ಸ್ಟೋಕ್ಸ್​ ಶತಕಕ್ಕೆ ಭಾರತೀಯರೇ ಕಾರಣ: ಕೊಟ್ಟರು 7 ಜೀವದಾನ

ಸ್ಟೋಕ್ಸ್​​​ 60 ಹಾಗೂ 61 ರನ್​​​ ಗಳಿಸಿದ್ದಾಗ  ಎರಡು ಬಾರಿ ಕೀಪರ್​​​ ವೃದ್ಧಿಮಾನ್​​ ಸಾಹ  ಕ್ಯಾಚ್​ ಕೈಚೆಲ್ಲಿದ್ರು. ನಂತರ 90 ರನ್​​​ ಗಳಿಸಿದ್ದಾಗ ಬೌಂಡರಿ ಬಾರಿಸಲು ಹೋಗಿ  ಕೊಹ್ಲಿಗೆ ಕಷ್ಟದ ಕ್ಯಾಚ್​​ ಹಿಡಿಯುವಲ್ಲಿ ವಿಫಲರಾದರು.

ರಾಜ್ ಕೋಟ್(ನ.11): ಮಧ್ಯಮ ಕ್ರಮಾಂಕದ ಬೆನ್​​​ ಸ್ಟೋಕ್ಸ್​​​ಗೆ ಜೀವದಾನಗಳ ದಿನ ಎಂದ್ರೂ ತಪ್ಪಾಗ್ಲಿಕ್ಕಿಲ್ಲ. ಏಕೆಂದ್ರೆ ಅವರಿಗೆ ಸಿಕ್ಕಿದ್ದು ಬರೋಬ್ಬರಿ 7 ಜೀವದಾನಗಳು.

ಸ್ಟೋಕ್ಸ್​​​ 60 ಹಾಗೂ 61 ರನ್​​​ ಗಳಿಸಿದ್ದಾಗ  ಎರಡು ಬಾರಿ ಕೀಪರ್​​​ ವೃದ್ಧಿಮಾನ್​​ ಸಾಹ  ಕ್ಯಾಚ್​ ಕೈಚೆಲ್ಲಿದ್ರು. ನಂತರ 90 ರನ್​​​ ಗಳಿಸಿದ್ದಾಗ ಬೌಂಡರಿ ಬಾರಿಸಲು ಹೋಗಿ  ಕೊಹ್ಲಿಗೆ ಕಷ್ಟದ ಕ್ಯಾಚ್​​ ಹಿಡಿಯುವಲ್ಲಿ ವಿಫಲರಾದರು.

96 ರನ್​​​​ ಗಳಿಸಿದ್ದಾಗ ರಿವರ್ಸ್​​​ ಸ್ವೀಪ್​​​ ಮಾಡಲು ಹೋಗಿ ಮತ್ತೊಮ್ಮೆ ಸಾಹಗೆ ಕ್ಯಾಚ್​​ ನೀಡಿದ್ರೂ ಅದನ್ನ ಹಿಡಿಯುವಲ್ಲಿ ಸಫಲವಾಗಲಿಲ್ಲ. ನಂತರ 108 ಗಳಿಸಿದ್ದಾಗೂ ಸಾಹ ಸ್ಟಂಪ್​​ ಔಟ್​​ ಮಿಸ್​ ಮಾಡಿದರು. ಇದರೊಂದಿಗೆ ಸ್ಟೋಕ್ಸ್​​ಗೆ ಒಟ್ಟು 7 ಜೀವದಾನಗಳನ್ನ  ಭಾರತೀಯರು ನೀಡಿದರು.

ಅವರು 60 ರನ್​​ ಗಳಿಸಿದ್ದಾಗಲೇ ಔಟಾಗಿದ್ದಿದ್ದರೆ ಇಂಗ್ಲೆಂಡ್​​ ಇಷ್ಟು ದೊಡ್ಡ ಮೊತ್ತ ಪೇರಿಸಲು ಸಾಧ್ಯವಾಗುತ್ತಿರಲಿಲ್ಲ. ಒಂದು ಹಂತದಲ್ಲಿ ಸ್ಟೋಕ್ಸ್​ ಶತಕಕ್ಕೆ ಭಾರತೀಯರೇ ಕಾರಣ ಎಂದರೆ ತಪ್ಪಾಗುವುದಿಲ್ಲ.

ಇದಲ್ಲದೇ ಜಾನಿ ಬೈರ್​​ಸ್ಟೊವ್ 42 ರನ್​​ಗಳಿಸಿದ್ದಾಗಲೂ ಸತತವಾಗಿ ಎರಡು  ಕ್ಯಾಚ್ ಕೈಚೆಲ್ಲಲಾಯ್ತು. ಆದರೆ ಅವರು 46ಕ್ಕೆ ಔಟಾದರು. ರಹಾನೆ ಮತ್ತು ಕೊಹ್ಲಿ ಟೀಮ್ ಇಂಡಿಯಾದ ಬೆಸ್ಟ್ ಫೀಲ್ಡರ್ಸ್​. ಆದರೆ ಅವರೇ ಈ ಟೆಸ್ಟ್​​ನಲ್ಲಿ ಸಾಕಷ್ಟು ಕ್ಯಾಚ್​ಗಳನ್ನ ಡ್ರಾಪ್ ಮಾಡಿದರು. 

ಇನ್ನು ಕೆಲ ರನೌಟ್ ಮಿಸ್ ಮಾಡಿಕೊಂಡರು. ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್​​​​ನಲ್ಲಿ ಬೃಹತ್ ಮೊತ್ತ ಪೇರಿಸಲು ಭಾರತೀಯರ ಕಳಪೆ ಫೀಲ್ಡಿಂಗ್ ಕಾರಣವಾಯ್ತು. ಕಳಪೆ ಫೀಲ್ಡಿಂಗ್​ನಿಂದ ಭಾರತೀಯ ಬೌಲರ್ಸ್, ಆಂಗ್ಲ ಬ್ಯಾಟ್ಸ್​ಮನ್​ಗಳನ್ನ ಕಟ್ಟಿಹಾಕಲು ಸಾಧ್ಯವಾಗಲಿಲ್ಲ.