ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಶೇನ್ ಅವರ ಅದ್ಭುತ ಇನ್ನಿಂಗ್ಸ್'ನಲ್ಲಿ ಅಮೋಘ 57 ಸಿಕ್ಸರ್‌ಗಳು ಹಾಗೂ 27 ಬೌಂಡರಿಗಳು ಮೂಡಿಬಂದಿವೆ.
ಕೆಪ್‌ಟೌನ್(ನ.18): ದಕ್ಷಿಣ ಆಫ್ರಿಕಾದ 20 ವರ್ಷದ ಕ್ರಿಕೆಟಿಗನೊಬ್ಬ ಶನಿವಾರ ನಡೆದ ಏಕದಿನ ಪಂದ್ಯದಲ್ಲಿ 490 ರನ್ ಸ್ಫೋಟಿಸಿ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ. ಇಲ್ಲಿ ನಡೆದ ಕ್ಲಬ್ ಪಂದ್ಯವೊಂದರಲ್ಲಿ ಎನ್‌ಡಬ್ಲ್ಯೂಯು ಪುಕ್ಕೆ ಕ್ಲಬ್ ಪರವಾಗಿ ಕಣಕ್ಕಿಳಿದಿದ್ದ ಶೇನ್ ಡ್ಯಾಡ್‌ವೆಲ್ ಈ ಸಾಧನೆಗೈದ ಯುವ ಕ್ರಿಕೆಟಿಗ.
ಪೋಚ್ ಡ್ರಾಪ್ ತಂಡದ ವಿರುದ್ಧ ನಡೆದ 50 ಓವರ್‌ಗಳ ಪಂದ್ಯದಲ್ಲಿ 151 ಎಸೆತಗಳನ್ನು ಎದುರಿಸಿದ ಶೇನ್, ಎದುರಾಳಿ ತಂಡದ ಬೌಲರ್‌ಗಳನ್ನು ಅಕ್ಷರಶಃ ಬೆಚ್ಚಿ ಬೀಳಿಸಿದ್ದಾರೆ. ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಶೇನ್ ಅವರ ಅದ್ಭುತ ಇನ್ನಿಂಗ್ಸ್'ನಲ್ಲಿ ಅಮೋಘ 57 ಸಿಕ್ಸರ್‌ಗಳು ಹಾಗೂ 27 ಬೌಂಡರಿಗಳು ಮೂಡಿಬಂದಿವೆ. ಶೇನ್ ಅವರ ಈ ಆಕರ್ಷಕ ಬ್ಯಾಟಿಂಗ್ ನೆರವಿನಿಂದ ಎನ್‌ಡಬ್ಲ್ಯೂಯು ಪುಕ್ಕೆ ಕ್ಲಬ್ ನಿಗದಿತ 50 ಓವರ್‌ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 677 ರನ್ ಪೇರಿಸಿದೆ. ಶನಿವಾರ ಶೇನ್ ಅವರ 20 ವರ್ಷದ ಹುಟ್ಟುಹಬ್ಬ ಎಂಬುದು ಮತ್ತೊಂದು ವಿಶೇಷ.