೂಕ 1.35 ಕೆ.ಜಿ.
ನಜಾಫ್ಘಡದ ನವಾಬ ಅಂತಾನೇ ಕರೆಸಿಕೊಳ್ಳೊ ವಿರೇಂದ್ರ ಸೆಹ್ವಾಗ್ ಕೂಡ ಹೇವಿ ವೇಟ್ ಬ್ಯಾಟ್ ಬಳಿಸಿದ್ದರು. ಇದರಿಂದಾಗಿಯೇ ಅವರು ಎದುರಿಸುವ ಮೊದಲ ಬಾಲ್ನಿಂದಲೇ ಚಾರ್ಜ್ ಶುರುಮಾಡ್ತಿದ್ದರು. ಟೆಸ್ಟ್ನಲ್ಲಿ 300ರನ್ ಏಕದಿನದಲ್ಲಿ 200 ರನ್ ಹಾಗೂ ಟಿ20ಯ 100ರನ್ಗಳು ಅವರ ಆಟಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.
ಡೇವಿಡ್ ವಾರ್ನರ್ ಬ್ಯಾಟ್ ತೂಕ 1.25 ಕೆ.ಜಿ.
ಗೇಲ್ನಂತೆಯೇ ಡೇವಿಡ್ ವಾರ್ನರ್ ಕೂಡ ಕೆಳ ಭಾಗದಲ್ಲಿ ದಪ್ಪಗಿರುವಂತಹ ಬ್ಯಾಟ್ ಅನ್ನು ಬಳಸಿದ್ದಾರೆ. 1.25 ಕಿಲೋ ಗ್ರಾಂ ತೂಕದ ಈ ಬ್ಯಾಟ್ ವಾರ್ನರ್ ಅಬ್ಬರಿಸೋಕೆ ಸಾಕಷ್ಟು ಸಲ ನೆರವು ನೀಡಿದೆ. ಇನ್ನು ಆರಂಭಿಕನಾಗಿ ಕ್ಲಿಕ್ ಆಗೋದಿಕ್ಕೆ ಕೂಡ ಇದು ಸಹಕಾರಿಯಾಗಿದೆ ಅನ್ನೋದನ್ನ ವಾರ್ನರ್ ಸಹ ತುಂಬಾ ಸಲ ಹೇಳ್ಕೊಂಡಿದ್ದಾರೆ.
ಈ ಐವರು ಆಟಗಾರರು ಉಳಿದೆಲ್ಲರಗಿಂತಲೂ ಭಿನ್ನವಾಗಿ ನಿಂತ್ಕೊಂಡು ಭಾರೀ ತೂಕದ ಬ್ಯಾಟ್ಗಳನ್ನು ಬಳಸಿದ್ದಾರೆ. ಅಷ್ಟೆ ಅಲ್ಲ ಅದ್ರಲ್ಲಿ ಸಕ್ಸಸ್ ಕೂಡ ಆಗಿದ್ದಾರೆ.